اجينه انجدد البيعه.. ياحيدر
اجينه لامرك انطيعه.. ياحيدر
تمر اسنيــــن.. على البيعه نظل باقين
******
يحيدر جنه بالاصلاب
وقعنه يداحي الباب
واليناك يابو تراب
ياحيدر ياحيدر
نظل طول السنين وياك
نسانه الله اذا ننساك
دنيه وآخره وياك
ياحيدر ياحيدر
لقينه حبك الجنه.. ياحيدر
عهدنه انوقعه بحبنه.. ياحيدر
عهد ماضين..علي البيعه نظل باقين
*********
الولايه بس عليك تلــوق
اجيناك بجنـاح الشـــوق
لهفــة عاشق لمعشـــوق
ياحيدر ياحيدر
شفنه ابحضرتك القلوب
عليها ياعلي مكتــوب
بايعناك يالمحبــــوب
ياحيدر ياحيدر
وصلنا نقبل ابابك.. ياحيدر
نكحل العين بترابك.. ياحيدر
يانور العين.. على البيعه نظل باقين
************
وصلنا لصحنك وزرنا
عهـد ويـاك جــددنــا
شرف حبك يشرفنا
ياحيدر ياحيدر
عرفنا حبك الفطره
فخر ياآيـة الكـبرى
مـن حبـك فلا نبره
ياحيدر ياحيدر
تظل بس انته غايتنه.. ياحيدر
تظل هالبيعه عزتنه.. ياحيدر
تظل كل حين.. على البيعه نظل باقين
*******
حبك تاج فوق الراس
لا موعاطفه واحساس
من الله فرض عالناس
ياحيدر ياحيدر
يربي والي من والاه
يربي عادي من عاداه
صوت المصطفى ناداه
ياحيدر ياحيدر
سمعنه الهادي ﭼلماته.. ياحيدر
كتاب الله وآياته.. ياحيدر
اصول الدين.. على البيعه نظل باقين
**********
كلمات الشاعر
قاسم الجنابي
تعليقات
إرسال تعليق