📜 القصيدة: حبيبي اجاني
🎤 أداء: مسلم الوائلي
🖋 كلمات: قاسم رضا
~~~
حبيبي حسين حبيبي حسين
~~~
يمر خيالي بالضعن
وشوفه خالي للوطن .. يروح
وتجينه زينب يا حزن
گلبها يلهب والمتن .. ينوح
شگلها يا گلب واجتنه من يسر
بنات ابو الحسن سباهن الشمر
هظيمه يا علي تفرهد الخدر
ميت حبيبي وضعنه يروح
بين جروح غربه ودمع
متعمده يمه تروح الخيل
وترد حيل فوگ الضلع
~~~
حلم زماني ما رحت
حبيبي اجاني تأخرت .. عليه
دليلي ذايب والعمر
حبيبي غايب ينتظر .. يجيه
من اجاني بالحلم دليلي ما حمل
اتاني جيته يجينه لو رحل
نسانه لو بعد يرد هم بي امل
ليله اعله ليله الشوگ ايزيد
گلبي يريد لو بس نفس
ليله اعله ليله يذوب الحيل
وسهر ليل حاجيني بس
~~~~
حزن سباني لو احب
يوادم انه ينسلب .. هواي
المصيبه هيه هالدهر
حمل عليه ونكسر .. گفاي
سباني هالدهر جرح يلم جرح
الفگدته من امس اجاني عالرمح
حسافه يا گلب حبيبي منذبح
شيخ الهواشم ظل اهناك
ومتاناك مابي نفع
راح اليحس بزينب راح
فوگ ارماح آ يا فجع
~~~~
عله السبيه والخدر
حراره بيه تستعر .. لهيب
اجو خذوها بالدرب
صريع اخوها بالحرب .. غريب
كتبلي بالهوه جبيره هظمتي
احشم بغرب ونادي يخوتي
ولا بشر فزع سبتني محنتي
ما لاگت ولا راح اتلوگ
فوگ النوگ ضعنه انوله
هيه المصيبه الماله اخوان
ماكو انسان يتحمله
°°°°°°°°°°°°°°°°°°°°°°°°°°°°°°°°
معروفه العرب لو يحترگ بيت
عليه الناس تركض هم تطفي
بس ويانه عكسوها التقاليد
علينه الگوم اجو رادوا تره عيد
هيه المصيبه سبيه امس
راح الضعن وي وادم رجس
خويه وهظم ما ينحمل
درب الصحاري مو عدل
°°°°°°°°°°°°°°°°°°°°°°°°°°°°°°°°°°°°
قصيدة : حبيبي اجاني • أداء : #مسلم_الوائلي • كلمات : قاسم رضا • حسينية الإمام الرضا ع | 1444هـ • المكان | العراق - البصره - ابي الخصيب
تعليقات
إرسال تعليق