أهواك يا علي - الملا علي مهدي | الملا محمد بوجبارة | الميرزا محمد الخياط
مولد أمير المؤمنين عليه السلام
أهواك يا علي - الملا علي مهدي | الملا محمد بوجبارة | الميرزا محمد الخياط
بس أنته الولي .. اهـواك يــاعلي
اهـواك يــاعلي .. بس أنته الولي
ــــــــــــــــــــــــــــــــــــــــــــــــــــــــــــــــــــــــــــــــــ
يــشهــد ليـه ربـي . هذا حبي .عــن قـناعه
والگـــالــو مغـالـي . ما أبالي . هذي اشاعه
عن علــم ودرايـه . هالهدايه . وبأستـطاعه
من صدر امي ماخذ . هالمأخذ . بالـرضاعه
حبك من هلي * اهـواك ياعلي
ـــــــــــــــــــــــــــــــــــــــــــــــــــــــــــــــــــــــــــــــــــــ
من زغري هويتك . واحتـويتك . يا امـامي
تشهد لي يغـالي . هالـليـالي . اتظل هيامي
ما محتاج اوضح . لو اصـرح . عن غـرامي
دلالي تعرفـه . ما أوصــفه . فـــي كـــلامي
ابحبك مبتلي * اهـواك ياعلي
ـــــــــــــــــــــــــــــــــــــــــــــــــــــــــــــــــــــــــــــــــــــ
مثلك ماكو ثاني . اعرفته اني . في حياتي
شفتك يا أمامـي . فـي صيامي . وبصلاتي
الدلالي اتخذتك . يالمحبـتك . صك نجاتي
والبيعه اكتبــتهه . أوقعــتهه . الحـد مماتي
منو غيرك إلي * اهـواك ياعلي
ـــــــــــــــــــــــــــــــــــــــــــــــــــــــــــــــــــــــــــــــــــــ
گالو انتـه شــاعر . والمشاعر . بيـك انيـقه
وحي الشعر اجالك . وانتقالك . من طريقه
ما معــناه كلامـك . في امامك . مو حقيقه
گــلتلهــم ولائــي . في دمـائي . هالوثيـــقه
اتحير سائلي * اهـواك ياعلي
ـــــــــــــــــــــــــــــــــــــــــــــــــــــــــــــــــــــــــــــــــــــ
يالساكن عيوني . هددوني . چيه عرفتــك
گالولي انسه خلك . وانه اگلك . ما تركتـك
يامالك حياتي .وذكرياتي . بروحي شفتك
أية حُب عظيمه. الحب تديمه. من حملتك
حبُي الاولي * اهـواك ياعلي
الشاعر
حيدر تركي الكربلائي
تعليقات
إرسال تعليق