الاحبك مالتك قل مستواها/الشاعر يحيى العلاق مكتوبة
الاحبك مالتك قل مستواها
چانت حارة وبردت شجاها؟؟
چنت تگولها وروحك وياها
بعدها بداخلك واسمع صداها
ليش اختفت بيها لهفة الشوگ
لا رجفت گلبي ولا هواها
انت تحبني؟؟ اي والله اكره الاي
من تصير كلمة ورد غطاها
احس گدامها احچاية التنگال
واحس چفيان شر واگف وراها
المن سمعتها؟؟ بمذهبك گول
واسويلك تنازل للخذاهه
هاي الكلمة من تنگال لاثنين
بعد متفيد تفقد محتواها
اليگلك احبك يعني للموت
مو احرف يحركها بشفاهه
الاحبك مالتك! متغيره مو ذيچ
ذيچ انباعت وغيري اشتراها
تعليقات
إرسال تعليق