عـلـى عـيـونـج يـزينب حلم مذبوح كل عينج دمع بس ما بجيتي
بچيـتـي جـروح طـهرتـي الـمـسافات كل خطوة يسر منبر بنيتي
يـا هـيـبـة عـلـي دخـلـت على يزيد خورزتي الزلم و اتسيديتي
نـظـرات الـزعـل بـعـيـونج سيوف ذو الفقار صوتج من حجيتي
سـفـيـنـة هـم سـريتي ببحر الدموع على ساحل مصايبهن رسيتي
اسـمـحـيـلـي يـزيـنـب اسـأل الـيوم انتي هواي من اتحمليتي
لأن مـجـبـور اسـألچ عــالـيـأذيچ و ادري بـيـا مكان اتألميتي
اسـألچ يـالـغـريـبـة و چلچل الـليل و حارس للحرم انتي إلبقيتي
اشـوفچ چان بـيـدچ مـعـصـب يـلوح احلفچ بالضلع إلمن نخيتي
نـخـيـت إلـكـافـلچ مقطـوع الزنود معذورة لأن وحدچ صفيتي
مـشـيـتـي بـغـير طولچ خاف ينشاف ضم روحه النهر لمن مشيتي
كـل جـرة نـفـس ويـاهـا عـبـاس لاچن من وصلتي له اشلقيتي
غـمـضـهـا الـسـهـم وحدة من العيون بس الثانية اتشوفچ اجيتي
صـفـت انـتـي وكـفـيـلچ مـحد وياچ مسموح العتب لو عاتبيتي
شـقـلـتـي له يزيـــنب قوم ويـاي وياه جلمة عتب بيها ابتديتي
اشـقـلـتـيـن لـه يزينب وين الوعـود مو انت إلقت قومي بحميتي
عـمـود الـبـيـت انت الشايل البيــت تدري من يطيح يصيح بيتي
شـقـلـتـي لـه يـزيـنـب قـوم وياي من شفتي الزنود اتعذريتي
صـحـتـي بـشـاربـك آنـه يعبــاس ما رف شاربه من حشميتي
راويـتـي يـزنـب زرقـة الـمـتـون لـو لا بـسـهم عينه التهيتي
لـو مـديـتـي ايـدج تـلـزم الايـد مـن شـفتي الزنود اتعذريتي
قـلـتيله الخدر يا ابــــا الفضـل راح حرقوا خيمتي و طبوا ثنيتي
قـلـتـي لـه صـحـت وينك يعبـاس يضحك شامتج و اتسلبيتـي
كـل هـذا الـحچي مـا يـنـهض ويـاچ قمتي بيا جرح من أيسيتي
عـلـى طـولـج جـرح لـمـن تـقومي مثل حسين من قمتي انحنيتي
رجـعتي إلمن رجعتي بس الايتـــــــام يسألونج يعمة شو بطيتي
اعـرفـج بت علي قد هاي الاحــــزان مثل عباس يا زينب وفيتي
نعم فوق الهزل و الرووس ويــــــاج نعم عقب الخدر ذاك انسبيتي
بـس الـكـل تـشـوفـج اسـد مجـروح كلها اتميل عنج لو مشيتي
اعـذريـنـي يـزيـنـب لا تـزعـلـيـن و آنه بدمعتي اتبين هويتي
تعليقات
إرسال تعليق