إنَّ يومَ الحسينْ | باسم الكربلائي كلمات مكتوبة
📜: إن يوم الحسين
📜: زين العابدين المرياني
📆: ليلة 2 محرم 1444
🕌: قاعة بغداد الكبرى - مكتب السيد الحكيم
إنَّ يومَ الحُسينْ أقرحَ جفوننا
▪️▪️▪️▪️▪️
أوّل احزان المُصيبه دمعه من جدّه
گلّه جبرائيل يبقه ابْكربله وَحْده
اوعلي چم موقف يخلّي دمعته ابخدّه
يعرف ابنه ايْصير جمره امْن العطش چبده
قَبْلَ يَومِ الطُّفُوفْ أُحرِقَتْ قُلُوبَنا
▪️▪️▪️▪️▪️
چان بيت احزان فاطم يبچي للمنحر
امْن البچي تشهگ الزّهره والجِفَن مِجْمَر
عن خصوصيّة مُصابه المجتبى خَبَّر
ايْگلّه لا يومَ كيومك يا أبو الأكبر
فَمُصابُ الغَرِيبْ أَدمَعَ عُيُونَنا
▪️▪️▪️▪️▪️
علي السَّجاد المماته عايش اللّوعه
الماي لو رايد يشربه ايْمزجه بدْموعه
الباقر احْسين اومُصابه چان موضوعه
لأن شاف الأعوجيّه كسرت اضلوعه
فَلِكَسْرِ الضُّلَوع إِنْحنَتْ ضُلُوعُنا
▪️▪️▪️▪️▪️
جعفر الصَّادِق ينادي اوبالگلُب لچمه
والجزع مكروه إلّه الذبْح ابو اليمّه
اوموسى ابِن جعفر ينوحه اوللبچي عزمه
تغلِب اعليْهِ الكآبه اويفگد البسمه
ولَهُ لا يَزالْ قائِمٌ عَزَاؤنا
▪️▪️▪️▪️▪️
والرِّضا داره جعلها كالحُسينيّه
يدعي دِعْبِل يقره أبْـياته الرِّثائيّه
والجواد اشعر عزائه امْن اقره لطميّه
بالشّمِس باقي ثلاثه اعضائه مچويّه
رُزْءُ سِبْطِ الرَّسُولْ أسْبَلَ دُمُوعَنا
▪️▪️▪️▪️▪️
الهادي وابْرغَم السّياسه للعزه تِمنَع
يبني مأتَم للمناحه اويدعي للمدمع
العسكري شگ ثوبه حزناً لمّن اتودَّع
يعني لازم لبو الأكبر يلطم اويجزَع
بِالدِّماءِ تَسِيلْ فَليَرى خُدُودَنا
▪️▪️▪️▪️▪️
أكو دمعه اتطيح حمره هايه للقائم
عايش ابْغصّةْ مُصابه والحزن دايم
لسّه چنّ اِحسين عاري عالثّره نايم
يدعي ثارات الذّبيح ايْردها بالصارم
"يا لِثارِ الحُسَينْ"خُطَّ في نُحُورِنا
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
تعليقات
إرسال تعليق