مرتضى حرب || ظعن زينب رجع || 1444 هجري
📜قصيدة : ضعن زينب
🎤الرادود : مرتضى حرب
🖋الشاعر : مصطفى حرب
~
اه ضعن زينب رجع
~~
راجعه الديرة هلي وبلا ولي والهضم حانيني
الضعن ضلمه بلا كمر عالنهر عفت حلت عيني
لااخو يطول الدرب والحرب خذت لذت سنيني
يلجم جروحي الحجي والبجي البين روحي وبيني
اه امل روحي انكطع
~~~
من اوصل اكصد للنبي وعالسبي والسياط احجيله
اكبال كبره اكعد واون وبحزن لجمه لجمه اشكيله
جدي ترضه اجمل صدر الشمر يدوس فوكه بخيله
ابن باء البسمله بكربله نباك ثوبه حيله
اه ترس كلبي الوجع
~~~
جدي شدونه بحبل جم نذل عالحرم شال ايده
جم طفل كلبه انفجع من الوجع وجع نباه بصيده
ينطك بجعب الرمح والجبح طكته موش بهيده
والعليل شكد بجه ولو حجه الجامعه تكص جيده
اه انه لون نسمع
~~~
ياهلي اليفكد يون يضل يحن على وجوه اعزازه
كلبه من ضيم الهجر ينفطر وبي تبين عازت
يكسر عليهم ضلع عالدمع والطم يتوازه
انه رحت ويه اخوتي بهيمتي بس رجعت جنازه
اه انه كلبي انفجع
~~~
ياهلب رك الضهر ونكسر نوصل تلكوني
الضيم بعيوني نكتب من التعب ماضن تعرفوني
كربله وذبح اخوتي وغربتي هذن غيرن لوني
والتراجي الكله دم شكد الم شاهدت بعيوني
اه هضم كلبي انزرع
~~~
راجعه بطرك الجرح للذبح لسه تسعر ناري
شكد دمع عيني تصب من اطب وكعد ابنص داري
لا بقت ام لا ابو لا اخو ينشد اعله اخباري
ابني ضل بلا متن واليحن غطه جسمي الذاري
اه الحزن بيه انطبع
°°°°°°°°°°°°°°°°°°°°°°°°°°°°°°°°°°°°°°°°°
القصيدة : ظعن زينب رجع اداء : مرتضى حرب كلمات : مصطفى حرب المكان : حسينية الشيخ احمد الوائلي_ هيئة سيد الاوصياء_العراق_ واسط
تعليقات
إرسال تعليق