📜قصيدة : خطنه الاحمر باسم
🎤الرادود : فتية الكميل
🖋الشاعر : محمد الموسوي
~
خطنه الاحمر منبره خطنه الاحمر
~~
لا تدخل بينه وتحجي
اسكت يالمات احساسك
يصعد فوك المنبر خادم
والخادم تاج براسك
خط احمر عدنه العباس
وما تعبر انته وناسك
كض لسانك
حجيتو اعله خادم
جبير ملا باسم
قصايد اله شهود قاروره يقراهه
باسم اكبر جوهره باسم اكبر
خطنه الاحمر منبره خطنه الاحمر
~~~
انه افكار حسين ابراسي
وانته افكارك مسمومه
حيدر قائد عندي وجدك
يعرف حيدر وعلومه
اسكت يبن العاصِ احسلك
جدك ذباهه اهدومه
سوده اسنينك
انه ابن الشريفه
وارد عالسقيفه
عدنه جريمه بالدم كتبناهه
عدنه حيدر قسوره عدنه حيدر
خطنه الاحمر منبره خطنه الاحمر
~~~
احنه اسباع و مانتستر
غير الكافل منطينه
لا عالكاسر ضلع الزهره
ولا عالهضمو مهدينه
الباطل باطل والمايرضه
نحط اصبعنه بنص عينه
ونفكس عينه
خلو بعلمكم
لا يخفى عنكم
بخطار اجاني بجه الصخر باسم
النه يحضر حيدره النه يحضر
خطنه الاحمر منبره خطنه الاحمر
~~~
ياارجاس وكلهه تسولف
عن ماضيكم جان اسود
لاتنسون اطراك الحمزه
الساطركم جد بجد
مذلولين بذلة مرحب
وانه عالفقار اشهد
من ذلاكم
حيدر دواكم
بسيفه محاكم
القاريله باسم الكن جاينه العيد
دنيا تخسر واخره دنيه تخسر
خطنه الاحمر منبره خطنه الاحمر
~~~
الزم حدك من تسولف
عار عله اليحجي بضهري
انته بكاس مخلص عمرك
وانه عله المنبر عمري
انته تدك طبول وتضحك
وانه ابجي والطم صدري
وينك ويني
انه بدمائي
حب كربلائي
يبقه شعاري صلى عليك الله
صيتي اكبر مفخره صيتي اكبر
خطنه الاحمر منبره خطنه الاحمر
~~~
هذا الحجي الفوك المنبر
صاكر ربع السفياني
منين احسبهن من قاروره
لو كل كطره بشرياني
راح اوكفله حزام بضهره
وتوكف وياي اخواني
نحمي المنبر
نوكف سويه
سيوف حيدريه
وبكل كطره بالدم تهتفلك حسيني
دمك اطهر دم جره دمك اطهر
خطنه الاحمر منبره خطنه الاحمر
°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق