لا تغيْر اعليّه يا رب
وبعد بچّيني اعله زينب
ولدموع .. ولا شاك .. توگع بيديها
وعلي يصيح .. (علي اوياك) .. امن ابچي عليها
*
(١)
إگطع بريتي الهوه و ذوّبني شمعه
إلا حبل الخدمه يا رب لا تگطعه
بالذي عنده الأصابع فقط تسعه
ارد اعيش بدنيتي اعله الحوره دمعه
ربي لولا هالمدامع
چان اعيش انسان ضايع
يمعبود .. إخذ هاك .. علّگني بيها
وعلي يصيح .. (علي اوياك) .. امن ابچي عليها
*
(٢)
ربي أدعوك ولا أدعو سواكه
خلني منّ اللي بكى و أبكى وتباكه
(قد تركتُ الخلق طرًا في هواكا)
هذا بيت احزاني والمنبر أراكه
لا تمر اعليّه ليله
ما بچيت اعله العقيله
ولا انساه .. الألم ذاك .. و انسى سبيها
وعلي يصيح .. (علي اوياك) .. امن ابچي عليها
*
(٣)
ربي اريدن يحترگ دلالي خيمه
شما سمعت امن الخيم فرّت يتيمه
خضّب ايّامي بدمه الشيبه الكريمه
و روحي اتطوف اعله زينب بالظليمه
إعگد اسنيني وخلني
بـ(زينب اليحچون عنّي)
صدى يدور .. بلفلاك .. لجرّة نعيها
وعلي يصيح .. (علي اوياك) .. امن ابچي عليها
*
(٤)
و الخرابه واللي صاحت بيها (بابا)
عمر ما راح اعله زينبكم خرابه
على زينب دمعتي ساعة إجابه
أنمنع و يزور ابو صالح نيابه
دمعة الخادم مناره
الونّه محسوبه بزياره
صحن صار .. و شباك .. مدمع بچيها
وعلي يصيح .. (علي اوياك) .. امن ابچي عليها
*
(٥)
بفَي عباة ام الستر استر عليّه
لو على غير اللطم مدّيت ايديّه
خل تظل روحي سبيّه للسبيّه
وما تمر لحظة عمر مو للزچيّه
ربي تحت اجدام فاطم
عمري سجّادة مآتمِ
و هلسنين .. من املاك .. بضعة نبيها
وعلي يصيح .. (علي اوياك) .. امن ابچي عليها
*
(٦)
ربي ويّ الزهره باچر عندي وگفه
خادم اينادوني و اتگلهم أعرفه
على زينب بالصدر آثار چفّه
چان بس احسين اَمامه و كل شي خلفه
أوگف اگبال الزچيّه
شايل ادموعي بيديّه
ينادون .. بِيُمناك .. صك الوجيهه
وعلي يصيح .. (علي اوياك) .. امن ابچي عليها
*
خادم مولاته الحوراء زينب عليها السلام
حسن طاهر المعيبد
1440
🖥|| *بچيني اعله زينب * ||🖥
عزاء القارة 1440هـ - وفاة السيدة زينب (ع)
🎙 *أداء الرادود:*
الملا #محمد_بوجباره
🖋 *كلمات الشاعر:*
#حسن_طاهر
🎛 *مكساج:*
#علي_شهاب
*مونتاج:*
#مهدي_باقر
*تنفيذ:*
#الباقر_ميديا
*انتاج :*
▪ اللجنة الدينية بالقارة▪
http://youtu.be/Rv8Ly7TUwSw
تعليقات
إرسال تعليق