📜قصيدة : ليل وغرب
🎤الرادود : ايوب الفريجي
🖋الشاعر : علي طعمه البطاط
~
حسين اه حسين اه
~~
ليل وغرب
ضلمه الدرب
وبهيمه ونيت
راحو هلك
بالدنيا الك
ماباقي اثر بيت
حزنك عمر
دمعك جمر
بالهم تغطيت
تصد وين .. ياغريب وماكو واحد من هله
تصد وين .. شكد خذت منكم يهاشم كربله
تصد وين .. حته الاطفال وذبحهم حرمله
والهيمه حارت بنسوانك
والوادم فرهدو ديوانك
وضعونك يابو صالح راحت
ميسوره تمشي وين عدوانك
ياصاحب الزمان .. ياصاحب الزمان
~~~
جفنك نشف
عودك رجف
وماشارب الماي
عاشر مضه
دخيل الرضه
اشرب يمولاي
ماكافي ون
راح الضعن
ماضل بعد راي
ضعن راح .. واليتامه تركض من كل كتر
ضعن راح .. والحرم محتاره لو صار العصر
ضعن راح .. لاتدور سكنه يحديها الشمر
عطشانه ركضت ومشدوهه
عالناكه بالحبل مجتوفه
ميسوره ويلي بت الهادي
لاعمها شافته لابوها
ياصاحب الزمان .. ياصاحب الزمان
~~~~
عباس شو صارت صدك اختك تروح ميسره
والشمر ضل يصيح الي جا وينه سبع الكنطره
ترضاهه ياراعي العلم يتشمت الزلمه ابمره
كلي خويه تدري اشكلي
كلي سبني وشتم حته هلي
كلي جروح زينب سجلي
كاداني بالسبي كاداني
ضرباني وسب نبي ضرباني
ياعباس ياخويه .. ياعباس ياخويه
~~~
عباس يالطولك نهر ياخويه عوف المشرعه
صوت السماء الجيتك واصل سماء السابعه
ياريت بيه مضيبتك وجفوفي انه امكطعه
حيره اخلاف وجهك صارت
حيره الحرم كلها احتارت
حيره الشمس لينه اندارت
مهضومه وداعتك مهضومه
ملجومه ابفركتك ملجومه
ياعباس ياخويه .. ياعباس ياخويه
~
ياقلهو الله احد يالشايل اوصاف النبي
عباس مامثلك بشر للحرم جف ايده عبي
بس عجب شو متواجد من كادو النسوه سبي
عباس الموت شفته بعيني
عباس الرمل ضل يجويني
عباس لاخيم تاويني
مشوني اعله الجمر مشوني
راووني اشكد كسر راووني
ياعباس ياخويه .. ياعباس ياخويه
°°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق