علي روحي ومهجتي.. علي حبي وغايتي
علي عمري ودنيتي ..علي
علي مولا علي مولاي
عشقي الك ماينوصف.. مثل البحر لا مايجف
ميفارق الماي
لعيوني ياحيدر ضوى.. واتنفسك مثل الهوى
بس انت رجواي
علي ياسيف وعلم.. علي ياصفحه وقلم
علي ياجود وكرم....علي
****************
ياجنة الله اعله الارض.. حبك علي اعظم فرض
يارحمة الناس
ياشاغل افكار البشر.. تبقى انت عنوان الفخر
تاج اعله كل راس
علي ياباب الفرج.. علي ساكن بالمهج
علي يبقى اسمك وهج....علي
*********
منك تعلمت الابه.. واعشقتك آنه امن الصبه
هالعشق محلاه
يرويني نبع محبتك.. قلبي يذوب لسيرتك
ياحجة الله
علي ياراية شرف.. علي يانبض النجف
علي بدلالي هتف.. علي
*******
بعيني يحيدر صورتك.. باروع ملامح رسمتك
دوم اعله بالي
صوره اشوف مجسمه.. من طيف الوان السمه
تمر بخيالي
علي ياشمس الصبح.. علي يااعظم صبح
علي بلسم للجرح.. علي
ثغري يحيدر يبتسم.. من اسمع بهذا الاسم
يااغلى محبوب
ماانسه اسمك ياعلي.. انت شعاري يالولي
وبقلبي مكتوب
علي يانبع الوفه.. علي روح العاطفه
علي كنز المعرفه.. علي
تعليقات
إرسال تعليق