مشتاقين : صالح الدرازي
كلمات عباس فرحان
ودونه ودونه كربلا وصلونه
مشتاقين انزور احسين وعباس ابو فاضل
كتبنه عالقلب تذكار نريد نزور ابو الاحرار
مشاعرنه وضمايرنه بدت ترسم مناره
تذاكرنا هوى المعشوق سعرها غالي مثل الشوق
ونتمنى الى الجنه نجي بأقرب زياره
كربلا صدى كل المحرومين
كربلا ترى والله مشتاقين
كربلا متى بس نوصل لحسين
حنينه حنينه عشاقه يدرينه
مشتاقين انزور حسين وعباس ابو فاضل
*********
متى نوصل الى العطشان نقول ابابه الاستيذان
والى الساقي نبض باقي نروح احنا الضمايا
قمرنا مايرد اضيوف وبين الحرمين انطوف
يروينا من ايمينه وفه وغيره وندايه
للقمر سره كل خاطر ياناس
للقمر غمر الشوق الانفاس
للقمر نذر الحب للعباس
بالرايه بالرايه نتمنى مشايه
مشتاقين انزور حسين وعباس ابو فاضل
.........
يامحلى بكربلا الخطوات كانها للعرش مرقاة
وابو الاكبر نجم يزهر مداره الغاضريه
نسير وبوصلتنا اهناك منارات وضوا وشباك
واذا ضعنا يرجعنا ضريحه الجاذبيه
بالصحن ضوايسطع ليل انهار
بالصحن امل اقلوب الاحرار
بالصحن رجا حاجات الزوار
والنيه والنيه كل حاجه مقضيه
مشتاقين انزور حسين وعباس ابو فاضل
*********
متى نروح ونجي ياناس من احسين واله العباس
سلام الله وصلاة الله على الغالي وعضيده
حلم ودنه حقيقه ايكون نكحل بالنجف العيون
علي عالي علي والي علي اصل العقيده
للنجف وصل الحب لاحباب
للنجف بلغ الصوت الاعتاب
للنجف ياعلي ياداحي الباب
لاعتابه لاعتابه مشتاقه احبابه
مشتاقين انزور حسين وعباس ابو فاضل
.....
تحن للكاظميه الروح زيارتنه تداوي اجروح
متى نوصل ونتوسل على باب الحوايج
سلام العاشق المحروم اجه اباب المراد يحوم
تحياتي لساداتي لسان آماله لاهج
لسامرا لعلي الهادي نشتاق
لسامرا نجي للعسكري عشاق
لسامرا يبو صالح كافي افراق
مهدينه مهدينه بلهفتنه نادينه
مشتاقين انزور حسين عباس ابو فاضل
تعليقات
إرسال تعليق