هو انت محــرم
وريـث الآه والــدم
مادام انت حي المجلس يدوم
لحد ماتطلع انت سود الهدوم
............. ..
يالماضاحك بعمرك ولا فرحانلك فرحه
تره المر بيك يامولاي على المثلي صعب شرحه
اليحبكم واضح ومفضوح دمعة عينه ال تفضحه
العنده حمل ثارات ادري حجايتي تجرحه
انت الظال الهم البالطف غدو كلهم
ومابردت عليهم جمره لليوم
لحد ماتطلع انت بسود الهدوم
هو انت محرم
.......................
ياراعي الفاتحه الماطاح جادرها ولا مره
من دون الخلگ جا ليش بقلبك باتت الحسره
يعيش المجلس وينهاب التحضره فاطمه الزهره
بلا مجلس يصير الكون بعين الخادم شزغره
خدامك تحاجيك وعلى المجلس توصيك
نريد نشاركك مولاي الهموم
لحد ماتطلع انت بسود الهدوم
هو انت محرم
..........
بكيفك ياوريث حسين وانت الامر الناهي
بهاي الدنيه يامولاي آنه دمعتي سلاحي
اريدن لو سمعت حسين يوصل يمك صياحي
ابجي حسين حته ابعيد خي يكولون مو صاحي
عيد الله ظهورك ظلمه ابدون نورك
الشيعي اخلافكم كل عمره مظلوم
لحد ماتطلع انت بسود الهدوم
هو انت محرم
............................
يابن الراحن اعله النوگ وحبال السبي خشنات
لحد هاللحظه يامولاي بنات حسين عطشانات
الركّض عمتك ياحيف بداره تهنه وبات
واهلك ظلوا بدمهم متوسدين الترابات
مولاي لطلعتك تجري دموع عمتك
وما گلنه ابغيابك فاتك السوم
لحد ماتطلع انت بسود الهـدوم
هو انــت محــرم
.................
منتظرك الك مطلوب يالعايش تحت ظلك
فرحتي بطلعتك مولاي تاخذ ثارك و حلك
بگلبي ياجرح مضموم شما تكبر ولا املك
مولاي انت كلهم وتعرف كل شي عنهم
حزنكم على وجوه الخدم مرسوم
لحد تطلع انــت بسود الهدوم
هو انت محرم
الشـــــــــاعــــر
محمـــد البـطحـــاوي
ليالي استشهاد السيدة زينب (ع) ١٤٤٣ ه
ـ كلمات الشاعر | محمد البطحاوي
هيئة المسبية الشامخة |واسط
مونتاج | كاظم الموسوي
مكساج | كرار الموالي
تعليقات
إرسال تعليق