ليلة حزن | ملا محمد بوجبارة
#لشهادة رسول الله صلى الله عليه واله
——————————-
ليلة حزن وواداع ، والزهرا بالاوجاع ، يابويه عزّي ضاع ، ضاگت علي دنياي
@@@@
ابليلة حزني لمصابك ، اجيتك سيدي وخايف
خجل تارسني يم بابك ، كسير ابحسرتي واگف
ابن وانته الابو التعطف ، تسامح لو گلت أسف
يالچفك نبع رحمه ، الدهر بس من رحت ناشف
جيتك وكلي اذنوب ،، خايف تسد البوب ،، من ينقرا المكتوب ،، عندي معاصي اهواي
@@@
على بابك يابو الرحمه ، اجيتك بلچت اوفي الدين
أقبلني عبد تايب ، نويت التوبه گبل البين
ما عندي عمل مولاي ، بس دمعي الجره اعله احسين
رصيدي ابهالعمر دمعات ، (وصلى الله على الباكين )
يارحمة المعبود ،، جيتك بديّه اگيود ،، اعمالي يمك سود ،، سامحني يامولاي
@@@
حزن يتبع حزن بعدك ، اولها مصاب الدار
اوصيكم باهل بيتي ، على الباب اتحركها النار
شسولف لك عن المسمار ، وشلّي صوّبه المسمار
لو عنّ الضلع مولاي ، اخاف اتلچمك الأخبار
(زهراءك) ابيا حال ، من عزها راح وشال ، بعدك ذهيلة بال ، تبچي ابگلب شچّاي
@@@@
حزينه وفاطمه ابيا حال ، من بعدك يوالدها
رحت وانته التحسبك روح ، اذا اتفاركها شيردها
( اللهم صلِ ) اتنوح ، من فگدت (مُحمدها )
(وآلِ ) ابحيره ياهو اتجيب ، بعدك وانته بس عدها
صلى عليك ( الله ) ، واحنه نصلّي ابآه ، فگدك صعب معناه ، لظمانه انته الماي
@@@@
الابو غالي وصعب فرگاه ، حزن كل لحظه يتجدد
الله ايساعد ام احسين ، ابوها وشافته امدد
كلها الدنيا بيت احزان ، عليها ابكل وكت تشتد
تاليها كسر ضلعين ، وعصره ولطمه فوگ الخد
لو احچي بالتفصيل ، دمعي دمه امن ايسيل ،
من اصرخ ابيا ويل ، وآنه ذهيل الراي
——————————
ثامر بوجبارة
٢٤-٠٢-١٤٤٤هـ
٢١-٠٩-٢٠٢٢م
أداء الملا #محمد_بوجبارة كلمات الشاعر #ثامر_بوجبارة مخطوطات فاطمة حسين مكساج #كرار_الموالي تسجيل صوت صالح العمراني تصوير احمد هاني علي حسن مهدي حسن كرار الخليفة محمد الهديبي مدير التصوير علي حسن ادارة التنسيق محمود السلطان مونتاج وتنفيذ علي باقر إنتاج الحسينية العلوية بقرية الجبيل وفاة النبي الاعظم صلى الله عليه واله 1444 -
تعليقات
إرسال تعليق