📜قصيدة : حلو بيارغهم
🎤الرادود : مرتضى حرب
🖋الشاعر : مرتضى حرب
~
حلو بيارغهم
وذبوا عمايمهم
وبشيبته اتحزم حبيب الهيبه
وگلها يزينب ذوله زلم النيبه
صدگيـة صحبتهم
صدگيـة صحبتهم
~~
لمهم حبيب ابخيمته وگللهم
تدرون زينب خايفه نغدرهم
دخنت الروس وذبو اعمايمهم
وللخيمه مال ام عون رگضو كلهم
گللها إبن ظاهر
يابت علي باچر
اشلع اعيونه الكال شاف اخيالچ
يبنيتي زينب خلي هايه ابالچ
وگضو شواربهم .. وحلو بيارغهم
~~~
گلتله عمي وكفـو من سمعته
وذب على راسه اتراب من حاچته
اتراب ابلحيته ويبچـي من شافته
سكته بچـت متعوده تبچـي ابسكته
وعاين عله ربعه
كلمن لبس درعه
وكل واحد اعله الباشط امخلي ايده
بس الحسين ايگـله هد إيريده
واتحزمو كلهم .. حلو بيارغهم
~~~
استعرضوا يم الخيمه مالت زينب
وشال ايده ابن ظاهر وسوو ملعب
هوس اگبال حسين وحسين اطرب
گله اظن حسبو عمك شيب
ارخصني أرد اخليهم
اتضيچ الأرض بيهم
غير آنه عمك وانته المسميني
شيخ الأنصار وهالإسم يكفيني
يعرفوني قاتدتهم .. حلو بيارغهم
~~~
ايعاين حسين اعليهم ومتبسم
واحد بالآخر يحس بي متحزم
بأنفاسهم عطر الوفه ظل إيشم
وعاين على العباس شافه امغيم
گله علي خلها
هاي الزلم كلها
وصارت امسابگ بين أخو وأصحابه
وهوسو للحگ هل إجت طلابه
وضحكن صوارمهم .. حلو بيارغهم
~~~
گلهم حسين الراي يمي التمو
يابوالفضل انته وحبيب اتقدمو
الباقين عالمعركه كلها التفو
وكلكم فرد هدة عليهم هدو
گلوله چا وانته
واتـحزم ابشته
چا شنهي صار العزم عنده انصاره
حسين وإيهد وياهم ابتاره
ويحلف ابغيرتهم .. حلو بيارغهم
~~~
طش خبر عد جيش الكفر خلاهم
ايخافون من الهوه الـ يتعداهم
صوته اصفر وگوه الشمر ناداهم
اصحاب الحسين حسين هد وياهم
ابخاجيته متحزم
ايطالب ابدم مسلم
واشجع زلمهم ماثبت بمجانه
من شاف ابوفاضل امچـنف اردانه
اصحابه افرحو كلهم .. حلو بيارغهم
~~~
هذا رزق من الله لو عالفطره
واحد يصير اصويحبه إبن الزهره
اصحاب الحسين الإسم هذا أشكبره
هنيالهم بيهم عطر من عطره
من صاح ابو اليمه
طاحو مثل نجمه
ايغار ابوفاضل حته ظل من عدهم
ابگـد ما ايحبون الحسين ايحسهم
بس بي سوالفهم .. حلو بيارغهم
°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق