بالقلب حزني ايتجدد
من أشاهد علم اسود
ماابطل نوحي ناصب ابنص روحي
علم اسود
********
العلم من اشوفه وانظره
أحاجي السواد وأخبره
بسوادك دليلي تكسره
من اشوفك ياعلم دم تسفح العين
مثل لونك صارت الدنيه على حسين
من بقه وحده وعليه الجيش صوبين
هوه مرمي أعله الثرى امعفر الخدين
من شفت راية محرم اتذكرت بشر ابن حذلم
شلون ينعى حسينه وشايل ابجفينه
علم اسود
****
العلم لونه يشبه مخيم
احترق بس رماد الجمر تم
بسواد احدعش من محرم
العلم اسود جنه ليل الحرم دامس
ليلة الزينب بقت من غير حارس
باتت بذيج المسيه بريج يابس
خايفه ايوقفونها بذيج المجالس
زينوها ديرة الشام و للشماته انرفعت اعلام
جم علم يلقاهم لجن ما وياهم
علم اسود
************
اشوف العلم باغترابه
سواده سواد الخرابه
اهيم بخيالي ومصابه
اللون الاسود بيه اتذكر رزيه
مثل لون الي أشوفه بخد رقيه
جنها جدتها صفت قبل المنيه
والأثر مثل اللذي بخد الزجيه
بالبجي لو تنعمي العين
ماتوّفي امصاب الحسين
والله جل اجلاله بالعرش خلاله
علم اسود
***********
العلم بيه كسر للخواطر
سلبني سواد النواظر
بسوادالتكثره العساكر
اللون الاسود زينب اتشيله ابجفنها
من كثر ما سهرت اتباري ظعنها
هسه وادي امرايه بي يعكس حزنها
مثل هاللون اشكثر تلقه ابمتنها
وراس اخوها قاطعينه ردته بيوم اربعينه
وانبنت بالهيمه خيمه واعله الخيمه
علم اسود
********
العلم هيـّج اعليه ثاري
وعلم ثاني بيه اطفي ناري
عشتله العمر بانتظاري
مثل هالرايه اتاني رايه سوده
ترتفع بيد الخراساني وجنوده
للامام المنتظر يوفي ابوعوده
واسأل الله بالعجل ألنه يعوده
ابرايه سوده بيده ثاره
وبيمينه ذوالفقاره
وحين يلكد مهره انشوفه دق ابظهره
علم اسود
*************
الشاعر
ميرزا عادل اشكناني
تعليقات
إرسال تعليق