📜 القصيدة: علي يبني
🎤 أداء: مسلم الوائلي
🖋 كلمات: محمد الغزي
~~~~
يا وليدي .. يا وليدي .. علي بويه
~~~
من جيتك اركض يا علي كل ضني ترفع جفك
بلا شوف اجيت وتيهت بس گلبي نعمه يعرفك
يله اگعد وعوف الذبح خلي نرد
لا هاي مو منك علي تبجي ابوك بصفك
يكبر حسينك ها نسيته
يا زين يا حلو المحاجي
يبني الدلال الدلليته
جاليش جازيته ابواجي
ها يبزري ويا وحيدي ويا كبرتي
وها يگلبي الشالعه انته ويا شهگتي
بفرگاك يبني موش الدموع
تلاگن عليك ضلوع بضلوع
~~~~
يا علي اول مره الي امشي بطبع مو طبعي
بين الركض بين انهطر وبين اوگف وبين ادعي
وين الله يطلع مو علي المنذبح
سولفت وي روحي شكثر بس ردت اجذب دمعي
وينك علي جذب دموعي
وصرخ عدل ما ميت ابني
يم امك ومن صيحوا طاح
ينشاف گام عليك حزني
تريد ارد بميت ابني كوني اگدر
يا عذاب تعبتني ليش يكبر
يالتعبتني نام مرتاح
اتهنه بس باوع للصفاح
~~~
بكلشي حلو انته يا علي بس هسه فگدك مو حلو
توسلك بيك شكثر اگعد علي هم گتلك احسبني اخو
لا بويه من عندك ردت ردتك الي
جا غير ابوك انه علي يا وكت ينعاف الابو
خليتني المن يا علي المن
للضيم لو شلعان گلبي
تعبني يبني موتك تريد
ما كفه يبني ارباك تعبي
يابو بيتي ويا ربيعي وكلشي انته
انه يمك موش طبعك تبقه سكته
ما اخاف لاجن هسه لا اخاف
من گمت اشوف الربه ينعاف
~~
خليتني عليك انكسر يوليدي كسرت حاجب
لهنانه يكبر ونتهت لا اسولف ولا اعاتب
منك سبب شيبي علي اي يا علي
مو شايب انه وصيحوا ياهوه هذاك الشايب
الشيب منك موش عمري
خليتني ميته تجوتي
حسين يكبر موش الحسين
رد ما تعرفه حته اخوته
شيبي فدوه وكلشي طايح بس علي اگعد
موش حلوه انه اتيه وانته تبعد
~~~~
صير ابني هسه انته الابو وانه ابنك وفگدني
وحجي الحجي السولفته الك وتحسر واندهني
اندهني ومن عندي مل شوف الحمل
كونك گدرت اضل عدل هالساعه لا تعذرني
ما تدري يكبر ضيم روحي
صير بمجاني وشوف همي
اتسمه ابو الاكبر يبني مساع
بس هسه كلها تصيح بسمي
حسين صارت راح الاكبر راح تعبي
هاي هيه الكاتلتني عليك عتبي
هاي الدواها وما عرف وين
رحت ابو الاكبر جيت الحسين
°°°°°°°°°°°°°°°°°°°°°°°°°°°°°°°°°
علي يبني l الرادود مسلم الوائلي . رابطة خدام الامام الحسن المجتبى ( ع ) . 2022
رابطة_خدام #الإمام_الحسن_المجتبى ع# #رابطة_خدام_الامام_الحسن_المجتبى_ع_ #مَولى_العُلَى_عَليّ
[ علي يبني ] • الرادود مسلم الوائلي • الشاعرمحمد الغزي • الذاكر سيد مهدي البكاء 《 عزاء رابطة خدام الامام الحسن المجتبى ( ع ) 》 | العراق . بغداد . بغداد الجديدة | ▪️︎عزاء ايام شهر رمضان المبارك ▪️︎وليالي شهادة امير المؤمنين ( ع )
تعليقات
إرسال تعليق