📜قصيدة : رد ياضماي
🎤الرادود : علي الوائلي
🖋الشاعر : امجد الشغانبي
~
رد يحسين بضعونك
المن رايح الكربله
الوادم مايحبونك من
هسه استعد حرمله
ضعنكم موش مال اشموس
وين اتبات المدلله
هم لوجاي الوحدك
المن جايب العايله
رد ياضماي .. عبدلله ماينطونه ماي
كالولي جاي .. لاتجي ياكاسر گفاي
وين اتريد .. يتفرهد حلالك ياحلال الله
وين اتريد .. باجر تعثر وماتلگه السم الله
وين اتريد .. يردون بسهم للخيمه عبدلله
رايح .. خويه للذبح
رايح .. جابولك رمح
باجر .. تتمضحك زلم
رايح .. ماتلگه صبح
حسين اه . . حسين اه
~~~
شوفت گلبك الوادم
بس انسان ماكو صدگ
يتلگونكم بالنار
تتلگاهم انته شبگ
باجر ماتضل اخيام
تاكلهن اسنون الحرگ
لو عالموت هم اتهون
بس الصاب اخويه سحگ
رد يالحنين .. كربله وين وانته وين
ماتغفه عين .. هاي الخلگ ماعدها دين
باجر موت .. سهله الموت بس عكس الخلگ موتك
باجر موت .. الا من ناصراً منها يبح
صوتك
باجر موت .. حسافه الباريه يحسين تابوتك
رايح .. ماتلگه نعش
رايح .. خويه للعطش
باجر .. كلشي مايضل
رايح .. ياليل اهدعش
حسين اه . . حسين اه
~~~
باجر حيره راح اتحير
من اتوادع اعيون الگمر
تحير بسهم البعينه
يعطش ونته بيدك نهر
يكسر واهسك جسام
والعباس يكسر ضهر
كلهم باجر يموتون
وعلي الأكبر تشيله وذر
ماكو دمع .. تترس خيمكم بس شمع
ماتنسمع .. اليفگد احبابه ينفجع
ونته اتصيح .. ياعباس گوم ولحك اعليه
ونته اتصيح .. مشي للخيمه ماعانني رجليه
ونته اتصيح .. عفتني ابنص درب عطشان تاليه
رايح .. اخوك وكل هلك
رايح .. تضل محد الك
رايح .. شماته بكل درب
رايح .. منو يرد عايلك
حسين اه . . حسين اه
~~~
راح اتضل غريب بگاع
يتخوصر اليفگد اخو
راح يطيح دمك غاد
ماندري اليذبحك منو
وليه اتصير شي بسهام
شي بحجار مدري شنو
ماتلكه اليكلك صار
تنخاه ويگلك كفو
ماتلگه عون .. تلكاهم بيك يفرهدون
مايستحون .. يم نحرك ويتمظحكون
ونته اتصيح .. ياهل ناس اريدن گطرة اميه
ونته اتصيح .. يسمعونك وكلها تصيح شعليه
ونته اتصيح .. ويجونك بس طمع يردون خاچيه
رايح .. حلالك للغرب
رايح .. والكلش صعب
باجر .. بناتك تنولي
رايح .. يتيهن بالدرب
حسين اه . . حسين اه
~~~
فوگ الموت والهم
ذاك فوگ ارماحهم والنبل
من يم جسمك ايمرون
واليحدي ابناتك نذل
خوله اليحدي بالناگه
والهضمه الچبيره هزل
تعثر وحده كلها اطيح
لأن كلهن بنفس الحبل
كله قليل .. بس فشله زينب عالهزيل
غير العويل .. وسط الخرابه ودنيه ليل
راح اتروح .. يحسين العفيفه وتركب الهزله
راح اتروح .. يحسين العفيفه وتمشي وي رمحك
ويصيحون .. خوات حسين ذني الوادم وتضحك
ويدخلون .. بقصر مابي بخت والبي ضحك يضحك
رايح .. بختكم للقصر
رايح .. يدخلهن شمر
رايح .. يصيراً بالأسر
رايح .. عمت عين الدهر
حسين اه . . حسين اه
°°°°°°°°°°°°°
°°°°°°°°°°°°°°°°°°°°°°°°°°°
أسألكم الفاتحة والدعاء لروح المرحوم والدي
تعليقات
إرسال تعليق