جريمة الهجوم على دار الزهراء عليها السلام وحرق بابها
وكسر ظلعها واسقاط جنينها
يومين مو اكثر مضن وتحزّمو اهل الفتن
دفعو علية الباب ضلعي وجنيني انصاب
ياوالدي. ياوالدي
..............
توّك غبت/ بگبرك نمت/ يومين مو اكثر غبت عن داري
ابچي واون/ لوجهك احن/اخضر ترابك من مسيل اعباري
ضدي وضد علي جتمعو بويه اصحابك وهجمو
ابابك شعــلو النيــــران. ولا من حرمتك خجلو
ناديت يصحاب النبي. وصّاكم الهادي بعلي
تسمعوني يالاصحاب. ضلعي وجنيني انصاب
ياوالدي. ياوالدي
..............
يهل الفتن/ ام الحسن/بضعة مُحمّد كلكم تعرفوني
وين الوفه/ للمصطفه/وصّاكم تواسوني مو تاذوني
"وإن" يافاطمـــه يگلّي هضمني بكلمته الثاني
شعل بيده الحطب بويه اللعيـن بنـاره اذّاني
هجمو علينه امّتك يابويه ظلمو عترتك
يالمندفن بتراب. ضلعي وجنيني انصاب
ياوالدي. ياوالدي
..............
منهم لذت/ابابي وخفت/بويه ودفع بابي وعصرني الثاني
ضلعي انكسر/ابني انعصر/محسن وگع من عصرته وبچّاني
صحت يابويه صابوني وسطرني الظالم بچفّه
طحت عالگاع مهضومه شتمني الطاغي وتشفّه
لا انت لا يمي علي. يابويه چا منهو الي
مايدري داحي الباب. ضلعي وجنيني انصاب
ياوالدي. ياوالدي
..............
لمن سمع/حيدر فزع/ذل اللعين وداس راسه برجله
فارس مضر/لجلك صبَر/لوما الوصيّة الملتزمها يقتله
علي لوما وصيتك چان فناهم كلهم بحيفه
يدرون بوصيتك هاي. هيه الچتّفت سيفه
يابويه چتفو بالحبل صابر لأمرك ممتثل
يالتعرف الاسباب ضلعي وجنيني انصاب
ياوالدي. ياوالدي
..............
اخذو علي/راح الولي/رادوه يبايع للخليفه الظالم
آنه اطلعت/بويه وصحت/ردِولي حيدر ابن عمي سالم
صحت لوما ترجعونه عليكم ادعي للباري
خافو من غضب ربي ورجع حيدر علي لداري
رديت مكسور الضلع. ولمحسن يصب الدمع
گلبي اليحبك ذاب. ضلعي وجنيني انصاب
ياوالدي. ياوالدي
سيد زيد الفحام
______________________________________
اللهم العن الأول والثاني والثالث اللهم العن اول من ظلم محمد وآل محمد وآخر تابع له الى يوم القيامه
ليش ام الحسن ياناس ظلموها
بين الباب والحايط يعصروها
............
يومين بغيــاب الهادي مو اكثر
بعده تراب گبره امن الدفن اخضر
هجموا عالزچيه وعالوصي حيدر
وباب الزهره بالنيـران حـرگـوها
..............
عصرها الظالم وظلع الزچيه انصاب
خلف الباب ظل يدفع عليها الباب
لحدما طاح محسنها وگلبها ذاب
تگلهـم فاطـمـــه آنـه ويـأذّوها
...............
سطرها الثاني بيده وطاحت الزهره
ونزف دم عينها من شدّت السطره
طاحت والجنيــن وياها. عالغبره
تلوج امن الألم والعصره خلّوها
................
هاي الوصّه بيها الهادي بغيابه
شسوّو بالزچيه الطاهره اصحابه
عصروها بحقد من لاذت ابّابه
هاي المابچت بسنينه بچّوها
.................
عرفوا بالأمير مچتّف بصبره
حيدر ما يسلّ السيف هالمرّه
طبوا داره چتفوا والد العتره
غدروا بالوصي والكلمه نكروها
...............
لوما بالوصيــــة مچتّف الانـزع
چا بالسيف خلّه ارواحهـــم تطلع
وسفه الچان خايف من علي تشجّع
وحقـاد السقيفه اليوم ظهــروها
سيد زيد الفحام
________________________
https://t.me/zaidzai
تعليقات
إرسال تعليق