قصيدة استشهاد الصحابي ميثم التمار
مثل النخل ماينحني ... ميثم ابد ماينثني
ماخذ علم من حيدر ... بالسيف لو يتوذر
ميثم ابد ماينثني
.......................................
علم المنايه والبلايا بدمه
من والد الحسنين ماخذ علمه
[ ] ميثم جبير بعزمه
بدفتر حواري العدل مكتوب اسمه
جندي بحشد حامي الحمه ... بالكوفه سطر ملحمه
غيره وشهامه اتفجر... بالسيف لو يتوذر
ميثم ابد ماينثني
.......................................
هذي الرجال المؤمنه الماتضعف
اشما زيف التاريخ نهجه وحرف
بتراب رجليهه المجد يتشرف
تركت اثر ماينمحي مثل الطف
وميثم هزم سيف القدر ... بجروحه والدم والنحر
ثوره بوجه كل منكر ... بالسيف لو يتوذر
ميثم ابد ماينثني
...............................
امن أصحاب امير المؤمنين الخُلّص
ويتعلثم اباوصاف ميثم كل نص
الدين كله ابهل البطل يتلخص
عره الظلم رغم الخطر يتربص
مصلوب والسانه انگطع ... بس للنواصب ماركع
بحب الصميده كَبر ... بالسيف لو يتوذر
ميثم ابد ماينثني
.......................................
العلحگ ابد ميخاف بس من ربه
وميثم جليل وعالعقيده اتربه
مؤمن قوي ويحمل أراده صلبه
والسبب حب الدين يسري بگلبه
ماجامل اعله الحگ ابد ... والهل سبب ميثم خلد
بنهج الخلود اتبصر... بالسيف لو يتوذر
ميثم ابد ماينثني
..............................
الشيعي الحقيقي مثل ميثم لازم
كون بوجه كل ظلم يصبح حازم
عالي القدر مايرضخ الكل ظالم
ولچفوف اهل الجور ابد ميسالم
والمنتمي المنهج علي ... بايمانه واجب يعتلي
للفخر يصبح مصدر ... بالسيف لو يتوذر
ميثم ابد ماينثني
.......................................
ارض وسمه هالليله نصبت مأتم
عاللي گضه وبالسيف جسمه اتخذم
دين الله كله بهالمصيبه اتألم
وصله اعله جثمانه الشريف وسلم
وخل يرتفع صوت اللطم .. عاللي رفض نهج الظلم
وضحه النفس والمنحر ... بالسيف لو يتوذر
ميثم ابد ماينثني
تعليقات
إرسال تعليق