ليالي : شهادة الأمام الباقر (عليه السلام) القصيدة : علكو الرايات اداء : مرتضى حرب كلمات : مرتضى حرب المكان : ميسان _ هيئة شيخ الأنصار
علكو الرايات وانشروا السواد
الدنيه بعد ايام تعلن الحداد
.............
يالماتتوصون يالعلمكم جون
هالخدمه تشيل الهامه
يامحله اللطام بوجهه يخلي اوسام
ويظل يكشخ بوسامه
خل جفك منذور لو مر بي عاشور
عمرك شلك بايامه
وصاحب صاحب زين ايدليك اعله حسين
ويحجيلك عن اخيامه
ومن ضميرك صيح حي عالعزاء
وشد رحال الآه نحو كربلاء
محرم محرم محرم محرم محرم
....................
تحزمو وشدو الحيل ومن يمر الليل
مو واحد تغفه اعيونه
ما ظل بس جم يوم والبي غيره يگوم
يفزع موش يفزعونه
هاي يربات الزود الخدمه اتريد احيود
المايل كون ايعدلونه
الشد احزامه وصاح موش آنـه اليرتاح
باجر هاذ يجازونه
اتعب شما بيك وابجي للغريب
وحزن ابو السجاد منه ظل قريب
محرم محرم محرم محرم محرم محرم
........
الموكب مر اعليه شوف شبي مابيه
خادم صير لخدامه
كل خادم وفاي ايشد احزامه لهاي
موبس احزامه اللثامه
افزع للمذبوح اللطم وابجي بروح
بگلبك حس بيها اسهامه
خادم بارع صير وحس عندك تقصير
كلما تتعب بايامه
ولو خلص عاشور كون الك اثر
مثل طيف النوم فشله لو عبر
محرم محرم محرم محرم محرم محرم
............ .............
لو ماابو السجاد الدنيه ولاتنراد
محد يستاهل غيره
هنياله المحسوب عالخدمه ومكتوب
اسمه بسجل اهل الغيره
دربه ولا ينعاف وتحتار الاوصاف
بوصفه ويصعب تفسيره
غالي الزهره يريد خدام ولا تهيد
تفتر من ديره لديره
المجلس اتعناه وين ما يصير
يكبر بكل عين اليخدم الجبير
محرم محرم محرم محرم محرم محرم
..........................
خل حزنك مفضوح ومشايه انوي اتروح
وبالك تتغير نيتك
گبل اهلال الآه بيتك لا تنساه
علگ رايات ابيتك
ادعي بجـاه الجـان ماي لكل عطشان
خادم تبقى لتاليتك
حزنك مو جم يوم ادعي من الله يدوم
وبدمعك خضب الحيتك
وقف گلبك كون يبقى للحسين
استغل عمرك جاي تركض السنين
محرم محرم محرم محرم محرم محرم
.................... .................
حسين شما ننطيه ذره ولا نوفيه
وشما نتعب يحلاله
مايلام المات بحزن العطشانات
الخاطرنه امعطش اعياله
على عضمه المرضوض الديوان المفروض
بمحرم نجفي ادلاله
احسين احـاه ياحسين من ظل ماله امعين
وجلبو بهدومه اطفاله
انجازي ذني ابيش باللطم محال
لسه عين احسين تبجي عالدلال
محرم محرم محرم محرم محرم محرم
تعليقات
إرسال تعليق