حيدر اتنصب امير
هذا عيد الله الچبير
يا سلام الله على يوم الغدير
..
إفرح بغديرك
وافخر بأميرك
من البدايه للنهايه عالولايه
نزلت الصحيفه
بس علي خليفه
نص تأوّل علي اول بيها آيه
هو للخايف امان
احله چلمه بالأذان
أشهد ان علي ماله نظير
...
إستمع يسامع
واجبك تبايع
بهالاراده من الولاده للشهاده
علي ماكو غيره
وفي كله غيره
واليحبه يرضي ربه بالعباده
يا سلام الله عليه
اني عبده بين اديه
هذا حبي من البدايه وللأخير
...
ثابت العقيده
عاشگ الصميده
غيره بيه حيدريه رافضيه
الساكن بنجفنه
هو كل شرفنه
من مهدنه الغيره عدنه علويه
والنداء اليعتلي
لا فتى الا علي
هو مولى النه غيره ما يصير
...
انسبّح بحروفه
علي ما نعوفه
منهو مثله حته الله اعليه صله
علي يبقه عالي
هوايه عدنه غالي
ماكو منّه قربه جنه بُعده ذله
بالحرب لو شفته هَدْ
ما اله كفواً احد
للكتائب كيف ما شاء يدير
...
مظهر العجايب
يحضر النوائب
واليحبه من يندبه يجلي كَربه
الما لگينه حلها
حيدره يحلها
الينخه بسمه يزيل همه يريح گلبه
انته بس يا علي گول
والله كل شده تزول
يا علي كلمن ينادي ما يحير
...
خادم الحسين ( عليه السلام)
كرار حسين الكربلائي
( ابو كميل)
عيد الغدير ,تنصيب الإمام علي,بيعة الغدير
تعليقات
إرسال تعليق