أوبريت خذ بيعتي | مع نخبة من شعراء ورواديد النجف الاشرف
من كنتُ مولاهُ فعليٌ هوَ مولاه
بايعتهُ من عالمِ الذرْ
واليتهُ مولايَ حيدرْ
********
مصحف قلبي يقراه
دنيه وآخره وياه
بيعه هذي لله .... ياعلي
شيعي وعلي مولاي
نجمه تضوي بسماي
قنبر ردد وياي ..... ياعلي
موالي والله خالقني
على الفطره غديري
سفينة نوح راكبها
وبعد اعرف مصيري
سلاماً صارت انشوده
على الساكن ضميري
ثامن عشر ذي الحجه
صحت حيدر اميري
في عيدهِ اللهُ اكبرْ
واليتهُ مولايَ حيدرْ
*****************
رتل قنبر الشوق
آيه وانت معشوق
حبي لاجلك يلـوق.... ياعلي
قلبي يا ابو تراب
راهب وانت محراب
صلى فرض الاحباب.... ياعلي
جنح اشواقي ياخذني
لغدير الخم ابايع
الك ابصم ابشريان
القلب مو بالاصابع
علي تبقي علي اول
واذا خلوك رابع
شرف بعده على اعتابك
بقه لليوم راكع
وساجداً للحبِ أثمرْ
واليتهُ مولايَ حيدرْ
********
حارت بيك العقول
شرحك ياعلي ايطول
شاكتب ابقى مذهول ....ياعلي
اول رغم الاوهام
منه تبدي الارقام
جفه تاج الاسلام ....ياعلي
علي وصورة علي العالي
على عرشه رسمهـا
علي الباء وعلي السجده
وعلي النون وقلمهـا
قسيم النار والجنه
علي ابجفـه قسمها
وال تحبه بصراط الله
فلا ترجف قدمهـا
ببابهِ جبريلُ كبرْ
واليتهُ مولايَ حيدرْ
********
نبضي باحلى مصباح
أذن حي عالافراح
صلت كل الارواح ...ياعلي
قلبي وعقلي الاثنين
عشقوا بس ابو حسين
صاروا بي مجانين ....ياعلي
مثل ردت شمس بابل
ترد روحي من اذكره
بخشوع اكميل ياخذني
اذا بحروفه اقره
ومثل بصمات اصابيعي
هواه ما يوم اغيره
سراط بلا علي وحبه
فلا واحد يعبره
عشقتهُ بقلبِ قنبرْ
واليتهُ مولايَ حيدرْ
********
الرادود: ماهر الشبلي
الرادود: حيدر السلامي
الرادود: محمد الخزاعي
الرادود: احمد الطالقاني
الرادود: سجاد الفحام
الرادود: كرار عمامه
الرادود: كرار ابو غنيم
الرادود: احمد الفتلاوي
الشاعر: سيد هاشم العوادي
الشاعر: قاسم الخفاجي
الشاعر: محمد الشمرتي
الشاعر: قحطان الحسناوي
الهندسة الصوتية: اركان السلامي
توزيع: علي غازي مدير
التصوير: يوسف الجشعمي
مونتاج والوان وجرافيكس: سلام البديري
اخراج: حسين سميسم
اوبريت عيد الله الأكبر | 2022 | Eid Allah AlAkbar
تعليقات
إرسال تعليق