سامره من تجيها.. نور النبوه بيها
هله ترحب بديها.. سامره من تجيها
تشتم عطر ريحة علي لمن تشم هواها
وتشوف گبت العسكري گبة علي بسماها
بترابها تراب النبي دم فاطمه بثراها
باحجار من نور العرش رب العرش بناها
عطر النجف عطرها.. تشتمه من تمرها
تتبارك بنبيها.. سامره من تجيها
************
يم علي الهادي لو طفت بالشده وانتخيته
ياهله بصوت الرافضي ناداك لو دعيته
مكسور خاطر ماترد لو مدمعك بجيته
يطلعلك الباب الصحن لو شافك اعتنيته
يتلگه من يزوره.. صاحب نفس غيوره
لو مره تنتخيها.. سامره من تجيها
**************
سامره مو گبه وصحن غيره وشرف نحسها
والشيعه يكفيها الفخر لو قدمت نفسها
يالمهدي أمن سيدي كل شيعتك حرسهـا
أيد النواصب تنبتر لو فكرت تمسها
سامره هاشميه.. لا ماترد سبيه
لا مايرد سبيها.. سامره من تجيهـا
***************
كلنه جنود العسكري لو صدرت الاوامـر
واحنه رجال المنتظر خل تشهد السواتر
وبصوت واحد للابد نهتف على المنابر
للناصبي وللداعشي ارض الوطن مقابر
للمنتظر جنوده.. مانخلف الوعوده
ارواح تفتديها.. سامره من تجيها
**************
بسامره ياحيدر علي لا ماتمر نواصب
والگبه والغيبه بعد ماتنهدم ياغايب
مشايه نوصل للصحن والشيعي سيفه غالب
نكسر خشوم اهل الكفر لو جرت المواكب
شيعي وثبت قراره.. ما يترك الزياره
بالشده تعتنيها.. سامره من تجيها
***************
مادامه باسمك ياعلي هالوطن ما نعوفه
ونشوفه بيتك سيدي والله من نشوفه
كعبه ونطوفه بكربله باحرام من نطوفه
وسيوفه فقار وابد ما....سيوفـه
هذا الوطن عرفنه.. عدنه مثل شرفنه
غيرتنه من وليها.. سامره تجيها
*************
خل يفهم الما يفتهم والماسمع حجينه
سامره تبقى للابد رايه وترف بديــنه
وينه التحــده حسين امـس گلولي هسه وينه
الدنيه تهتز ياعلي لو صحنه ياعلينــه
الشيعه كل عمرها.. ربك كتب نصـرهـا
من تنتخي بعليها.. سامره من تجيهــا
ــــــــــــــــــــــــــــــــــــــــــــــ
الشاعر
ناظم الحاشي
تعليقات
إرسال تعليق