ليالي : شهر محرم الحرام 1444 هــ القصيدة : شريعة الدمع اداء : مرتضى حرب كلمات : الشاعر عباس كريم المكان : موكب علي السجاد - العراق - بغداد
بذاك الضعن من حملو
من ام البنين استحو
ياهو اليگلها ما تروحين
احتار الگمر واحتار الحسين
من ام البنين استحو
چانو يحملون ويشوفونها
منين مادارو تدير عيونها
اصعب موادع وداع الامهات
بيا گلب لو راحو يخلونها
ضلت تباوع ما حچت وبچت ضعنهم من بچت
وعن الضعن مادارت العين احتار الگمر واحتار الحسين
تكسر الخاطر بقت تبرالهم
وهمه هم يكسر الخاطر حالهم
ما حچت بس هيه عرفت ما يجون
من خذو بالضعن حتى دلالهم
لو ما لگو لامهم عذر بيش الخواطر تنجبر
شنهي العذر للموت ماشين احتار الگمر واحتار الحسين
التبچي امه گبال عينه يشوفها
شلون يرحل للسفر ويعوفها
شما بعد من يلتفت لازم يعود
يشم حضن امه ويبوس چفوفها
لهذا السبب رد الگمر يباوع عليها ماگدر
گللها يمه لا تونين احتار الگمر واحتار الحسين
من مشو ذبت وراهم روحها
وعطلت ممشه النياگ بنوحها
ياللي شديتو المحامل للوداع
ضلت امكم ياهز شد جروحها
عليها التفت كل الضعن چنهم وطن فارگ وطن
ذبت وراهم تعب السنين احتار الگمر واحتار الحسين
ودعتهم طفله طفله وحيد حيد
ايد تمسح دمعه وتوادعهم ايد
وحيل ماضل عدها گعدت عالتراب
لحد ما صار الضعن كلش بعيد
تدعي وتحشم ياعلي احفظهم يردون الي
لوعة سفرهم تشبه البين احتار الگمر واحتار الحسين
بچو من بعدت على الدار الضعون
تذكرو من گالتلهم هم تجون
بچه ولم اولادها حسين الحنين
واحد اعله الثاني ضلو ينتچون
درب السفر خلص دمع يجرح مثل كسر الضلع
بعد الضعن عن ام البنين احتار الگمر واحتار الحسين
تعليقات
إرسال تعليق