خيجابلن روحي العجايز ونشوف ياهو ضيمه عايز | الشاعر علي مالك كلمات مكتوبة
"خيجابلن روحي العجايز ونشوف ياهو ضيمه عايز" | الشاعر علي مالك
خيجابلن روحي العجايز
ونشوف ياهو ضيم عايز
شمرة حبل فوگ الجنايز
شمروني بس الخشب حاجز
يبدي الوجع وتموت (ريلي) رجلي
وتگوم روحي تغنيلي
آنه ذبيت فص عيني بشليلي
وجيب اليوگفني اعله حيلي
ساعه اتلوّه وساعه اهذري
وساعه ادري بيهم ساعه مدري
المايسوه ساعه انطيته عمري
وبيا علي تلاحگت ظهري
فيّار گلبي يشوفك الله
والخنجرك گلت انعم الله
المـﭼـتول گلبه شلون فصله
وكل حادي گام يفوت اعطله
ﭼـلّبت بمتون الزواتيت
وفز النويم بالتوابيت
والساتر الله من تلاگيت
انهجم بيتِ وصاحب البيت
جويعد وحرثتهم جريبه
بس ما مش الغيره التجيبه
كلمن طلع حضه ونصيبه
بس آنه طلعت حصتي شيبه
لا مستـﭼـن لا هايد وﭼـان
گاضيها الوج بنفس المـﭼـان
اليخفگ طفه من غير دخان
كشف الخواصر تلگه نيشان
نيشان من گد ما متاني
لا موتي لا من ولفي جاني
جريت گلبي وعفت آذاني
تعليقات
إرسال تعليق