كعدة الرسول ص ١٤٤٤هجرية
الشاعر منقذ ابو شبع
الآمنه گالو أمس ما عدها إيمان
الگالو هدفنه العدل ما عدها ميزان
إرهاب وفتن ثارات ومحن
الگالو هدفنه العدل ما عدها ميزان
----------------
تنكشف للعين صورة من نعاين للبداية
نبحث التاريخ نقره ظاهر وخافي الرواية
ليش بعد النبي انقلبت ناسها ضد الهداية
وصاها بالحق النبي وما جاب واحد اجنبي
گال الحكم للطالبي حيدر وبيه الكفاية
ليش البعض خالفت حكمة القرآن
رادت حكومة عدل لو حكم سلطان
أطباع العرب ثارات وشغب
الگالو هدفنه العدل ما عدها ميزان
١-----------------
راجع التاريخ تلگه هواي من بين الصحابة
اتفقت ورسمت ونصبت والنبي أخضر ترابه
چنها ما عاشت نظام الدين صار الوضع غابة
بعده النبي ما مندفن وبقلوب أهل بيته الحزن
اسم الخليفه ينعلن الناس مرتاحه لمصابه
شبّت رياح الفتن بالوضع نيران
مايرضه هذا الفعل بالبشر إنسان
بعدو عترته وهوه بدفنته
الگالو هدفنه العدل ما عدها ميزان
٢----------------
هذا حال الناس تبدي تنصر الحق بلسنها
وساعة التطبيق عينك ما تشوف البعض منها
لسان شيطان السرائر بالوساوس يطمأنها
تدري علي هوه الفتى وارث مكانه بأمته
بس البعض ما رادته تريد واحد حسب ظنها
حيدر ولي من الأزل عالإنس والجان
أسمه بجميع السمه والأرض عنوان
شلون تخالفه هاي المرجفه
الگالو هدفنه العدل ما عدها ميزان
٣----------------
البعض تنظر بالعيون وتعرف الحق ورجاله
وتنصر اللي يشتريها والذي يبذل أمواله
المجتمع مو حاله وحده صار يحمل ألف حاله
الباطل يرفضه بكل صله ويرفض الچان يمثله
ولمن يشوفه يقبّله يگوم يتمادى بوصاله
ما أكثر اللي يحب مبدأ الشيطان
بلسانه مو بالقلب يعبد الرحمن
كلمن غايته وكلمن فكرته
الگالو هدفنه العدل ما عدها ميزان
٤----------------
علي منهاج الضمير وحبه يأمر بالعداله
لا تگول آنه موالي وتنصر أتباع الضلاله
انته من تنصر الباطل هدمت عرش الجلاله
ياهو الذي باع الوطن وخله الشعب بين المحن
يخليها بحر من الفتن وتحترك كلها گباله
حسباله هذا الشعب للدوم عميان
فتّح عيونه ونمت للطير جنحان
گدام الصگر لتضل تفتخر
الگالو هدفنه العدل ما عدها ميزان
٥----------------
شوف من يوم التخلت أمة الحق عن دربها
وكامت بوادي الرزايه أيامها والهم تذبها
الدهر قوتها الفتحت كل حصون الشر سلبها
صارت ضعيفه وواهنه بأشرس الذئاب مأمنه
تبعت قيادة خائنه من دعاة الشر حزبها
صارت ضحايا البشر للفتن قربان
لليوم دم الأمل ينزف الشريان
ما ينفع عتب معروف السبب
الگالو هدفنه العدل ما عدها ميزان
٦---------------
محنة الامة چبيرة ولا أمل تحوي النهاية
ويوم بعد اليوم ينزف عالارض دم الضحايه
والبعض كل يوم ترفع للأسف للشعب راية
ظلينه في وادي الخطر
والسبب كلنه من الدهر
ما ندري لاوين المفر
الأمل بالمهدي يجينه وينقذ الناس الفقيرة
٧-----------------
تمت
رَاحَ ابُو الزَّهْرَه النِّبِي سَيْدِ الْبَشَرْ
وِبْغِيَابَه صَارَتِ عْيَالَه بْخَطَرْ
چِي مِشَه وَاوِيلِي چَمْ ضِلْعِ انْكِسَرْ
مْنِ الزِچِيَّه لْحَدْ أَبُو الْيِمَّه الذَّبِيحْ
-----------------------
عِصْرَوِ الزَّهْرَه وْوِگَعْ مِنْهَه الْجَنِينْ
هَشِّمَوْ مِنْهَه الصَّدُرْ أُمِّ الْحُسِينْ
يَعْنِي وَيَّه كِلْ نَفَسْ شَهْگَه وْأَنِينْ
وْتِكْتِمِ الْآهِ بْگَلُبْهَه وْمَا تِصِيحْ
-----------------------
هْنَانَه بَابِ وْعَالضِّلِعْ حِيلِ انْطُبَگْ
هْنَاكَه ظَامِي بِالْعَطَشْ گَلْبَه احْتِرَگْ
انْطِحْنَتِ ضْلُوعَه وِسَافَه مْنِ انْسِحَگْ
وِالْحَوَافِرْ گَلُّبَتْ جِسْمَه الْجَرِيحْ
-----------------------
فَاطِمَه رَضَّوْ ضِلِعْهَه اهْلِ الرِّجِسْ
وِالْحُسِينِ بْكَرْبَلَه شَابِعْ رَفِسْ
الَاعْوَجِيَّه دَاسِتَه بْحَرِّ الشَّمِسْ
مَا بُگَه مِنَّه ضِلِعْ سَالِمْ صَحِيحْ
-----------------------
#صفر_١٤٤٤هج
الشاعر حسن خنافر العاملي
من قال هجر تالله كفر
..
يامن خنت دين النبي
يوم الحشر اين المفر
ماينطقُ عن الهوى
كال الله وتكله هجر
اترد على الله احجايته
والرد على ربه كفر
احمد وصل للمنتهى
وانت الي توصل يم سقر
من فيه غدر تالله كفر
.....
يامن صحت يهذي النبي
بدين النبي يعني اكفرت
والكل ضمير اترِك حُكم
ها يالصحابي اشبينت
مصلحجي جنت ابصحبتك
بكرسي الخلافه استطمعت
شقيت الاسلام بعصى
مو موسى وبهاي افلحت
والخافي أَمَر تالله كفر
...
بعده اخضر اتراب النبي
واتأزم اخلافه الوضع
بس غمض عيونه ومشه
بانت معادنها الربع
هلّو تره بكرسي الحكم
ماهلو اعليه الدمع
الشاهد تره بكلمة " وإن "
والشاهد بكسر الضلع
للضلعِ كَسَر تالله كفر
....
الصاحب الكلبه وصخ
مايطهر ابأكبر بحر
والي اجاك ابمصلحه
مايلزم اخلافك ظهر
اشلون اذا حاقد اجه
شيسوي لو فرصه اتحظر
منهو الجمع بيده الحطب
ومنهو الي عن حكه صبر
من كان اشر تالله كفر
....
تكول الكُتب مابينو
اصحاب النبي بجنازته
ذِكرت علي وبس جم شخص
النزلوه بحفرته
هل بالسيقفه اتجمعو
مأتم قروه لمصيبته !
ام الخلافه إلي اهم
عدهم اهم من دفنته
من مِنهم آصر تالله كفر
.....
خلونه نتكاشف حجي
والي ذكرناه ابسند
والمارضه والماقنع
يوم الحشر عدنه وعد
باجر نباوع للنبي
ومنهو على ايمينه كعد
وباجر يبان البي دغش
والي كضه عمره حسد
لامنها مفر تالله كفر
....
يل حاير ابهل مسأله
مو عاطفه واتبع عقل
تريد اتعرف منهو الاصح
دور صحيحينك عدل
تلكه الاحاديث وبعد
تلكه الحجي الماينعقل
ادري صعب تقنع لجن
انت اسأل وكتبك تحل
نادته سقر تالله كفر
....زهير الابراهيمي
ميمر ( لأستشهاد النبي ص )
……………………………………………………
قال الحسن . قال الرضا
يا شيعتي . يا رافضه
ما منا الا مسموم . لو جتل يخلص عمره
……………………………………………………
اول جريمه ابتدت بيها الامه
عل الي نقذهم من سواد الظلمه
عل الي آلاه الكون يحلف بأسمه
اول جبد جبد الرسول اتسمه
ابسم انغدر . سيد البشر
نفس النهج . لثنى عشر
جف السگت سم الموت . كسرت ضلوع الزهره
………………………………………………………
يا قلم لا تكتب وفاه بوساده
اكتبها يوم الفاجعه استشهاده
اول دمع سال ابعيون الساده
اول جرح ما حصل ليه اضماده
اول سهم . يحمل الم
گلب ام حسن . بيه الجم
خل تستعد ام حسين . للحايط و للعصره
……………………………………………………..
هاي الجريمه و نعرف السواها
وي اليهود و رتّبوا مجراها
ما تخطي ام الجمل و الي وياها
وكلمة ( اليهجر ) والذي كالاها
هذا الجرم . لهل الظلم
الهم يظل . كرسي الحكم
لا اجو حتى بتشييع . لا وصّلوه الگبره
……………………………………………………
حيدر وحيد و ناره تجوي ابگلبه
ضاكت الدنيه ابعينه صارت غربه
شال الضوه وبس الظلام ابدربه
احمد اخوه واخلافه كلش صعبه
طاح العمد . راح السند
حيدر صفه . ماله احد
لازم اصفاحه الكرار . نصين صاير ظهره
………………………………………………………
مات وبقت لبنيته تسعر ناره
اثمنطعش ما شبعت تشوف انظاره
كل همه للباب و جرح بسماره
ودموعه لاصوات الضلع تتجاره
تبت وتب . يابو لهب
لم الحسن . جايب حطب
واذبحت محسن مظلوم . ماشاف ابد من عمره
………………………………………………………
اليكتل حبيب الباري و افضل رسله
تصبح ارگاب البشر كلش سهله
كلش طبيعي حسين ضامي اتجتله
سهله الطفل وبنحره نامت نبله
اليكتل نبي . سهله السبي
سوط و حجر . فوگ العبي
لا مو عجيبه النيران . و زينب تدوس الجمره
………………………………………………………
✍️( سيد خضر الزاملي)
نعي
لاستشهاد الرسول الاعظم ص
بعد استشهاد مولاي رسول الله ص
ذهبت مولاتي فاطمة الزهراء الى قبره
فأخذت تخاطبه
ضاگت عليّ داري واجيتك
يابويه وبعتبي اعتنـــــيتك
رحت لمچانك ما لگيـــــتك
ميت يبو الزهره نسيتـــــك
من اشتاگلك اركــــض للـهدوم
بعدني بعازتك لا مو وكت نوم
ارجع عليّ يا ريت بـــــس يوم
انفض اتراب الفــــــوگك وگوم
ويتّــــــموني
شيريدون مني ويتّـــموني
مارعــــــوني
هم تدري اخلافك مارعوني
مگلوب لوني
يم گبرك اون مگـلوب لـوني
يالغافي بالگـــاع
ما بسك بعد يالغافي بالگاع
عمري انفنه وضاع
شيّعتك وعمري انفنه وضاع
كلــساع كلــساع
اذكرك وانلچم كلساع كلساع
يابعد بنتــك اه يچــبدي
اتوسد انــه احــذاك ودي
ينوحون من فرگاك ولدي
وكلساع نشده وينه جدي
بعد لمصابي هذا الدهــــــر -- ما عاد
وتمنــــيته يعـــــود الزمــن -- ماعـاد
حسين يگول جدي شعجب -- ماعاد
اله فتره مشه وما عاد ليه
عبد العليلـه
✍حيدر ابو كيان الفاطمي
استشهاد رسول الله صلى الله عليه وآله
احسد الموت الخذاك
ما اعيش بلا هـواك
ظلمه داري بلا ضواك
بويه بويه. بويه بويه
.............
بويه محتاجه لهواك الينعش الروح
ما يطفّـن نار گلبي دمعـي والنوح
فاطمـه آنه العفتنـي بقلعة جـروح
رحت عني وجرح فگدك باقي ميروح
من عكب ذاك الدلال
يامُحمّد حالي حال
اركض بحلمي وراك
بويه بويه. بويه بويه
.............
ما مصدگه لسّه يابويه بوفاتك
بويه كلسا للصلاه الزم عباتك
گاعده ابمحرابك بساعة صلاتك
انتظر تدخل علية بذكرياتك
يضم وجهـك يا تـراب
ياشمس تجلي السحاب
ريت مدفونه معاك
بويه بويه. بويه بويه
.............
البيت اظلم من وجهك يغالي
يا مُحمّد بويه يا بدر الليالي
بويه كلما انظر المحراب خالي
ينجرح گلبي ووجّهلك سؤالي
يالنمت تحت الرمال
هم ترد لو لا مُحال؟
احسب لساعة لقاك
بويه بويه. بويه بويه
.............
فاطمه آنه الحبيبه دمي دمك
ريت ميته وندفن يابويه يمك
ولا اظل بالدنيا يجرح بية خصمك
ماكو من بعدك الي بس ابن عمك
ضد علي وضدي الصحاب
ردّوا نگلبوا ذئاب
تبعوا فلان الهجاك
بويه بويه. بويه بويه
.............
هجموا عله الدار بويه وعذّبوني
وانه خلف الباب دفعوه طيّحوني
بويه حرگوا بابي بالنار وچووني
بأمر منّ فلان بالسوط اضربوني
عصر احشائي اللعين
من طحت طاح الجنين
ميت وينزف دماك
بويه بويه. بويه بويه
سيد زيد الفحام
__________________________________________
نزله... للرسول محمد صلى الله عليه وآله
بويه بغيابك. ما عودتني
ابچي لمصابك يالدللتني
...................
بويه البنية سندها الوالـد اليرعاها
بالدلال تعيش بويه من يعيش وياها
تموت لو فارگها ساعه من حزن بلواها
شلون لو چان الأبو. يالغالي شخصك طه
اتمنّه موتي. من فارگتني
ابچي لمصابك يالدللتني
...................
چنت اشوف الدنيه حلوه. منّ شوفك يمي
بوجهك اليسطع جماله. ينجلي كل همي
كون اموت وياك بويه هذا اصبح حلمي
ولا اظل بجروح گلبي وبشماتة خصمي
آلامي زادت. من ودعتني
ابچي لمصابك يالدللتني
...................
ماكو مثلك بالخليقه شايل انسانيّه
تمطر عله الناس رحمه والدي وحنيّه
انت بس انت يبويه. تدري بيه شبيّه
يالچنت تنشد عليه وماتمل يوميّه
مفجوعه بعدك. ريتك شفتني
ابچي لمصابك. يالدللتني
...................
ياحبيب الله مُحمّد جرحك يأذّيني
فاطمه الزهراء اني. انحب مخلّيني
بويه تدري بالمصايب لو غبت تلفيني
تهجم عليه الصحابه بعدك تعاديني
مهضومه وبچي. المن عفتني
ابچي لمصابك يالدللتني
...................
نكرو الكرار بويه يالرسول اصحابك
بس علي ويّاك باقي. منشغل بمصابك
غسّلك بيده يبويه وچفّنك بثيابك
بالگبر واراك بويه ظل يشم اترابك
يالهادي ويّاك. ريتك خذتني
ابچي لمصابك يالدللتني
سيد زيد الفحام
___________________________________
▪️نشر جديد
في استشهاد النبي الأعظم صلى الله عليه وآله
مَنْ ذا أُعزِّي وفيكَ الكلُّ قَدْ رُزِئَ ؟!
يا أوَّلاً كنتَ للإيجادِ مُبْتَدَأَ
يا سِرَّ "إِقْرَأْ" ألا ليتَ السَّمَّاءَ هَوَتْ
ونَصُّ نعْيِكَ فوقَ العَرشِ ما قُرِأَ
"طٰهَ" ، وصَكَّ عليكَ الذِّكرُ جَبْهَتَهُ
يُصغي إلى نبأٍ عزَّى بهِ "النبَأَ"
رحلتَ فالكونُ ما انفكتْ نوادِبُهُ
تبكي وراثيكَ بالإعوالِ ما فتِئَ
قالتْ "لَدَدْناهُ" أيْ غَصْباً سُقيتَ وما
سُقيتَ منها دواءً إنَّما صَدَأَ
مُلْقىً تراكَ تُقاسي وهْي شامتةٌ
فَمِنْ ضغونِ أبيها قلبُها امتلأَ
آهٍ أتصبحُ إثْرَ السُّمِّ مرتعشاً
إذا نهضتَ تجرُّ الخَطْوَ مُتَّكِئا !
مُعَصَّبَ الرأسِ مَحْموماً* فيا ألمي
لحيدرٍ منكَ هذي الحالَ كيفَ رأَى ؟!
قضيتَ في حجرهِ يا حِجْرَهُ فنعَتْ
أهلُ المودّةِ للأيَّامِ مُلْتَجَأَ
بئساً فبعدَكَ يا سُرعانَ ما انقلبوا
وأظهروا ما انطوى في الصدرِ مُخْتَبِئا
لهفي لبضعتِكَ الزهرا محاصرَةً
ورجْسُهمْ بيْتَها بالنارِ قدْ فَجَأَ
لاذتْ تناديكَ خلفَ البابِ :" يا أبتي"
وإذْ بمسمارِهِ للضِّلعِ قدْ وَجَأَ
ويلي أيدفعُها ؟! ويلي أيصفَعُها ؟!
تبتْ يداهُ فكمْ في كُفْرِهِ اجترأَ ؟!
ويلي ! أيُدْمي بضربِ السوطِ عاتِقَها ؟!
وجرحُها الغَضُّ حتى اليومِ ما برِئَ..
*كما ورد في وصف مرضه (صلى الله عليه وآله) عندما خرج يحث الناس على الإلتحاق بسرية أسامة بن زيد (النص والإجتهاد للسيد شرف الدين ص ٣٣)
تمت بعناية الحجة عجل الله فرجه في مرقد أمير المؤمنين عليه السلام
هكذا قالها سيّدُ الكونين
إنّني تاركٌ فيكم الثِـقْـلٌَيْـنِ
فاحفظوني فيهما إن غابَ بدري
______
ابليل موته / هذا صوته
يدوي بآفاق المدينه او هيّه سكته ..
اعيون تدمع / او كلها تسمع
بيمن الهادي الرسول ايوصّي اُمْـتـه ..
دار عينه / و ابونينه
گام يتوصّه ابكتاب الله او عترته ..
او بآخر انفاس / ناده يا ناس
هذا أجْر ارسالتي او تعْب التعبته ..
فغداً موقفٌ فيهِ كلٌ يُسألْ
عن ذوي قربتي و الكتابِ الـمُنزَل
فاحفظوهم هكذا توفون أجري
______
بيده لكتاب / او شاف اِلاصحاب
گال هالمصحف أمان الكم تعرفوه ..
او عترتي اوياه / همّه والله
حبِل ربنه او واجب اعليكم تلزموه ..
او دار عالباب / او دمعه سچاب
او گال هذا احجاب الله لا تهتكوه ..
و اللي بالدار / أم اِلاطهار
لا تغضبوها تره لربّي تغضبوه ..
فاطمٌ بضعتي و هْيَ جزءٌ منّي
فاحذروا تشتكي لي سوادَ الـمَتْـنِ
ضلعها ضلعي و صدرُ الطهرِ صدري
______
أم ابيها / وصّه بيها
او تالي دار اعيونه للكرار حيدر ..
گال تدرون / سيّد الكون
من بعد عيني علي هوّه ايتصدّر ..
إبن عمي / دمّه دمّي
و هوه مني ابمنزلة هارون و اكثر ..
يالعرفتوه / لا تغدروه
لا يجيني او راسه بالسجده ايتطبّر
عنكُمُ إن خبا كوكبي أو غابا
فاحفظوا قبلتي و احفظوا المحرابا
و احذروا فيهِ دمُ الكرارِ يجري
______
اخلاف حيدر / من تحسّر
دار عينه للحسن و ادموعه من دم ..
هذا إبني / و آه يحزني
لو إجاني و الچبد ممرود بالسّم ..
او لو تواريت / يمّي ياريت
يندفن جسمه او يصير لجرحي بلسم ..
لاچن ادري / شنهو يجري
و اللي يرمون الجنازه بيهم اعلَم ..
كيفَ نعش الهدى بالسهام يُرمىٰ
و لرزءِ الزّكيِّ فؤادي يُدمىٰ
و لهُ أبكي دماً في لحدِ قبري
______
ابدمعة العين / دار لحسين
و اختلف لون النّبي من شاف نحره ..
صاح ويلاه / كربله آه
من ذكرها او شنهو ذاك اليوم يِجره ..
نحره مذبوح / او يبگه مطروح
و الخيُول العَشره تلعب فوگ صدره ..
راسه ينشال / فوگ عسّال
و الجسم عاري يظل محد يستره ..
ولَدي جنبَ نهرِ الفرات ظامي
و لهُ نسوةٌ في طريقِ للشام
كيف تمضي للسبا من بعدِ خدرِ
___
الميرزا عادل أشكناني
" النجف الأشرف "
https://t.me/mirza_adel_ashkanani
لسان حال الرسول ص
اني الشاعر والمله
وراح اقرا المقتل كله
اخر مجلس عالغالي
كعدولي حسين كبالي
ما شاغلني هالبين ....شاغل كلبي الحسين ....حلوه دمعة العين ....بفراش المنيه
هسا اني مرتاح ....لكن هو لو طاح .....يوكع فوك الارماح....تخنگه الغاضريه
ضمه دمه سهم حجر على جبهته
قهر نهر وعطش ضرب مخيم أخته
جده ومن حقي انعه
باجر وحده بلا فزعه
ولو شفتو تغير حالي
كعدولي حسين كبالي
.
.
.
.
سافرت اعله الجروح......للطف شفته مذبوح....اسهام العسكر تلوح ...كل جسمه المقطع
وادم شالت احجار .....وادم فزعت بنار....ثله بس عالاصغار ....السوط العدها يلسع
حرگ سحگ العدو بفرح بقى يشاهد
سلب نهب الشمر على رسومه صاعد
طايح حيل أعله اسهامه
عينه ادور اعله اخيامه
ومهد ابنه يهتز خالي
كعدولي حسين كبالي
.
.
.
.
التمت فوگه الاثكال ....يدور عالنفس ضال ....صبره هد الاجبال..... وهد حيله المخيم
بكل جرت نفس آه .....شيبه مغطه بدماه.....يباوع محد وياه....كلشي بعينه اضلم
نِظر عثر التفت بجت عطش عيونه
اختنگ شهگ على الاخو الكسرله لونه
والتكتل هاي النظره
يقاتل بس لازم ضهره
هالمنظر باقي أبالي
كعدولي حسين كبالي
.
.
.
.
متوزع عالطفوف.....شبعت منه السيوف.....بحسره زينب اتشوف ....حافرهم يكلبه
صاير خشبه الالسان....يحلف بيه عطشان.....خلوو جسمه ميدان ....لازم بيده كلبه
صعب ترب تطب تسد جروحه كلها
حرم الم غرب سبي منو اليحلها
دمه اعله الكاع تبده
وبروده يدور خده
جم اه واه ودالي
كعدولي حسين كبالي
.
.
.
.
رأسه اعله الرمح صار....كلسا لخته يندار ....تمنيت الهزل غار
...ويشيل السبايه
عالي رمحه وجبير....فتحت نحره جن بير.....بعيونه بقى يدير ..يحرس عالعبايه
بشغف نزف ودمه بجه على نسائه
بغرب صعب الجسد بقى بلا ردائه
ضل يفتر وي نسوانه
تبجي اشفافه الذبلانه
بحسره تصد رأسه العالي
كعدولي حسين كبالي
الشاعر عبدالله الشويلي
تعليقات
إرسال تعليق