📜قصيدة : بس الك تحلى الخدامه
🎤الرادود : حسين الاكرف
🖋الشاعر : علي البصيصي
~~
ابد والله ماننسه مصابك يا حسين
~~~
الخدمه ذله وبس الك تحله الخدامه
والله ضكنه بخدمتك طعم الكرامه
ياشيخ الفخر وأهل الشهامه
النبض بكلوبنه اسمك شعاره
ابد والله ماننسه مصابك يا حسين
~~~~
شما يصير بخادمك ميعوف عشكه
يجيب من حلك السبع يحسين حكه
اليحبك مايطخ راسه ويدنكه
الحسيني للمجد صاير مناره
ابد والله ماننسه مصابك يا حسين
~~~
كل نبي بتربتك يعفر جبينه
انته مصباح الهدى وبيك اهتدينه
للنجاة محبتك صارت سفينة
اليعوفك سيدي عمره خساره
ابد والله ماننسه مصابك يا حسين
~~~
الدعمه مو ذله بحضرتك ثوره هايه
بيها معنه وبيها حكمه وبيها غايه
الفرات الما ضكت يحسين مايه
ذليلك صار شاهد انكساره
ابد والله ماننسه مصابك يا حسين
~~~~
كل ارض كربلاء هذا شعاري
كل يوم عاشوراء ماتطفه ناري
اسير مصيبتك ليلي ونهاري
اليحبك يحسين ماطفت ناره
ابد والله ماننسه مصابك يا حسين
~~~
صلت اعله جروحك عيون القصيده
كلمن يريد الخلود انته نشيده
عمر مابي خدمتك مانريده
يسلطان الكلب اسمع قراراته
ابد والله ماننسه مصابك يا حسين
°°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق