قصائد استشهاد رسول الله مكتوبة للشاعر ثامر بو جبارة
لشهادة الرسول الاعظم صلى الله عليه وآله
------------
ضجت الاكوان ،، وامحمداه
صاحت الاديان ،، وامحمداه
////////////
انهزت اركان العوالم والملا الاعلا ينوح
والعرش ابدى عويله والقلم يكتب جروح
والرسل نصبت مآتم والحزن بيها يلوح
يبچي قرآن وزبور وينعى انجيل اويا لوح
هاجت الاحزان ،، وامحمداه
@@@@
نادى جبريل الهضيمه راح خير المرسلين
وانكسر گلب الرساله والوحي تهمل له عين
عظّمت اجر الامامه ياعلي الله المعين
اتشابكت ويّه البتوله والحسن عزا الحسين
والهدى حيران ،، وامحمداه
@@@@@@@@
وينه راح امر الوصيه شالبده منهم جواب
فاطمه هاذي وديعه لا تهتكون الحجاب
والاجر كسروا ضلعها وحرگّوا للزهرا باب
والطموها واعصروها ومحسن الخر ع التراب
وانبرى الخوّان ،، وامحمداه
@@@@@
ندري بالاحقاد بيهم من علي فحل الفحول
*ابذو الفقارك* ياعلي من حيرت كل العقول
شارب ابدم الرگاب الكافره طلبوا ذحول
من دروا بيها الوصيه ملتزم بيها وتگول
انني الايمان ،، وامحمداه
@@@@@@@
زلزلت لكوان فاطم من بدا الدمع وهمل
مو دمع تجري مقلها هذا طوفان الزعل
لو دعت فاطم عليهم بالعجل مالك نزل
يطبگ اجهنم عليهم من گبل حين الاجل
باؤوا بالخسران ،، وامحمداه
--------------------
ثامر بوجبارة الاحسائي
لشهادة النبي الاعظم صلى الله عليه واله وسلم
------------------------
بويه فارگني ،،الساكن انفاسي
يانبض گلبي ،، يا أعز ناسي
طبگ روحي الحزن
مثل طبگة جِفِن
اخذ گلبي دفِن
الساكن انفاسي
@@@
الفاگد ابهالدنيه غالي صعبه يتهنه
ينذبح گلبه ابفارگه وعمره بس ونه
ساعه مايگدر يعوفه اوياه يتمنه
حالة اليفگد حبيبه فاگد الجنه
لا حچي يگدر ،، يوصف احزانه
والهظم شرّع ،، يَمّه بيبانه
يون گلب الفْگَد
خلص عمره بعد
وگت راح السند
الساكن انفاسي
@@@&
الفاگد الوالد شيصبره والابو غالي
يعز عليها ام ابوها امفارگ الوالي
تنظر ابحسره المكانه ياوسف خالي
اتگله من بعدك يبويه ضاعت آمالي
صعبه حالتها ،، ماخفه ونها
گابعه ابهمها ،، من صغر سنها
گرب مني الاجل
بعد راح الامل
أخذ روحي ورحل
الساكن انفاسي
@@
لا تلوموني من ابچي حتى لو أغشي
آنه بويه عندي كلشي وفارگت كلشي
آنه اتمنه المماتي من رحل أمشي
وابكتر نعشه لوّنه ينحمل نعشي
عمري ماريده ،، من بعد عينه
شللي بايامي ،، والدي وينه
خلص مني الصبر
فلا اريد العمر
بعد ماظن يمر
الساكن انفاسي
@@@@
مامثل بويه ابحنانه لا ولا ابعطفه
راح ابويه اللي ابعيونه ومهجته اغفه
شلون هسه ايروح عني والدي وسفه
ما بقه شي ابحياتي امصيبتي كلفه
هسّه من اغفه ،، اغفه باهمومي
من گبل يومه ،، ريته حل يومي
الهضم بعده شفت
تمنيت وگلت
گبل يومه متت
الساكن انفاسي
@@@
امفارگه اصعب عليه من اذه العصره
لو يرد ليّه فداله ضلعي اوكسره
من تغسل بويه بالله ياعلي ابحسره
لا تجيبنها دخيلك طاري السطره
لا تجيبنه ،، طاري مسماري
لو يظل دمي ،، للحشر جاري
تره ما يحتمل
دمع عينه يهل
مصابه موسهل
الساكن انفاسي
@@@@@@
كلشي مفجوع المصابه وكل شي يبچي له
حتى وحي الله ابمصابه عزّه جبريله
وناصب القرآن ماتم نعيَّه ترتيله
مات تنزيله وإلهي يعين تأويله
ياعلي ابهيده ،، نزّله ابگبره
الارض تنحب ،، والسمه ابحسره
العرش يبچي ويحن
بچه له انس وجن
اذا فاطم تون
الساكن انفاسي
---------------------
ثامر بوجبارة الاحسائي
#لشهادة النبي الاعظم صلى الله عليه وآله وسلم
————————————-
صبري بالحزن ،، مابيه مفترض
واليفگد أبو ،، ما يلگه العوض
راح ،، راح ،، بويه ومايرد
راح ،، راح ،، بويه ومايرد
@@@
الابو الكله محنه بيش اعوضه
هل يحن اعليّه گلبه وآنه نبضه
هوّه كلي وآنه كله وبعضي بعضه
يرضه مني ينكسر دلّالي يرضه
وسفه تنطفي ،، شمعة دنيتي
وابگه بالحزن ،، انه ودمعتي
راح ،، راح ،، من عيني السعِد
راح ،، راح ،، بويه وما يرد
@@@
فتحت عيني وشفت عينه وسباني
ودفوة احضانه إلي حرزي وأماني
يگلي أمي وياخذ احساسي وحناني
يرضه بويه ابنيّته بعده تعاني
روحي ومهجتي ،، وآنه بضعته
والشم الهوه ،، ريتي ريّته
راح ،، راح ،، نسمات الورد
راح ،، راح ،، بويه وما يرد
@@@
ريته يمّي والدي بالدنيه يبگه
والله باضلوعي لون يبگه اشبگه
غصنه وما تبگه بيّه بعده ورگه
يعني اموت وأنكسر من عگبه حرگه
بويه ابدنيتي ،، أنوار وضوه
من غيره العمر ،، مابيه محتوه
راح ،، راح ،، واذاني البعد
راح ،، راح ،، بويه وما يرد
@@@
آنه من هسه احط ايدي اعله ضلعي
والبچي والنوح لين الموت طبعي
واقرا بالباب انكتب ( إهنا ) اوگعي
هنا هجوم الگوم عند الگوم شرعي
بويه بالهضم ،، بعده ابتلي
ويزَيد الاسه ،، لو أخذوا علي
راح ،، راح ،، نايم باللحد
راح ،، راح ،، بويه وما يرد
@@@
ادري حتى امن البواچي يمنعوني
من اهل دمع الحزن ما يرحموني
وابوسط داري ابحقد كلهم يجوني
وادري من ايد العبد تحمر عيوني
بالباب انعصر ،، واتهل دمعتي
ضلعي ينكسر ،، وابگه ابعلتي
راح ،، راح ،، من گوم الحقد
راح ،، راح بويه وما يرد
@@@
أدري أيامي عگب بويه گصيره
كلها أيام وأرد اشتم عبيره
التگيه وأشتكي له وكلي حيره
أخْبُرَه عن عيني واضلوعي الكسيره
بويه اهل الحقد ،، كسروا لي ضلع
عيني اتورمت ،، بس هلّت دمع
راح ،، راح ،، من بعده شعد
راح ،، راح ،، بويه ومايرد
———————————-
ثامر بوجبارة الأحسائي
ميمر لشهادة النبي الاكرم صلى الله عليه واله
——————
مات النبي ،، گومي انحبي ،، ابدمع الحزن يالكوثر
@@@@
مات النبي وگلب الطهر ذاب الها
زهره وبعد ما ينوصف ذابلها
هذا الدهر چم نايبه ذاب الها
وامسى العمر لوعه وجمر ناب الغدر يتكشر
@@@@
راح الأبو الچان ابگلب ياهلها
بالله عليها اتحننوا يا هلها
من بعد ابوها فاطمه ياهو الها
غيرك علي وانته الولي لا تنولي ياحيدر
@@@@
ياهو اللي جرّع فاطمه من مُرها
هاي الاعادي ياخلگ من مَرها ( أمرها )
گال احرگوا دار الهدى من مَرها
باب الطهر ظل يستعر نار وجمر يتوجّر
@@@@
ظيم الزمان ابكل حقد دار الها
هجموا عليها هالعدا دار الها
الكل الكواكب بالسمه درّ الها
تالي ابحقد ليها يرد بيد العبد تتنثر
@@@@
من هجمت ارجاس العدا ومارِدها
ماگام الچ حيدر علي وماردها
حبل الوصيّه مهجته ماردها
بعد العصر ،، صار الامر ،، ابحبل الصبر يتصبر
@@@@
يافاطمه طول البعد چاوِينه
يمته الزياره و الگبر چا وينه
لو يأذن الله للگبر چا ونّه
من يرتفع ،، لن ينسمع ،، صوت الضلع يتكسر
—————————————-
ثامر بوجبارة الأحسائي
تعليقات
إرسال تعليق