نصبوا العزاء لعاشور.. نادى جواد العتره
كلمن خدم جدي حسين الله يعظم اجره
****************
ياشيعه عن عاشورظلن ايام
يلا استعدوا وللعزه شدو احزام
معصوم آنه وصرت من الخدام
متعود بكل عاشوراللطم وابجي واقره
***************
متعود بعاشور بعيوني ادماء
وادخل بكل مجلس والكه الزهراء
بيديها دفتر بيه تكتب اسماء
محظوظ والله محظوظ لاسمه تكتبه الزهره
***************
اتمنيت ابقه أخدم هوايَ اسنين
لحد مااشيب وتذبل ارموش العين
تالي اخدمت اعوام خمسه وعشرين
حرموني من طف عاشور وبكلبي ظلت حسره
*****************
ياشيعه عن عاشور ماظل هواي
حضرت روحي وابدي توزيع الماي
سموني وآنه ابجي اعله جدي ومولاي
سموني وابجي اعله حسين الهشموا ظهره وصدره
*****************
استشهدت عطشان وغريب ابلا عون
وظليت نايم بالشمس ما مدفون
لاجن على مصاب السبط كلشي يهون
لسبي الحرم والاطفال خله بكلبنه كـسره
****************
وآنه بشبابي ودعـت عمـري الراح
تصورلي الاكبر من على مهره طاح
ياأبي ادركني باخر انفاسه صـاح
اعليه انكـسر كلب حسين وبروحه شبت جمـره
كلمات الشاعر
مصطفى الشافعـي
تعليقات
إرسال تعليق