اجه ودگ حايط الخوه
وتسرفن راعي المروه
گله حسين أريدك گله بالخدمه
گله نروحلك فدوه
رگبتي الوگفتك تچوه
كفال الفواطم زلمه ابن زلمه
——————
١
ياعباس المعتّب
أريد تروحلي الزينب
تگلها الكربلا نمشي
واحنه وياها ماتتعب
يعباس وتدگ صدرك
وزينب تعرف بقدرك
تكفلها وتدللها
ولو چان الثمن عمرك
روح الها انته طمنها اطلعي وانه الچ كافل
تدري تحطها بعيونك وانت الفارس الكامل
گله طلابتك تسوه
وخوك يروحلك فدوه
گله اشجع الوادم زلمه ابن زلمه
————————
٢
مشه وحسين ينتظره
وبده بتسبيحة الزهره
عيون حسين تبراله
لحد ماخلصت النضره
وقبل ليگلها عالسفره
گالتله انه متحضره
گلها حسين گالتله
من عمري على عمره
اعرفچ بت علي بگلبچ يجري دم بني هاشم
الحنينه الغاليه الطيبه الوديعه تعرفچ الوادم
وجو لحسين شافاهم
بضحكة وبچي تلگاهم
وصاح حسين شوفتكم صدگ نعمه
—————————
٣
طلعت والسمه مدنگه
ورفت راية الفرگه
مو مشيتها لا عباس
نضره زينب تخنگه
طلعت والدمع شاهد
واحد غمض الواحد
يم زينب حرام الشوف
زينب بالضعن قائد
ياهو اليوگف بوجهچ ونتي حسين عنوانچ
علي واگف بيوم الطف بذو الفقار والسانچ
لف بصايته المحمل
وگال حسين نتوكل
بني هاشم بفرد حزام متحزمه
————————
٤
مشو والموت رافگهم
على درب اليفارگهم
نجوم وتمشي فوگ الگاع
شحده الليل يخنگهم
وصلو كربلاء الدم
وگال حسين مانهتم
اليريد يروح خلي يروح
سواد الليل هالخيّم
گال حسين وعيونچ صارن بيت للدمعه
الله يساعد العدها حسين بيا بچي تودعه
گال ومارضو ربعه
عمرنه بدونك شنفعه
والعباس گال ايامهم ظلمه
————————-
٥
سمعت زينب ارتاحت
هله براعي العلم صاحت
مادام انته سالم خير
الخيم والرايه ماطاحت
وزينب صاحت اخوتها
والتمو بخيمتها
الضهر گعدو وصار الليل
الزهره وعلي بگعدتها
توصيهم عليها تريد ما أدري عليهم
بعدها سيوفهم بالگاع شو صارت بديهم
وصي زينب شعندچ
احنه اخوانچ اولدچ
بس رادت توصي وبچت يايمه
تعليقات
إرسال تعليق