ﺷﻠﻮﻥ ﺗﺠﺮﻱ ﻭﻣﺎﻳﻚ ﺍﺯﺭﻙ ﻳﺎﻓﺮﺍﺕ ?
ﻭﺍﻧﺘﺔ ﺫﻧﺒﻚ ﻣﻮ ﺫﻧﺐ ﻳﻔﻄﺮ ﺳﻤااا !
ﺍﺗﺴﺎﺑﻜﺖ ﺑﺎﻟﻄﻒ ﻋﻠﻰ ﺣﺴﻴﻦ ﺍﻟﺴﻴﻮﻑ
ﻭﻣﺎﻳﻚ ﺍﻭﻝ ﺳﻬﻢ ﻓﻲ ﺻﺪﺭه ﺍﻧﺮمه
********
ﻭﻃﺎﺡ ﺍﺑﻮ ﺍﻟﺴﺠﺎﺩ ﻳﻢ ﺟﺮﻓﻚ ﺷﻬﻴﺪ
ﺑﻴﻦ ﺳﻴﻔﻴﻦ ﺍﻟﻌﺪه ﻭﺳﻴﻒ ﺍﻟﻀﻤﺎا
********
ﻭﺟﺎﻥ ﻣﺎﻳﻚ ﺍﺣﺪ ﻣﻦ ﻛﻞ ﺍﻟﺴﻴﻮﻑ
ﺍﺛﺮ ﻋﻠﻰ ﺣﺴﻴﻦ ﺣﻴﻞ ﻭأﻟمه
********
ﺍﻟﺴﻴﻮﻑ ﺍﻋﺘﻨﺖ ﺗﻄﻠﺐ ﺩﻡ الحسين
ﻭﻫﺎﻱ ﺣﺎﺳﺒﻬﺎ ﺍﻟﺤﺴﻴﻦ ﺑﻤﻘﺪمه !
********
ﺑﺲ ﺑﻨﺎﺕ ﺍﻟﻤﺼﻄﻔﻰ ﺣﺮﺕ ﺟﺒﻮﺩ
ﻭﺣﺴﻴﻦ ﺣﺮ ﻭﻫﺎﻱ ﻟﻠﺤﺮ تلجمه
********
ﻭﻋﻄﺶ ﻋﺒﺪﺍﻟﻠﻪ ﺍﻟﺘﻔﺮﻓﺢ ﺑﻴﻦ ﺍﺩﻳﻪ
ﻭﻛﻄﻊ ﻛﻤﺎطه ﻭﻟﻌﺪ ﻣﺎﻳﻚ ﻭﻣﻪ
********
ﻫﺎﻱ ﺑﺲ ﻭﺣﺪﻫﺎ ﺻﺎﺭﺕ ﻛﺮﺑﻼﺀ
ﻋﻠﻰ ﺣﺴﻴﻦ ﻭﻛﺮﺑﻼ ﻣﻦ ﺷﺮﺫﻣﻪ
********
ﺍﻧﻪ ﻟﻮ ﻣﻨﻚ ﺍﻭﺩﻱ ﻭيه ﺍﻟﻄﻴﻮﺭ
ﻣﺎﻱ ﺧﺎﻃﺮ ﻣﻨﺴﺌﻞ ﻟﻴﺶ ﻭﻟﻤﻪ
********
ﻟﻜﻦ ﺍﻧﺘﺔ ﺗﺮﻳﺪ ﺗﺬﻧﺐ ﻳﺎ ﻓﺮﺍﺕ
ﻭﻫﺎﻱ ﻣﺎ ﺗﺤﺘﺎﺝ ﺷﺮﺡ ﻭترجمه
********
ﺍﻧﻔﺮﻁ ﻋﻘﺪ ﺍﻟﺪﻳﻦ ﻭﻋﻴﻮﻧﻚ ﺗﺸﻮﻑ
ﻭﺟﺎﻥ ﻣﻤﻜﻦ ﻏﺮﻓﺔ ﻣﻨﻚ ﺗﻠظمه
********
ﻋﻄﺸﻴﺖ ﺍﻟﺪﻳﻦ ﻋﻦ ﺑﻜﺮﺓ ﺍبيه
ﻭﻛﻄﻌﻴﺖ ﺟﻔﻮﻑ ﺭﺍﻋﻲ الموزمه
********
ﺗﺪﺭﻱ ﻟﻮ مايكـ ﻭﺻﻞ ﻳﻢ ﺍﻟﺨﻴﺎﻡ
ﺟﺎ ﺭﻭﻯ ﺍﻟﻌﺒﺎﺱ ﻣﻨﻬﻢ صارمه
********
ﻭﺟﺎﻥ ﻣﺎ ﺭﺩﺕ ﺭﺅﻭﺱ ﻋﻠﻰ ﺍﻟﺮﻣﺎﺡ
ﻭﺟﺎﻥ ﺭﺩﺕ ﺭﻭﺳﻬﻢ ﺗﻜﻄﺮ ﺩمه
********
ﺷﻠﻮﻥ ﻳﻤﻚ ﻃﺎﺡ ﻋﻄﺸﺎﻥ ﺍﻟﺤﺴﻴﻦ
ﻭﻣﺎ ﺭﻛﺾ ﻣﺎﻳﻚ ﻭﻳﻢ ﺟﺪمه ارتمه
********
ﻃﺎﻋﺖ ﺍﺳﻤﺎﻋﻴﻞ ﺻﺤﺮﺍﺀ ﺍﻟﺤﺠﺎﺯ
ﻭﺍﻧﺘﺔ ﺷﺢ ﻣﺎﻳﻚ ﻻﺑﻦ ﺣﺎﻣﻲ ﺍﻟﺤﻤﻰ
********
ﻣﺎ ﺍﺿﻦ ﺍﺳﻤﺎﻋﻴﻞ ﺍﻛﺮﻡ ﻣﻦ الحسين
ﻭﻻ ﺍﺿﻦ ﺍﻣﻪ ﺗﺘﻘﺪﻡ ﻓﺎﻃﻤـــــــــــــــــﺔ
********
ﺫﺍﻙ ﺍﺑﻦ ﺍﻟﻨﺒﻲ ﺍﻟﻲ ﺳﺎﻝ ﺍﻟﺠﻠﻴﻞ
ﻛﻴﻒ ﺗﺤﻴﻲ ﺍﻟﻤﻮﺗﻰ ﻭﺗﺮﺩ ﻗﺎﺋﻤﺔ
********
ﻭﻫﺬﺍ ﺍﺑﻦ ﺣﻴﺪﺭ ﻋﻠﻲ ﺳﻴﻒ ﺍﻟﺮﺳﻮﻝ
ﺍﻟﻤﺎﻳﻬﺎﺏ ﺑﺪﻳﻨﺔ ﻟﻮﻣﺔ ﻻئمــــــــــــــــه
********
ﺍﻟﻜﺎﻝ ﻟﻮ ﻳﻨﻜﺸﻒ ﻋﻦ ﻋﻴﻨﻲ ﺍﻟﻐﻄﺎﺀ
ﻣﺎ ﻳﺰﻳﺪ ﻣﻦ ﺍﻟﻴﻘﻴﻦ الفاهمــــــــــــــه
********
ﻳﺎ ﻓﺮﺍﺕ ﻭﺗﺠﺮﻱ ﺑﻌﺪﻙ ﻳﺎ ﻓﺮﺍﺕ ؟؟؟ !!
ﺍﻟﻤﺎﻳﺸﻮﻑ ﺍﻟﺤﻖ ﻋﺴﺔ ﺑﻌﻴﻨﺔ ﺍﻟﻌﻤﻰ
********
ﻛﻠﻬﺎ ﻣﺎﺗﺖ ﺧﺠﻞ ﻳﺎ ﻧﻬﺮ ﺍﻟﻔﺮﺍﺕ
ﻭﺍﻧﺘﺔ ﺍﺧﺮ ﺷﺎﻫﺪ ﻋﻠﻰ ﺍﻟﻤﻠﺤﻤﺔ
********
ﻛﻮﻡ ﻃﻢ ﺭﻭﺣﻚ ﺣﺪﺭ ﻛﺒﺮ ﺍﻟﺤﺴﻴﻦ
ﻭﺍﻋﺘﺬﺭ ﻟﻠﻪ ﺍﻃﻠﺐ ﻣﺮحمــــــــــــــه
********
ﻛﻮﻡ ﺍﻏﺴﻞ ﻣﺎﻳﻚ ﺑﺮﻣﻞ ﺍﻟﺤﺴﻴﻦ
ﻭﺧﻠﻲ ﻣﺎﻳﻚ ﻳﺎ ﻧﻬﺮ يتيمـــــــــــــه
********
ﻭﺷﻮﻑ ﺷﻨﻬﻮ ﺍﻟﻔﺮﻕ ﻣﺎ ﺑﻴﻦ ﺍﻟﻜﺮﺍﻡ
ﺣﺴﻴﻦ ﺷﺎﻑ ﺍﻟﺪﻳﻦ ﻋﻄﺸﺎﻥ ﺍﻟﺪمه
********
ﺿﺤﻰ ﺑﺎﺧﺮ ﻗﻄﺮه ﻣﻦ ﺩﻣﺔ ﺍﻟﺸﺮﻳﻒ
ﻭﺿﻠﺖ ﺍﺧﺮ ﻗﻄﺮه ﺛﻮﺭه ﻭﻗﺎﺋﻤﺔ
********
ﺣﺴﻴﻦ ﺻﺎﻓﻲ ﻭﺍﺻﻔﻰ ﻣﻦ ﻣﺎﻱ ﺍﻟﺠﻨﺎﻥ
ﻭﺍﻧﺘﺔ ﻣﺎﻳﻚ ﻃﻴﻦ ﻭﺟﺮﻭﻓﻚ طمـــــــــــــــه
********
ﺣﺴﻴﻦ ﻧﺒﻊ ﺍﻟﺠﻮﺩ ﻭﺍﻧﺘﺔ ﺍﺳﻤﻚ ﻧﻬﺮ !
ﻭﻳﺎ ﻧﻬﺮ ﻟﻠﻤﻨﺒﻊ ﺍﻧﻄﺔ ﻭﻛﺮمــــــــــــــه
********
ﺣﺴﻴﻦ ﻣﻨﻚ ﻟﻮ ﺷﺮﺏ ﺟﺎﻥ أرتويت
ﻭﺟﺎ ﺗﺸﺮﻑ ﻣﺎﻳﻚ ﻳﻼﻣﺲ فمـــــــه
********
ﻻﻛﻦ ﺍﻧﺘﺔ ﺍﻟﺤﺾ ﻋﻤﺎكـــ ﻭﺗﻴﻬﻴﺖ
ﻭﺳﻮﺀ ﺣﻀﻚ ﺭﺍﺩﻟﻚ ﻫﺎالخاتمــــــه
للشاعر رحيم المالكي
تعليقات
إرسال تعليق