قصيدة كافي تتهرب تعال من الاخير الشاعر يحيى العلاق مكتوبة
كافي تتهرب تعال من الاخير
گول مليتك شجاع شويه صير
حيل مشغول فتهمنه احجيلي غير
اطير قابل لا اكيد انه الاطير
ساعه ماعدك خلك مالك مزاج
وساعه عدك مشكله وضعك خطير
وراسك وكلبك وصحتك مو تمام
راح ادخلك مختبر فحص الضمير
گول ماريدك بعد خليني أروح
بعيني لا تزغر احجيهه وضل جبير
أنته كبل شكم شهر تطلب رضاي
ومن اباوعلك تفاصيلك تحير
واذا تلكاني بدرب تتبع خطاي
عينك تودعني حد ما استدير
والفديتك والعشكتك والغلاي
مفرداتك نزلت سوك الحرير
وكتلي يوسف بلحسن كتلك هواي
لان ادري بيوسف يحفروله بير
هله بوجه الخير اذا تسمع نداي
زمن بيك اني أتصل وتكلي خير
وختنك خنكه وتضيك الدنيه هاي
دموعي يمكن وصلتك عبر الاثير
شلون فجأة تغير سلوبك وياي
علي كلش مثلت دور الفقير
يا فشلته اليمشي من. جوا الماي
شطوله حبل الجذب مو كالو گصير
وآلله يدري شتحجي شصفط وراي
وكبلي جم وأحد تركته بهل مصير
العبه خلصت لا تعال ولا تعاي
أرد اكلك كلمه بالبيت الاخير
ما اريدك بعد لو يمك دواي
ايها الكاذب المحتال الشهير
تعليقات
إرسال تعليق