هتف عباس اوحده او صار الجدال
و آل هـاشم گالـت اعلينه النزال
و الأصحاب اتناخت او گالت محال
بـالنفوس احـنه الـذي نـفديلها
اشـبول حـيدر گالت العز بالصگال
والأبـطال ايـهولها امـلاگه الأبطال
هـاشم الـتنهض بـالحمول الـثگال
والـكـلافه أهـل الـكلافة اتـشيلها
گالـت الأنـصار ذلة اعله الأنصار
لـو بـدت هاشم نگص وانصير عار
لـيش طـلگنه النسه او عفنه الديار
كـون حگ أهـل الـمجد نـجريلها
نجري حگ المرتضى او حگ البتول
اتـجمعت شـبانها شـيب او كهول
او گالـت الأنـصار يحسين اشتگول
صـحـبتك يــو هـاشم الـتبدي لها
گال تـبدي اصـحابنا او سالت العين
او هـز حبيب العلم عد وجه الحسين
الـيـوم دو الـدار وانـشيد الـدين
الـيـوم الـهـموم الـعليك انـزليها
انـزيل كـل هـمك او نسكن دورها
او نـورد الكوثر او نحضه ابحورها
اتـهبه الـكوفة اشـما كثر مكثورها
بـالـسيوف الـمـاضيات انـشيلها
تعليقات
إرسال تعليق