شتسوي لو عاشور اجه
وما باقي بس جم ليله
وتموت وحسـينك بعد
مــا لحكــت تبــجــيله
البــــاقر انه و گلبي مكسور
الخادم المات وجاي عاشور
ويلاه .. ويلاه
〰〰〰〰〰〰〰〰〰〰
اني البـــاقر اني .. خــادم كل زماني
ورث مــن والدي زيــن العـــابديــن
جان المي يشربه .. دمعه اعليه يصبه
وجان كل صبح ومسه يصرخ حسين
منه اورثت نفس الصفه تاذيني نبلة حرمله
وتگــصد اليه الشعراء ونفــرفح لطف كربله
ارفع ستار بمجلسي ونبجي اعله عمه مدلله
ورث الابن من الابو
وارث الخدمه الباقر
انه الاذا مرني فرس
ما انظر اعله الحافر
جـَدي بحوافر ثوبه مجرور
الخادم المات وجاي عاشور
ويلاه .. ويلاه
〰〰〰〰〰〰〰〰〰〰
بصغري بالمجالس .. وبسود الملابس
مــره الطـــم مره اوزع بــيدي مـــاي
وقماش بجبيني .. كاتب بيه حسيني
بــدون مجلس جـــان ما ينشم هواي
عمري خلص قبل الشهر وتخيل شگد منقهر
خـــدام سمعوا كلمتي شبعوا بچي باجر گبر
قيس العمر مو كم سنه شگد منهظم لام الخدر
لو ما على الشيعه خفت
المــــا ينحـجن احجيهن
بكبــــري وسوالف كربله
گلـــبي يتــگطع بيــــهن
اخـــدم قبل لا يوصلك دور
الخادم المات وجاي عاشور
ويلاه .. ويلاه
〰〰〰〰〰〰〰〰〰〰
غمض لحضه واسكت .. وفكر انت ميت
والعــزه يــبدي ويسجلونك غيــاب
وتصيح المآتم .. ناقص عدنه خادم
صحبتك بالمــــوكب وانـــت بتراب
تبقى تصيح اعله الخدم اخذوني خل اخدم بعد
مـا اكدر الطم بالكبر سوولي حل صدري برد
تقبلون شادود العزا تموت ايده ولوحده گعد
باجر يحرگون الخيم
وانــــه شسوي بگبري
خلولي صـــوره بالعزه
ولطمولي بيها بصدري
خلــوله حصه بلطم الصدور
الخادم المات وجاي عاشور
ويلاه .. ويلاه
〰〰〰〰〰〰〰〰〰〰
جم يوم لمحرم .. وانت لجرحي افهم
خـــادم مفـــــارگ عــزائي لـلحسين
يا خــادم تأمل .. يا زايــــر تخيل
انت مــــا تمشي السنه بالاربعين
تمــر المواكب والمشي وانت تضل بالمگبره
مو صعبه لا تذبح ذبح الزاير يحس بيها تره
لحسين ما تمشي بعد ولتزور سبع الكنطره
يـومــين فــــارگ كـــربـله
وشوف الوجع يوصل وين
شايف الشوگ شگد صعب
مــن رايـــد تشــم حسين
خنگـــة بعيد ورايـــد يزور
الخادم المات وجاي عاشور
ويلاه .. ويلاه
〰〰〰〰〰〰〰〰〰〰
هــذا انه مصابي .. يـــالتقرأ كتابي
سنـــه متــاني محرم وتاليها اموت
ضج گلبي بنحيبه .. عندي اكبر مصيبه
شلـــون اغيب وليلـــة الســـابع تفوت
سادة احنه ونحب الگمر عباس ابو الخوه الصدگ
عبـــاس بالســـابع اله بثيابنه بحرگه نشگ
محروگه اديه امن الخيم وبكبري گلبي محترگ
يا شيعه هذي اوصيتي
من محتـــرگ بالخيمه
كلما نسيــت
وا تذكروا
ركضة رقيــــة بهيمه
تسحگ الشوك بساق مكسور
الخــادم المات وجاي عاشور
ويلاه .. ويلاه
__
#ميثاق_الحمداني
تعليقات
إرسال تعليق