آخر أيام العمر - الملا محمد بوجبارة
آخر أيام العمر هاي
أمنية عندي يادنياي
يروح باب الزهرة وياي
وخل يدفنونا سوه
سيد الكون ،،، ولا نبي أوذي بالدنية بأذيتي
يالتسمعون ،،، وبكتاب الباري والعتره وصيتي
أعرف شلون ،،، شراحوا يلاقون بعدي أهل بيتي
تشوف العيون ،،، من أموتن تنقتل فاطمة بنيتي
ريت هالباب ،،،، بعدي ما تخلونه
ريت هالباب ،،، بمرقدي تدفنونه
الموت إجاني وعيني عالباب
شني أنظر هذا المصاب
فاطمة توقع ع التراب
،،،،،،،،،،،،،،
قبل ما موت ،،، استحضرت وآنه بخيالي انظر الصار
يجي طاغوت ،،، واعله باب الله ورسوله يشعل النار
لمنزلي يفوت ،،، يعصر الزهرة عصر يم عتبة الدار
واسمع الصوت ،،، يامحمد فاطمة صابوها بسمار
والزجية ،،، الرجس يحرق بابها
والزجية ،،، بس دخان احجابها
بقبري واصرخ بالمصيبة
هالله هالله بالحبيبة
جن اشوفنها غريبه
وجفها بالنار انشوه
،،،،،،
ياحزنها ،،، من اموت بفاطمة ما يرحم البين
يعلا ونها ،،، وجني اسمع ينكسر من عدها ضلعين
وبجفنها ،،، يضل اثر لمن يسطروها عله العين
يموت ابنها ،،، المحسن يذبحونه قبل الحسن وحسين
ويلي ويلي ،،، السطره فوق اعيونها
ويلي ويلي ،،، وسوط فوق امتونها
والرزيه تسلب ارواح
تنضرب بشعوب الرماح
فاطمة ما يوم ترتاح
وعالمتن سوط التوه
،،،،،،،،،
بقلبي نيران ،،،وجن شفت فاجعة بدروب المدينه
علي السلطان ،،، المو زلم وسفه بحبال امقيدينه
بصوت الأحزان ،،، خلفه تطلع فاطمة ولهه وحزينه
و ينخه سلمان ،،، ايقله رد لمنزلي بضعة نبينه
وبغيابي ،،، علي يعيش بغربه
وبغبابي ،، علي ايشيب قلبه
الوصي بعدي ايعيش مهموم
يظل جليس الدار مظلوم
وفاطمه ما تقدر تقوم
بقوه تشتم الهوه
،،،،،
هالزجيه ،،،، تموت بعدي والكسر محد يجبره
و للمنيه ،،، علي بالكوفه تطيح براسه طبره
بيارزيه ،،، الحسن جعده تخلي جبده وذره وذره
الغاضريه ،،، آه يحسين ومصابه وقطع نحره
حسين ضامي ،،، من القفه يذبحونه
حسين ضامي ،،، بحافر يسحقونه
لها الخبر الطم عله الراس
تنسبي زينب يهالناس
عالنهر مذبوح عباس
آه يا شيال اللوه
تمت
الشاعر
كرار الكربلائي
[ آخر أيام العمر ]
الملا #محمد_بوجبارة
كلمات #كرار_حسين_الكربلائي
استشهاد النبي الأعظم - صلوات الله عليه ١٤٤٠ هـ #حسينية_سيد_الشهداء - دولة الكويت
تعليقات
إرسال تعليق