قصائد استشهاد الامام الحسن العسكري (ع) مكتوبة
قصيده لاستشهاد الامام العسكري عليه السلام
سيدي يالعسكري
بدمنه حبكم نشتري
كل امامي جعفري ينصر الدين
"""""""""""""
يا إمامي وقدوتي وللحق مناره
انتو دين الله انعدل بيكم مساره
يگضي عمره المايبايعكم خساره
يالرسم دمكم نهج كل الغياره
انتم الحبل المتين
انتم الركن الحصين
من لكم تابع يقين ينصر الدين
"""""""""""""""""""
سيدي شگد حاولو يخفون ضيكم
بس بقى بگلب المحب للموت حبكم
ياللي دين الله ارتوه من فيض دمكم
شما بذل جهده البغي منحول عنكم
احنه وي خطكم نسير
وياكم اربطنه المصير
واللي وياكم يصير. ينصر الدين
""""""""""""""
بالعقل والدين قاومت الخصوم
واجهت سلطتهم بفكر اوعلوم
قررو قتلك ويسگوك السموم
زالو اوحبك بقى ويبقى ويدوم
وعشت بگلوب الاباة
وصرت شريان الحياة
من المهد حتى الممات ينصر الدين
"""""""""""""""""
يعينك الله سيدي يالمنتظر
وانت صابر سيدي لحكم القدر
شگد مصايب شفت من هذا البشر
مصاب عن مصاب اشد وادهى اوأمر
باسمك شگد حاولو
ودين جدك أولو
واليودكم حاربو ينصر الدين
""""""""""""""""""""
يندبونك سيدي يمتى الظهور
وعن نهج جدك تراهم في نفور
اهتمو بدنيه واموال وقصور
ونسو ذيچ الوحده في وسط القبور
للمظاهر منتمين
وجوهر الحق ناكرين
وخوّنو كلمن أمين ينصر الدين
احمد آل عگله الموسوي
****************************
يبو المهدي شيعتك حزنانه
وابنك الموعود يبجي ويانه
.......
ابنك المـوعود يبجيـلك دمع
وبعـزائك يلطم ويبـجي طلع
ابرحيلك حيل مولاي انفجع
ذكر احزان الزجية والضلع
ذكر الحافر على جدة انطبع
بضلوع حسين ضل نيشانه
.......
اه ينعاك العرش يبن الرسول
بالالم جـدك علي فحل الفحول
وجدتك حزنانه فـاطمة البتول
الفروع تنوح ضلت والاصول
اسمع المهدي يمولاي شيكول
بوية ميت ريت كبلك انه
.......
يبجي عليك العطف والمرحمه
ولبسـت الـدنية سواد ومظلمه
نزلـت اتواسي ملائـكة السمه
تبجي مأجـورة تنـادي فـاطمه
العين غـصت مودمع لالا دمه
والنجوم تكدرت بسمانه
........
انبيـاء الله تـواسـي المنـتظر
والامام الليلة ياويلي احتضر
يـمه ملك الـمـوت منه يعتذر
الصبر ماضل بعد منه الصبر
الجنه مشتاكة الك بس تنتظر
تنتظر تستقبلك لهفانه
.........
حزنت عليك السماء ويالارض
بالحـزن مولاي يبجيك الفرض
وحـزن فكدك سيدي ماينقرض
بالعقول بكل وكت ضل ينعرض
نور من نورك شمسنه تقترض
ومنك الايمان هذه ايمانه
.........
الشاعر
اياد الفرح التميمي
نعي ليلة الامام العسكري ع
**
نعشي العسكري يا ناس نزلوه
يشبع منه شوف المهدي خلوه
دوه مامش صحت عدكم تداوه
شمسوي الحسن والكوم سموه
غريب العسكري والناس ضلموه
ليش بعيد عن حسين دفنوه
يشيال الجنازه ريض اشويه
مات العسكري وماهم اهاليه
يوميه ابو صالح يبجي يوميه
عله امصيبة ابوه والعين معميه
وكلها يمه وكلها يمه يهنياله اليموت وكلها يمه
ونحيل جسمه ونحيل جسمه تعب من الوكت ونحيل جسمه
شدو النكاب شدو النكاب تره الشايل معدل شدو النكاب
ونهيل التراب ونهيل التراب فوك الروس حكنه نهيل التراب
مكسور ضهره مكسور ضهره اليوم المهدي ضل مكسور ضهره
وينوح كتره وينوح كتره رامي عمامته وينوح كتره
خيمه خيمه الابو بالبيت يا هالناس خيمه
هضيمه هضيمه يضل بلايه ابو المهدي هضيمه
لليوم لليوم امصاب العسكري ما طاب لليوم
مسموم مسموم اشلون ايموت راعي الزود مسموم
***
الشاعر
تحسين الخفاجي
لطمية وحماسية للعسكري (ع) وزن المجرشة
الشاعر قاسم الساعدي المندلاوي
*****
يا مهدينه :: يا مهدينه
گوم اتعنه يا مهدينه
يم سامره : واجري العبره
گوم اتعنه يا مهدينه
***
چن اسمع صوت امن الگبر يندب يالغايب وينك
هالصوت احساسي والدك ايداعي ابحكم تعيينك
يبني الرزايه اتكاثرت وطالت عليّه اسنينك
تطلب ثارات امن الكفر وتشوف الحال ابعينك
شوف المرقد شوف المرقد
يا مهدينه شوف المرقد
يبن الزهره واجري العبره
گوم اتعنه يا مهدينه
***
چنه ناداك ابعبرته وَجّهلك يالمهدي اعتاب
لسنين الگظّاهه ابكدَر منهن حيله بالهم ذاب
چم شكوه يشكيلك بعد اجروحه اكثرت بالأحباب
والده الهالدي والظلم طال امك وبغير اسباب
كثرة اجروحه كثرة اجروحه
يا مهدينه كثره جروحه
عاين ڴبره واجري العبرة
گوم اتعنه يا مهدينه
**
شاف النوايب والمحن امن الخالف منهج جدكم
سجنوه لاجل كتم العدل وما ترتفع رايتكم
فرضوا عليه ما يلتقي واتراجعه شيعتكم
مَرّ ابنوايب جرّحت من البچي مهجتكم
وضعه ايحيّر وضعه ايحيّر
يا مهدينه وضعه يحيّر
غايب بدره واجري العبره
گوم اتعنه يا مهدينه
*
الياساعة يبقه هالصبر صبرك ما يوگف عد حد
وهاي السلالة الفاجرة هِدمَت يالحجة المرقد
ضنهم لو طاحت گبته ركن الإمامة ينهَد
ابگلب الموالي مرقده و گبة وأيوان ومعبد
عجّل إظهر عجّل إظهر
يا مهدينه عجّل أظهر
إجذب حسره واجري العبره
گوم اتعنه يا مهدينه
***
تتنطر أهلك ميعادك من هالطلعة اتريد اعلوم
وهمّه گظوا يبن الحسن بين القتيل ومسموم
تطلب ثارات اهل الكسا وتنادي ابحق كل مظلوم
اتبرّد غليل المنفجع وقَدَّم لاجل دينه ادموم
جرّد سيفك جرّد سيفك
يا مهدينه جرّد سيفك
إعلن ثوره واجري العبره
گوم اتعنه يا مهدينه
فزاعية العسكري ع
الشاعر قاسم الساعدي المندلاوي
****
يا مسموم يالعسكري يا مظلوم يالعسكري
**********
تعزيتنه قائمة اليوم الظهور
من يهل ابرايته المهدي الغيور
نرفع الشكوه أله يم القبور
الثاره هوه ينتخي
يا مسموم يالعسكري يا مظلوم يالعسكري
**********
انگلّه يا مهدي الأمم ونخبّره
ابحال ابوك العسكري هذا الجره
وبعد نسل السَمّه هوه الفجره
النوح منّه تعتلي
يا مسموم يالعسكري يا مظلوم يالعسكري
********
ندري بي يحضر ويستقبل عزاء
شيعته الخلّص ابأنواع الرثاء
هالجموع الزاحفة تعلن ولاء
عن عقيدة للولي
يا مسموم يالعسكري يا مظلوم يالعسكري
*******
بينه جمرة حزن ما تبرد أبد
اشلون نقنع هالحصل ليهم وعد
دم ابوهم عالنهر لا ما برد
وصاب حيدر ناصبي
يا مسموم يالعسكري يا مظلوم يالعسكري
****
لكن السجاد أنطانه الدليل
عنّه ما يوجد وحگ ربنه البديل
گال كرّمنه ابشهادتنه الجليل
هالدمه تشهد ألي
يا مسموم يالعسكري يا مظلوم يالعسكري
**********
نحزن ونلبس سواد اعله الإمام
چن رحيله ابشيعته مثل السِّهام
عينه غمضت لا عشيرة اولا عمام
حزنه لا ما ينجلي
يا مسموم يالعسكري يا مظلوم يالعسكري
قاسم المندلاوي
نعـزي مهـدينـه بنيــاح
كريم الحاج فليح
وسإلكم الدعاء
.
إنعـزي مهـدينـه بنيــاح *** وبـﮕلــب كلــه جــراح
وبــدمــع ينــزف دمـايــه * ننصـب اليـــوم العـــزاء
الـوالـدك ومصابـه تبـﭼـي * الإرض وإهـل السمــاء
ــــــــــــــــــــــ
طـالـت الغيبـه علينــه ولــن كثـــر والله الجــدال
هــذا مهـديكــم يَشيعــه ﮔـالــوا إبنســج الخيـــال
إنـﭼـان تعتقـدون يظهـر هـالإمـر إصبـح مُحـال
وإحنـه بـإشـواﮒ ومَحَنـَّه ننتظـر هــذا الـوصــال
يمته نصرخ يالحبيــب *** ترجـع النه إمنالمغيــب
تـاخــذ إبثــارات إهـلــك *يـا إبــو العـــز والإبــــاء
الـوالـدك ومصابـه تبـﭼـي* الإرض وإهـل السمــاء
ــــــــــــــــــــــ
إتـانـي يالمهـدي ظهـورك والله كـل هـاي العبــاد
إظهــر وطيـب نفسنــه إعلـيـك بـالسبــع الشـــداد
إظهــر ونـادي يشيعــه حــيَّ حــيّ إعلـه الجهــاد
ﮔـوم وإﮔطــع دابــر الــذل سيـدي وإهــل العنــاد
عالدرب تربي العيـون *** الكل يتـانيـك إبجنـون
دابــر الشَـر ﮔــوم إﮔطعـه * والكفــر وإهــل الـريــاء
الـوالـدك ومصابـه تبـﭼـي * الإرض وإهـل السمــاء
ــــــــــــــــــــــ
هــايَّ سـامـره تتـانـي وتنتظــر وكــت الظهـــور
ﭼبــد إبـوك إيـريـد ثــاره وسَمــه وبمدمـع يفــور
إنـت بس بالـثـار نـادي نصير إلـك كلنـه جســور
تصيــح لبيــك إبعقيــده حتــى لبـوســـط الـﮕبــور
حتى لبـﮕبـره يجيـك *** بلهفــه ولله ويعتنيــك
بـالـﭼِفـَـن يـالمهـدي يطلـع * إي وحـﮓ خيـر النسـاء
الـوالـدك ومصابـه تبـﭼـي * الإرض وإهـل السمــاء
ــــــــــــــــــــــ
صـوت بالإعمـاق يهتـف إحنــه عشاﮒ الحتــوف
رايتــك يمتــه تـرفـرف سيـدي إبـإرض الطفـوف
يـا لــثــارات الحُســين إنصيــح ويـــاك ونطــوف
وعـالنهـر نـوﮔـف ننـادي يـا لـثـارات الـﭼفــــوف
وزينبـك عالـتـل تصيح *** يـالـثـارات الـذبيـح
إبتـدي إبثـارك يمهـدي * تصيـح مـن طف كـربــلاء
الـوالـدك ومصابـه تبـﭼـي * الإرض وإهـل السمــاء
ــــــــــــــــــــــ
وارم إمنـالجـور إنظــره والله يــالمهــدي الــﮕلـب
ﮔــوم وإعلــه الـنـاصبيـه إﮔلــب الـدنيــه ﮔلــــــب
وإشهــر البتــار بيــدك وإعلــن إعليهــم حـــــرب
إمنالطفـوف إعلـن دولتـك عالشرق وإعله الغـرب
تظهر إتــذل العبيـد *** يـزيــد واليتبـع يَـزيـــد
وتــاخــذ إبثـارات إهلــــك * إمنــال إميــه الطلـقـــــاء
الـوالـدك ومصابـه تبـﭼـي * الإرض وإهـل السمــاء
ــــــــــــــــــــــ
لشـوكـت يـالمهــدي تبــﮕـه تـاكـل وتشـرب صبــر
عالجـره إعلـه الحره زينـب مـن مشت لرض اليسر
الحملـت إسيــاط الإعـادي مـن بعـد هَتـك الخــــدر
يــالله ذِل الـنـاصبيــه الغــرﮔــوا إبحـــر الكفـــــــر
إي وحـﮓ رب الكتاب *** شيب ويـاك وشبـاب
نفتــديـك إبسيـل دمنــه * والمنــاحــر والـــدمـــاء
الـوالـدك ومصابـه تبـﭼـي * الإرض وإهـل السمــاء
كريم الحاج فليح
انعه امصابك يـابـو المهـدي
------------------------
أنـعـــاك بـلـــوعــة أحـــــزاني
و أذانــي امــصــابـــك أذانـــي
يـالــنـورك يــزهــي و ربــانـي
محتار وياك منين أبدي
----------------------------
يابــو المهـدي بـلــوعــة همك
ابــچـيــلـك يــالــنــاذر دمـــــك
شلـون الطاغي بحـقـده ايسمك
والحادي بهذا الهم يحدي
----------------------
والسـمـك والخــلـص عـمـرك
رد بـحــقــده وهـــدم گــبـــرك
والعالـم والــدنــيـه اتـنـظــرك
شحچي وشتكلم ما يجدي
---------------------
هـاي الأحــقــاد ومـعـــروفــه
والــواقـع هـالــدنـيـه تشوفــه
لـلـنـاس وصارت مـكـشـوفــه
يالتسمع وعرف كل قصدي
--------------------------
قصـدي الـدار اللي شافــوهــا
تــزهي بـأنــوار وحـرگــوهــا
ردوا للگـبــه وفـجــروهـــــا
رادت أول ناس التبدي
-------------------------
تـبــدي بـأول بــاب وعــصـره
والــنــار بــدارچ يـالــزهــــره
وصلـت هـالــنــار الـســامــره
وهاي النار الصابت وجدي
-------------------------
خادمكم
رياض الرسل الجابري
لطمية وحماسية للعسكري ع
الشاعر قاسم الساعدي المندلاوي
*******
صرخة أطلقناهه الحظرة نتعناهه
للعسكري زوار ونعزي المختار
*************
نتحدة النواصب نسحگ اعله الموت
بالدم هالمسيرة تبقه تتجــــــــــــــدد
نوگف عالظريح انقبّل الشّبــــــــــاك
وتسعر جمرته بحشانه ما تبـــــــرد
ابن خير البرية نعتنيه حجــــــــــاج
كعبة وبي يحج من يعتني المرقــــد
نجري دمعة ابابه بينه جمرة امصابه
هذا رمز الأحرار ونعزي المختار
**********
كعبة والتحجهه شيعة اهل البيـــت
واليحصي الحجيج ابدفتره المختار
خل نحضر نعزي فاطمه الزهــــره
وانعزي الصميده حيدر الكـــــــرار
هنياله اليسجل أسمه ابو ابراهيـم
وهنياله التعنه الهالمقــــام اوزار
مكة والمدينة لمصابه حزينة
وتريد اليوم الثار ونعزي المختار
***********
جرع مرّ الصبر غصة ابأثر غصــة
گبل مُرّ المنية الحددت يومـــــــــــه
رغم حَرّ الصبر وآلامه بالــــــــدلال
تحمّل هالأمانة ابفكره واعلــومــــه
رفع دعوة محمد حيّر الطاغـــــوت
حفظ نهج الرسالة ابخطه مرسومه
تعمل كل الاسلام ابعلمه طول الايام
حيف الدهر بيه جار ونعزي المختار
***********
عدوانه گبل أصحابه تشهدلـــــــــه
حِمَل كل الصفات الفاضلة الــــحره
من علم وبلاغة ومن سموّ اخـلاق
من زهد وكرم آثاره تشهدلـــــــــه
أنوار الإمامة اكتملت ابشخصـــــه
شرف ألهه الإمامة تعمل ابأمــــره
ظل ثابت خلوده هالدين ابجهوده
طاح ابسم الاشرار ونعزي المختار
**********
ننصبله عزيّة وندري هالمأتـــــــــــم
بي يحضر محمد والوصي حيـــــــدر
فايزمن تعنّه المأتمه ايواســــــــــــي
الشجرة الهاشمية والحزن يظــــــهر
على وجهه ودموعه تجري عالخدين
على فگده ودموعه منه تتفـــــــــجر
هاي افعال الارهاب مصدرهه يوم الباب
من هجمتهم عالدار ونعزي المختار
فزاعية للعسكري ع
الشاعر قاسم الساعدي المندلاوي
********
للعسكري للعسكري للعسكري
كلنه خدم وانصار من نخدم الزوار
**************
عدنه يبقه العسكري باب المراد
لن صفاته وطيبته وطبعه جواد
اعليه أحنه ابكل عصر نعلن حداد
للعسكري للعسكري للعسكري
خدامه باستمرار من نخدم الزوار
**************
عطر أحنه انشمه وبعطره نشم
كل بني الزهراء أصحاب العلم
حتى للأعداء يبدون الحلم
للعسكري للعسكري للعسكري
هالخدمة ليهه آثار من نخدم الزوار
***********
أحنه بسمه انصيح ويضل هالأسم
عالجباه المؤمنة أروع رسم
ابحبه لينه الكون كلّه يبتسم
للعسكري للعسكري للعسكري
مدمع يصب مدرار من نخدم الزوار
*************
هالملايين التزوره ابمعتقد
اتريد من عنده أبو القائم عهد
ايزورهه بالبرزخ ويوفي العهد
للعسكري للعسكري للعسكري
شيعة أله ابإصرار من نخدم الزوار
**************
من نشوف اتعاب أحنه ابهالطريق
لجل عدنه الخاتمة تصبح رفيق
هالخدامة بالوصف مثل الصديق
للعسكري للعسكري للعسكري
ايهنينه كلمن زار من نخدم الزوار
***********
ذكره من العين دمعات وتسيل
وبالمٌهج حسرات ما ألهه مثيل
ايذوب من عدهه عله امصابه الدليل
للعسكري للعسكري للعسكري
نخدم أبو الأحرار من نخدم الزوار
قاسم المندلاوي
شد الدمع حيله ...للعسكري الليله
ياشيعه واسوني ...وبالدمعه عينوني
للعسكري الليله
........
ياهو اليواسي المنتظر ويسجب نحيب العبره
ويواسي امه الطاهره ذيجه البتوله الزهره
هليله بدموع وحزن كسره اتلاكف كسره
ياهو الذي ابكدي حمل وجتف دليله ابصبره
ابجو عله حالي ... يادمعة الغالي
للعسكري الليله
.........
هليله حلت فاجعه وام الحزن تنخاني
حظرت روحي الملحمه وماتم نصبت احزاني
مابيه دلالي انمرد صفنت عزه صيواني
وين انطي وجهي الياكتر هم الزمن غطاني
ولمن يجن ليلي ..... مابيه اشد حيلي
للعسكري الليله
.......
يالوعه ينساهه الكلب كثرن علي لوعاتي
احمل واعارك بالزمن واتشاكف باهاتي
اعصر اعيوني اعله الجره وشل نزف دمعاتي
كل يوم امر بنايبه واسمع صدى النشغاتي
وشماحصل بينه ... بيكم تواسينه
للعسكري الليله
...........
وياكم انه وخل نجي وانصبر المظلومه
ليلة مصاب وفاجعه كل الحزن هاليومه
بيش احنه ننعنه العسكري كبه وصفت مهدومه
مسمومه روح العسكري ونطحن عذاب اهمومه
خلونه ننعاهه ...... والزهره ننخاهه
للعسكري الليله
............
شدو حزمهه النايبه واسيكم واسوني
انه الغريب ابلاوطن ياشيعه لاتنسوني
كسرت دليلي الفاجعه وغطه الظلام اعيوني
هليله ودعت الابو ودارت مئاسي اظنوني
ياشيعه نبجيله ....كل مدمع انسيله
للعسكري الليله
.........
لاوينه صبري المانفع حته الصبر مليته
مثل ام ولد حد الصبر وصط الكلب ظميته
ربيته حزني من كبر انه ابدمع داريته
لمن شفت للعسكري طاح العمود وبيته
والكبه فجروهه...... ياشيعتي انعوهه
للعسكري الليله
...............
من عيني شافت حالتك حالي الكدر غطاهه
يفتر علي بين الدهر سم وذبح رواهه
ايامي بس نوح وهظم مسره الحزن مسراهه
دمعه ومصاب وفاجعه هذا الزمن غذاهه
والليله وياكم ... ياشيعه وانخاكم
للعسكري الليله
......... علي الحاج الصبيحاوي
نــوحـــي زاد أو ونّـتــي
وسـمّـي گـطّـع چـبـدتـي
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
مـن زغـر سنّـي عـشـت ويّـه الـمـآسـي
تـحملـت ظـيـم أللي مـتحملـه الـرواسـي
عـمري خـلّصتـه يـشيعـه بحكـم قـاسـي
من بنـي الـعبـاس شـيّـب مـنـي راسـي
بـالـضغيـنـه وبـالـحقـد
مـرّدو بـيّــه الـچــبـــد
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
هـالنـواصـب بـالـظـلـم والـدم حـكمّهـم
والـحقـد لآل الـنبـي يجـري ويه دمّـهـم
شگد ظلـم وشـّگـد ألم شفـت آنه مـنّهـم
گـطّعـو گلبي وسَره بنص چبدي سـمّهـم
بـالألـم چـبـدي أسـتـعـر
ونّـتـي أتـذوب الـصـخــر
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
آنـه بن خـيـر الـبشـر وأطـهـر سُـلالـه
من أهـل بيت الله خـصّهـم بـالـرسـالـه
بـچتـلـي ما راعـو شـرع رب الـجـلالـه
لا شـرف لا ديـن عـنـد أهل الـضـلالـه
ذبـحـو بـچتـلـي الـشـرع
چـبـدي ذايـب چـالـشمـع
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
من حـقـدهـم يا خـلـگ حـالـي تـمـرّمـر
سـم بنـي الـعبـاس سَـم چـبـدي وتـوذّر
بـالألــم ضـلّيـت أون گـلـبــي تـفـطّــر
چـبدي نـار ومـشّتعـل ياشـيعـه يـسّعـر
بـالـمـواجـــع والألـــــم
چـبدي يا شـيعـه أنـثـلـم
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
نـوحـو ياشـيـعـه عــليّـه بـهالـمـسيّـه
وبـمـصـابـي واسـو حـيـدر والـزچـيّــه
ذكـرو حـالـي وغـربتـي وهـم الـعلـيّـه
وذكـرو سـم اللي شفـت مـنّـه الـمنيّـه
ذكـرو شـنهـي اللي سِـده
والـجـرالـي مـن الـعِـــده
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
خـادم الـحسيـن (ع)
سـيــد عـــلاء الـحـيّـــدري
استشهاد الامام الحسن العسكري علية السلام
اعليك طالت ونتي
جمر نزلت دمعتي
راح اظل بغربتي .. واحدي
....................................
يالحسن بويه انة ابنك مهدي تسمع وني
والله ياروحي بغيابك شوفه يكبر حزني
من المدامع هسه يمك راح اطيح جفني
واني بعده ازغير عمري بويه لتودعني
وحك امي نرجسك
جبت عمري اتنفسك
اعليك تعلة صيحتي .. واحدي
......................................
مو سهل فكدك يبويه راح يكسر ظهري
تدري يالغالي برحيلك ما خمد ياجمري
ابد مايرحمني تعرف والله خاين دهري
دوم اظل اخلاف وجهك بلونين وصبري
صرختي من الكلب
اه اظل دوم انتحب
بويه اسمع صرختي .. واحدي
.....................................
بني العباس وفعلهم كبراها اجروحي
ماتصح راحه بسنيني تعذبت ياروحي
وابقة حد الموت انعة وماابطل نوحي
يلي مبعد هاذ بعدك هدماهة صروحي
راحه عكبك ماتصح
ما يظل سالم صرح
وحيل تكبر حسرتي .. واحدي
.....................................
يالمصابك كطع كلبي منهو اليواسيني
تهل دمعاته بحسرته خل يساعد عيني
اوما اعوفه انة تحضره كلمن يعزيني
يمن دهري اخلافك انته يالابو ياذيني
واليون ونة حزن
انة أشكره ويطمئن
من يساعد حيرتي .. واحدي
....................................
اليلة مفجوعه العوالم تون عن الصاير
اوحيدره مكسور ظهره لوعته بالناظر
كلشي هاليلة بغيابك بويه شفته يكابر
وانه مكسور ومصابي يحير الما حاير
حزني يبقة كل وكت
تمرمرت او تعذبت
او شيبتني دنيتي .. واحدي
...................................
تمت بعون أسد الله الغالب
العبد الذليل علي الكعبي
الليلة كَلب الحجة مايبطل ونينه .. لجرح سامراء من دم تجري عينه
لجل أبوه العســــكري ... يجري من دم ناظري
***********
اليوم حزانه الســــمه بهاي المصيبــــة
وكل محب يحزن على فركـة حبيبــة
المهدي محزن عالأبو وزايـــد نحيبــــة
تحـــــارب الأخيار هل الدنية عجيبة
تهــــــل دموعة مثل زخات المطر..اليوم بمصاب الحسـن كلبي أنكسر
أنكسر ضلعي وخاطري ... يجري من دم ناظري
***********
مصيبتـه صعـبة وغريب عللمـــدينة
عالــدرب كبل الممــــات أيدير عينه
أنـمرد جبده بسم زعاف الله يعينه
وعين أبوصالح بقت تدمع حــــزينة
ياهــو يخبر هاشم بهاي الفجيعة ..بهل المصاب أتنوح وتون الوديعة
وين هاشم ناصري ... يجري من دم ناظري
***********
ترجف أركان الخليقة وتجري دمعة
العسكري المســـــوم هاليلة تودعة
البيت أظلم يالجنت بالبيت شمعة
أشلون أبوي الليلة ياوادم أضيعـة
وحشة بعده الدنيه ياوادم أحسها ... روحي ويالعسكري خمد نفسها
نار يسعر مجمــري ... يجري من دم ناظري
***********
اليوم كل الدنيــــه تعلنـــــــــــــها عزيــــــــــــة
ويامهدينه وتون مــــــــــــــن هل الرزية
اليوم نصبتله العـــــــــــــــــــــــــــــزاء الجعفرية
تواسي طه وحيـــــــــــدره وأمه الزجية
شلون تتحملها والفركَه طــــــويلة ... وانه كل لحظة دمع عيني أسيله
صدك بُعـده قاهري ... يجري من دم ناظري
***********
لجل هاي الفاجعة دموعي تهمر
والدمـع بخـدودي ضل يحفر حفر
كَلبي لمصـــــابه أشتعل مثــل الجمر
لأن بأيده المهدي خلاه بالقبر
والده بجفوفـــــه لمن وســــــدده ... شال هم الدنيه والله لوحده
عالحزن روحي صبري ... يجري من دم ناظري
***********
المهدي لمن غســـله شاف الأثر
سم بني العباس بضلوعه أســـــتقر
عالأمام العسكري الظـالم جســــر
يا هو يوصل للمدينــــة بـهل الخــبر
يخبر الهادي بحفيدة والجـــــــراله ... شلون هاي الأمة جازت طه بآله
جان حبـهم ظاهري ... يجري من دم ناظري
***********
شاعر أهل البيت
الشيخ عبد الحسين المنصوري
نــوحـــي زاد أو ونّـتــي
وسـمّـي گـطّـع چـبـدتـي
آنــــه آنــــه الـعـسّـكـــــري
ـــ ـــ ـــ ـــ ـــ ـــ ـــ ـــ ـــ ـــ ـــ
مـن زغـر سنّـي عـشـت ويّـه الـمـآسـي
تـحملـت ظـيـم أللي مـتحملـه الـرواسـي
عـمري خـلّصتـه يـشيعـه بحكـم قـاسـي
من بنـي الـعبـاس شـيّـب مـنـي راسـي
بـالـضغيـنـه وبـالـحقـد
مـرّدو بـيّــه الـچــبـ&
تعليقات
إرسال تعليق