ابوذيات شهادة الرسول " ص"
..........
البـرية بنور طه من براها
يون أصل النبوة من براها
جروح الألم بعده من براها
ولا تبره جروح الفاطميه
.......
ثبـت هسه الألم بينه يجدنه
صدك ترحل تودعنه يجدنه
ويتامى خلافك العالم يجدنه
واه بكل وكت ننصب عزيه
........
العـقيلة تنسبي خلافـك يجدها
شمر حادي ضعن بيها يجدها
وبدواوين الغرب زينب يجدها
اليريد يشوف زينب وين هيه
........
النعم بيك أنت يالهادي يتمها
برحيلك سيدي الزهره يتمها
الوديعة تحـضر وياها يتمها
خديجه بالهضم تلكه الزجيه
........
حسن وحسين بغيابك من الهم
وتشاهد يا حزن بيهم من الهم
يريدونك طلب عدهم من الهم
ترد الهم يبويه بهل مسيه
.......
بألم ون الخلق ميت وحيها
محمد وادع ألزهره وحيها
جبريل بحزن يبجي وحيها
والله يعظم أجرج يالزجيه
........
أبأنين الشجن وينوح يانوح
ينوح الحزن هم بنوح يانوح
لحبـيب الله يـأدم نـوح يانوح
بمحـمد كوم وستقبل عـزيه
.......
أهل بيت النبي المعروف ياهم
خبر موت الرسول اليوم ياهم
ورحيله بيا هضم يا نوح ياهم
يحل بيها الحزن زهره الزجيه
.......
الك حزنت سمه الدنيه والأفلاك
الف حسره على فكدك والأفلاك
الك اللطم عـلى راسي والأفلاك
وأدورك بالنفس يابو الزجيه
........
عظمتك كل جبل راسي رسلها
وحـروفك بالرسل ربك رسلها
رسالات الوحي بنورك رسلها
العرف نورك عرف رب البريه
.......
عظيم ومحـد اليعـرف عظمتك
الوعـظ ما فاد ابامتـك عظمتك
لان كسرو يبو الزهره عظمتك
لمـن كسرو ضلع من الزجيه
........
يمولاي العرش صله بصلاتك
ولا واحد وصل عنده بصلاتك
يوصي الباري الوصل بصلاتك
النكًـر وصلك نكًـر رب البريه
.......
الشاعر
اياد الفرح التميمي
الاهك دز عليك اليوم ورداك
وذبل ورد الزجيه بعد ورداك
صدك سمك يأثر عليك ورداك
وتودع فاطمة هاي المسيه
.......
تودع فـاطمة الاهات بسمات
نزل ملك المنيه وات بسمات
محمد مايموت شلون بسمات
حته يعيش يم رب البريه
......
وحـته يعيـش والجـنه نعشها
الحـياة خلافه ما لازم نعشها
وحق الزهرة والشايل نعشها
نضل انـوح عالـراحت سبيه
.......
اخبارك للعرش وصلت وصيتك
كـعــدت اكبالك واسمع وصيتك
وسالتـك للدعاء كـتـلك وصيتك
يبوية وياك اخذ روحي سويه
.......
الك يبجي يبو الزهرة وحيها
وعليك ينوح كل ميت وحيها
دكـوم وسكت الزهرة وحيها
وبطلي النوح يبنيتي عليه
.......
بعد ماضل شفاعة الهم تقيهم
وفاطم بيش من هجـمو تقيهم
كسر ضلع وقتل محسن تقيهم
بيا تقوى كسر ضلع الزجيه
.......
الشاعر
اياد الفرح التميمي
استشهاد رسول الله ص.
اليوم عرش الله حزن.
اليوم عرش الله حزن وية البتول
على الدنيا العفة من بعد الرسول
* * * * * * * * * * * * * * *
اليوم عرش الله توشح بالسواد
صاح جبريل اوبچت سبع الشداد
عگبة حست باليتم كل العباد
وحيدر الكرار والزهرة ذهول
* * * * * * * * * * * * * * *
حيدر الكرار والزهرة ابنحيب
اتگلة يابو حسين ودعنة الحبيب
علي ايگلهة جرحة ابدا ما يطيب
راح والينة بعد شنهي نگول
* * * * * * * * * * * * * * *
راح والينة على الدنيا السلام
النور راح أو صارت الدنيا ظلام
امصابه ماينوصف يعجز بالكلام
يا مصيبة الحيرت كل العقول
* * * * * * * * * * * * * * *
يا مصيبة البچت الأرض أو سمه
نزلت الأملاك واست فاطمه
عظم الله اجرك علي حامي الحمه
راح راعي الدين والعز والأصول
* * * * * * * * * * * * * * *
راح راعي الدين وسفة أو حارسة
أشلون عالزهرة يمر هذا المسة
غاب اول نجم من أهل الكسة
إعليه بچت لفلاك والاربع فصول
* * * * * * * * * * * * * * *
إعليه بچت لفلاك والعالم حزن
اشلون أبو إبراهيم بالگاع اندفن
عگبه ضل وحيد حيدر للزمن
الفكد طه بعد بالدنيا اشينول
* * * * * * * * * * * * * * *
الفگد طه بعد بالدنيا شلة
اخلافة أبو الحسنين روحة امعلعلة
الوحي ضل حايرة دمعته هاملة
ايگول المن بعد لو ردت النزول
* * * * * * * * * * * * * * *
كلمات الشاعر والرادود عدي البصراوي
https://telegram.me/aabas78
قصائد لكل ايام محرم اشترك بالقناة
استشهاد الرسول (ص)
بويه كل دمعچ عليه لا تهلين
اول اهل البيت للجنه تروحين
ضلعچ بعدي ينصاب ضمي الحيل للباب
يبويه يبويه
****
ادري بويه اموادع الوالد اذيه
وادري تتمنين موتتنه سويه
كلها ايام وتجيني يالزچيه
شلون جيه وشايله انواع الرزيه
هسه لفراگي بچت عينچ يزهره
لكن بيوم التجيني اعليها سطره
يفتت گلبي لصواب ضمي الحيل للباب
يبويه يبويه
****
مو وكتها الونه يالزهره الحبيبه
مو مصيبه افراگي بس بابچ مصيبه
الگال اهجر حظر احچايه عصيبه
مات ابوها فاطمه وهسه غريبه
اي غريبه والصبر يبنيتي لازم
بابچ يحرگه وان موجوده فاطم
ادري وحاسب احساب ضمي الحيل للباب
****
الدنيه مُرّه واجهيها بدمعه مُرّه
چم مصيبه اتلوعچ والباري ادره
بابچ وبسمار والمحسن يزهره
وما يحظرچ حيدر وخانگته عبره
لا تندبينه تره عنده وصيه
بالصبر مچتوف حماي الحميه
تخونه كل الاصحاب ضمي الحيل للباب
يبويه يبويه
****
فوگ گبري فاطمه لا يعلى ونچ
ضمي حيلچ يالعزيزه وهذا حزنچ
هواي منچ دمع يطلب بويه ضلعچ
وتنترس هاي العبايه بفيض دمچ
صرخه من باب السمه راح استمعها
يا محمد فاطمه كسرو ضلعها
وانا بلحدي مرتاب ضمي الحيل للباب
يبويه يبويه
****
صبري ماهو بعيد يافطم لقانه
الله حظرلچ تره اوسع جنانه
انصب الضلعچ عزاء بنفسي انه
المجلسچ حتى العرش يبچي البچانه
السطرتچ والمحسن المذبوح ننعه
وكل نهر بالجنه بويه انترسه دمعه
يخلص هذا المصاب ضمي الحيل للباب
يبويه يبويه
****
الشاعر اياد الديراوي
https://telegram.me/aabas78
قصائد لكل ايام محرم اشترك بالقناة
قصيده سريعه ستشهاد الرسول محمد .ص.
يـامـحـمـد يـامـحـمـد
من متت صار انقلاب
~~~~~~~~~~~~~
گعدوا ابفي الـسقيفــه_ردت الزمره الـسخيفه
نصبــوا همــه خـليفــه_ مـو علي شيخ الـكفر
ندري نفسه مو عفيفـه_جمــع قـرآنـك بكيفــه
بيد وصخه مو نضيفه_بيـــد ثالـــوث الـغَــدر
مـن علينـه اخـذ عيفه_ضرب بالضربه العنيفه
شطـر بالاسـلام سيفه_گــال اكفــرو مـاصبــر
مـاكـو جنه ماكو جنه
هنـاك لانـار وحســاب
~~~~~~~~~~~~~
سلبــوا ارض الـزجيـه_فـدك شي منـك هديـه
ابلايه دعوه ولاقضيه_گالـــوا اتــرد للـســلام
دفعــوا الــباب بمنيــه_انكسـر ضلع الفاطميـه
طاح محسن عالوطيه_ مـن علي هـذه انتقام
واَنـت بــونــه شجيــه_بـويـه مـاتلحگ عليــه
علي مگيـد بالـوصيــه_چـاحكـم بيهـم عــدام
طـاح ابنهـه طاح ابنـه
و سبب عصرت الباب
~~~~~~~~~~~~~
صــار بـدنيـه الــعجايـب_الـــمره گامـت تحـارب
جمعـت افــواج وكتايـب_يــوم رگبـت عـالـجمـل
وياهـه زمـره منالـعگارب_بلايه حق گامت تطالب
ســوت بحيدر مصـــايب_علي شكـد منهه حتمل
حشدت شاب ويه شايب_بيهـه رس منالـنواصب
علـي مـايگـــدر يحــارب_هـاي نطفـه مـنـالــنـذل
مثل ابوهه مثل ابوهه
لافصـاحـه ولاخطــاب
~~~~~~~~~~~~~
علي ويَّه الكـوم صابر _من الشته للصيف ناطر
گالــوا احنـه مانخاطر _قاتــــل انتـــه يـاعلــي
حاوطوه باربع محاور _بالـخـدر كامـت تنـاور
أبن ملجم راسـه طابر _علـي بيهـــم مـبتلـــي
الـمسلم ابلايـه مناصر _ماعرف شنهي الصاير
علي يشتم عـالــمنابـر _رغــم مـاعـرفـوا ولـي
نســــوا حيدر نســــوا
حيدر القلع الهم الباب
~~~~~~~~~~~~~
✍حيدر الشغانبي
https://telegram.me/aabas78
قصائد لكل ايام محرم اشترك بالقناة
نزل دمعي المدرار ..
على مشكاة الانوار ..
نبي الله المختار ..
سيدي .. سيدي
...................
يظل ليله ونهاره ..
يصب دمعي بغزاره ..
على المن عنده دين الله ابتدت اول شراره ..
ألك ناذر سنيني ..
يحلمي ويايقيني ..
انه بيوم الحشر يالمصطفى أنتظرك تجيني..
يمنبع للاسلام ..
بمدينه وبارض الشام ..
قست بينه الايام ..
سيدي .. سيدي
..........................
ينور الله وجماله ..
نبي من أشرف سلاله..
الوحي لمن أجاك أقرأ محمد هالرساله ..
لمس بيدك أمانه..
يمنهاج الديانه ..
أكيد حتى الوحي كبّررفع صوته بأذانه ..
الحمام الوسط الغار ..
فرش جنحه وما طار ..
وحماك من الاشرار ..
سيدي .. سيدي
.........................
شفت اروع بطوله ..
بحبيب الله ورسوله ..
أكيد من اذكر اسمك ينذكر معنى الرجوله ..
يدين الله وكتابه ..
رغم غدر الصحابه ..
على دارك لمن هجمو بجت حتى الخرابه ..
انه اعرف صبرك زين ..
الغرف من عنده حسين ..
وعليكم تبجي العين ..
سيدي .. سيدي
........................
بصفر حزني وسوادي ..
على فراكك يهادي ..
تره حبك وسط روحي ويظل ساكن فؤادي ..
اريد ابجي بمناحه ..
وابد ماكو أستراحه ..
على العلمّنه منهاج الامانه والسماحه ..
تظل لكل انسان ..
نموذج للاديان ..
لأن انت العنوان ..
سيدي .. سيدي
.....................
نقيم مجلس وفاتك ..
يطاهه الطيبه ذاتك ..
ابد ماكو بشر ياسيدي شايل صفاتك ..
شعظم هاي الرزيه ..
يبو الزهره الزجيه..
عليك ألبس سواد ياسيدي الحد المنيه ..
اظل للموت انعاك ..
وابد مالحظه أنساك ..
صعب كلش فركاك ..
سيدي .. سيدي
.............................
حيدر مطر العبادي
https://telegram.me/aabas78
قصائد لكل ايام محرم اشترك بالقناة
قصيدة لستشهاد النبي محمد صلى الله عليه وآله وسلم
....
مااحس طعم الدفو
اله بحضان الابو
جروحي من بعدك عدو
من غيابك من غيابك
*
الابو خيمه ويفيي على بيته
ولي فاكد والده الدمعه هويته
الجرح يلجم بالجرح من فاركيته
ضيعت طعم الفرح من ضيعيته
جرح مايشبه جرح
وردة ومضيعه صبح
بعدك يحنلي منو
من غيابك من غيابك
*
الي احباب اشكثر صرت افتقدهم
اختنگ واشتاگن لشمت عطرهم
بكل حياتي والله ماالگه مثلهم
الدنية ماتت من شفت ذابل وردهم
روحي حنت رادته
مات كلشي بموتته
بعد ماضل شي حلو
من غيابك من غيابك
*
وردة ومضيعه ضواها فاركوها
الليله بياحال تصبح ام ابوها
كاعده اعله الباب تبجي شاهدوها
يامحمد جنت امها وجنت ابوها
فكدت جفوف العطف
دمع فاطم مايجف
صبح بس حيدر كفو
من غيابك من غيابك
*
حيدر يشيع على ضهره الشمس
حته افلاك السمه دارت عكس
يفوح عطر الحزن كل جره نفس
فاطمه باليتم هاليله تحس
امن السمه طاح النجم
فاطمه الليله بيتم
الدنيه متغيره شكو
*
علي محسن الفرطوسي
https://telegram.me/aabas78
قصائد لكل ايام محرم اشترك بالقناة
لا تسافر -- بويه وتخليني
لاتسافر - وانته كل اسنيني
والله اموت ابلا ضواك ▪▪ ورده واحتاج الهواك
بويه بويه
- - - - - - - - - - - - - - - - - - - - - - - - - - - -
1 ) يلي ماشي ---- ابعيد عني --- والله بفراكك دمع يشبك دمع
حال شمعه - اكليبي بعدك -- ونار هجرك تأكل ابروح الشمع
من عفتني -- يامحمد --- دنيتي ابفكدك احس كسرت ضلع
يلي رايح - - وين اروحن ---- وانته تعرف بويه بعدك انفجع
☆ اه يروحي - ابياوكت نتلاكه ▪ اه يروحي - والله الك مشتاكه
كلبي ظل يركض وراك ▪▪▪ ورده واحتاج الضواك
بويه بويه
- - - - - - - - - - - - - - - - - - - - - - - - - - - -
2 ) ابعيني ظلمه - الدنيه صارت --- والجروح امرادف ابهذا القهر
ياغلاتك - تدري عندي -- ومن غبت بين على اجفوني السهر
بويه ارجع - كمت اصيحن - الخاطر اعيوني الصفت بعدك نهر
ابغربه روحي - جنها ظلت - اوجن أعيش ابغيبتك بويه ابخطر
☆ بلكي ترجع - حتى تغفه اجروحي ▪ بلكي ترجع - يااعز من روحي
الدنيه تذبحني ابجفاك ▪▪▪ ورده واحتاج الهواك
بويه بويه
- - - - - - - - - - - - - - - - - - - - - - - - - - - -
3 ) أمن البواجي --- بيه تدري ---- فارك اعيوني أو رحل عنها الضوه
يالعفتني --- أنفاسي ضاكت---- والهوه ابغيرك فلا جنه هوه
أمنيتي اسمع ---- هسه صوتك ------ واسمع احجاياتك الجانت دوه
أنه ورده ---- أومن ربيعك ----- غصني يابويه احس توه ارتوه
☆ ماتردلي -- اوتسمع احجاياتي ▪▪ ماتردلي -- ماغفت حسراتي
اعيوني متفارك كفاك ▪▪▪ ورده واحتاج الهواك
بويه بويه
- - - - - - - - - - - - - - - - - - - - - - - - - - - -
4 ) امنيتي بويه -- ابداري اشوفك --- واحجي وياك أو اسولف عالجرح
الماتركني ---- اوكام يكبر ----- اومايخلي اجفوني تطبك للصبح
أومن اصيحن ----- اه يغالي ----- ايكوم يطعني مثل طعن الرمح
وين اروحن ---- واشكي حالي ---- بويه مثلك بالأرض ماظن يصح
☆ يمته اشوفك - يلي ساكن بالي ▪▪ يمته اشوفك - وانته تدري ابحالي
صعبه أعيش ابلا سماك ▪▪ ورده واحتاج الهواك
بويه بويه
- - - - - - - - - - - - - - - - - - - - - - - - - - - -
5 ) بيه حركه -- اتهد رواسي --- أمن الحزن بكليبي يالغالي انشتل
وحشه دارك --- من عفتها --- اوجفني بفراكك يبو الغيره ذبل
شرد اوصف --- حالي بعدك --- والحزن من شاف دمعاتي خجل
اشسوه دهري --- ابليل هجرك --- وبرحيلك بيه يالغالي اشعمل
☆ كلمه عندي -- اوحكي من احجيها ▪ كلمه عندي -- ابروحي ماخليها
الدنيه ابجيها ابعزاك ▪ ورده واحتاج الهواك
بويه بويه
- - - - - - - - - - - - - - - - - - - - - - - - - - -
خادم أهل البيت - أبو أحمد المجراوي
https://telegram.me/aabas78
قصائد لكل ايام محرم اشترك بالقناة
من تسـد عينك ترحل اسنينـك محمـد
الأجــــل قــادم أرحــم بفاطـــم محمـد
1
ليلــة أوداعـــك محمـــد غـيبتـــك هـَــل ليلة
حتى عرش الله أعله فكدك سيدي أنهد حيلة
جـم ملك مكسـور جنحـه دمـع عينـه أيسيله
تنحـــب الحـــال الـزجيـــة والعلـــي والعيله
يا أبــو العتــرة فاطمة بحسرة محمـد
الأجــــل قــادم أرحــم بفاطــم محمـد
2
لا تسـد عينــك وترحــل والحــزن يلفيهــا
يامحمـد هــاي فاطــم منهــو عكبـك ليهــا
تـدري باجـر بـاب دارك يدفعـونه أعليهــا
والنــذل يلطــم وجههـا والبصــر يعميهــا
تبجــي يالوالـد تشكي من حاقد محمـد
الأجــــل قــادم أرحــــم بفاطــم محمـد
3
يافقيـد الأمـة بُعـدك بيـنـه أصبــح واضـح
خالـي هليلـة مكـانـك والله هجــرك جـارح
فاطمة أتصبّح بنورك هسه بيش اتصابـح
إحساسك أينادي الحبيبة آنـه عنـج رايـح
مـا إلك رجعــة بعينــك الدمعــة محمـد
الأجــــل قــادم أرحــــم بفاطــم محمـد
4
لليتامـة أنـت خيمــة شلــون راح أتسافــر
فـاطمــة أول يتيمـــة يــالنـويــت أتهاجــر
هـذا أمـر البـاري هـذا وأنـت قلبـك صابـر
روحتك مابيها رجعة بينـه كسـرت خاطـر
كل محب همـه يانبــي الرحمـة محمـد
الأجــــل قــادم أرحــــم بفاطــم محمـد
5
الدنيـا ماترحـم بـدونـك كلشـي بيهـا أتغيـر
فاطمة غصبوا فـدكها وحتـى طبروا حيـدر
الحسـن سمـوا جبدته أو مثـل أُمــه أتحيـر
والحسين انقطع راسـه وجسمه كله اتوذر
منقطـع رأسـه والشمــر داسـه محمـد
الأجــــل قــادم أرحــــم بفاطــم محمـد
6
بوكعت المحسن محمـد باجـر أيهضمونك
وبسبايا الطف هضيمة بقبـرك أيروعونك
لاتغـــــادر للمنيـــــة لا تغمــــض أعيونك
أرجـع وأتــرك منيتـــك هوايـة يحتاجونك
لو مشت روحك تكثــر جـروحك محمــد
الأجــــل قــادم أرحــــم بفاطــم محمــد
الشطرة
#امجـــد صاحـــب الشطــــري
https://telegram.me/aabas78
قصائد لكل ايام محرم اشترك بالقناة
يامحمد يارسول الله وحبيبه.. جم رزية الشاهدتها شكم مصيبة
الوداع الوداع ..يارسول الله الوداع
&&&&&&&&
منين محسوبه الرزايا لو نعدها
وياهي النكول البداية لو مهدها
هوايه من كبل النبوة ومن بعدها
وكل مصيبة تزلزل الدنيا لوحدها
&&&&شلون روحك تحتمل هاية عجيبة
****
حجاية بلسان النبوة من گلتها
مانبي شاف الاذية اللي شفتها
الأمة تطلع من جهلها انت ردتها
وعدتك شر وانت خيرك واعدتها
&&&& وامتك يالهادي حالتها غريبة
بحاضرك تعلم وياها شگد تعذبك
وانت بالرحمة عليها تدعي ربك
تعرفك الصادق ومن تحجي تكذبك
تحاصرك وانت بشِعب مقفر تغربك
&&&&وابوطالب كافلك همه نصيبه
من بعد عمك خديجة انطت عمرها
وهيه عونك للرسالة انطت ذخرها
بمالها وسيفك التطلب بيه نصرها
بس علي الجابه قريش بكل كفرها
&&&&وعلي عونك انت بيام العصيبة
*
واجهتك حرب من داخل فضيعة
بظاهر اسلام ودواخلها خديعة
وحتى لونفرض تجيك تأدي بيعة
بكل كلامك تعرف انت ماتطيعه
&&&&&جانوا اصحاب وفعايلهم مريبة
***
بالسقيفة خططوا منهج حكمهم
لانبوة ولاوصية اللي تهمهم
على فراش الموت انت وهمه همهم
الخلافة تصير المن من ربعهم
&&&&وگالو الفرصة بتناولهم قريبة
*
غايب و شاهد تراقب كلشي يجره
من مصايب على الدين وعلى العتره
اليجري عالزهرة وعلى حيدر وطبره
والحسن جبده وحسين وگطع نحره
&&&&&وللطفوف وللسبي قصة رهيبة
# محمد العبّودي#ابوجعفر
https://telegram.me/aabas78
قصائد لكل ايام محرم اشترك بالقناة
حصريا قناة قصائد حسينه مكتوبه
((فگــــد ابــو الزهره نبينـــــه ))
نشتكــي يمــــــك اجينـــــه -- ياعلــــــــــي
فگــــد ابــو الزهره نبينـــــه -- ياعلــــــــــي
بفگـــــده الاســـــلام أنثلـــــم -- رجعــوا اصحاب الصنــم
ياعلــــــــــــــــي
*******************
الشمــس تبجـــي وضواهـــا دمــوع عالامــــــه
عگــب عيــن النبـــي كلشـــي صبـح ضلمـــه
الحـــــزن مثـــــل الــهوه بالرايــــــه نشتمـــــه
والرحمــــه افگـــــدت عنوانهـــــــا الرحمـــــه
علـــــن جبريــــل البدايـــــه -- ياعلـــــــــي
للـحزن ماكـــــــو نهايــــــه -- ياعلــــــــــي
نكــروا النــــون وقلـــــم -- رجعوا أصحـــاب الصنــــم
ياعلـــــــــــــــــــي
**************************
مصيبــــه اعلـــه المصيبه صـــارت بفگــده
حقـــك مـــن خــذوه ونتـــه جنـــت عنــــده
نصبـــوا مؤتمر ضــــدك علــــي وضـــــده
أنقـــلاب اعلــــه النبـــي وحضرولك العـده
بـــده قانـــون السقيفـــــه -- ياعلـــــــــي
نصبـــــوا أول خليفـــــــه -- ياعلــــــــــي
للظلــــــــم رفعــــوا علــم -- رجعوا أصحـــاب الصنــــم
ياعلـــــــــــــــــي
****************************
برحيـــل الهـــادي رادوا دينــه هم يرحــل
نكـــــروا للرسالـــــه وللوحــــي الــــمنزل
عرفــــوا بيــــك قران النبـــــــي ترتــــــــل
ضــــدك خرجوا بيــــــوم الجمــــل مجمـــل
الزمــــــن شاهـــــد عليهــــــم -- ياعلـــــــــي
الصـــار بالامـــه مــن اديهـــم -- ياعلــــــــــي
صابــــــوا الديـــــن بسهـــــم -- رجعوا أصحـــاب الصنــــم
ياعلــــــــــــــــــــــي
********************************
ضــــد شيعــــة مُحمـــد شرّعــوا قانــــون
للخطبــــه الوداعيــــه بحقــــد يلغــــــــون
للــــــي والتــــــــك ياحيــــــدر يكفــــرون
مـــــن يـــــوم السقيفـــه وداعش يذبحون
وبرحيـــــل النبــــي الهـــــادي -- ياعلــــــــــــي
شيعتـــــك كلهــــــــا تنــــــادي -- ياعلـــــــــــي
نعـــــــم ياحيـــــدر نعـــــــم -- رجعوا أصحـــاب الصنــــم
ياعلــــــــــــــــــــــي
***************************
عليـــــك ايــــام مــــرن هســـه بينــه تمُـــــر
مثـــل ماانتـــه أحنـــه اليــوم ضكنــه المُـــــر
الزمــــن نفــس الزمــــن بذيالـــة رد يجـــــر
ثدي النايبــه اعلــه الشيعـــه مـــــوت يــــدر
كــل مصيبـــه تمـــر علينــــه -- ياعلـــــــــــــــي
نعتنيــــــــــلك ياولينـــــــــــــه -- ياعلـــــــــــــي
كلشـــــي منهــــم مــــا سلــــــم -- رجعوا أصحـــاب الصنــــم
ياعلــــــــــــــــــي
********************************
أحفـــــاد السقيفـــــه ألشيخهـــه ابــــــن اسعـــــود
برايـــــــــــات الدواعــــــش ردتنـــــــــــــه اردود
يساندهـا علينــه بكـــــــــل حقــــــــد مسعـــــــــود
مــــــــا الهـــــا بعـــــــد خالــــــيضهر المـــــوعود
لـــــو ضهــــر مهدينــــه الهـــــم -- ياعلـــــــــــي
تنكســــر رايـــــــــة حقدهـــــــم -- ياعلـــــــــــي
نصــــرخ الصرخــــه بالــــــم -- رجعوا أصحـــاب الصنــــم
ياعلـــــــــــــــــي
*************************
الشاعر
السيد كريم دانه الاعرجي
https://telegram.me/aabas78
قصائد لكل ايام محرم اشترك بالقناة
الزهراء (ع) بعد فراق ابيها
_
فرقت عشرة عمر ليش يتراب الكبر
عافني الغالي ورحل
هوة الابو مثل الهوة واول هوة شميتة
لو لحضة عني يبتعد يموت الحنان ابيتة
من شفتة ناوي اعلة الهجر بنضرة فكد حاجيتة
عايفها المن فاطمة ماجاوب وبجيتة
ميت بروحي الصبر ليش يتراب الكبر
عافني الغالي ورحل
ليل الحزن اذة الكلب وصوت المدامع عالي
الفارك ابو يهوة السهر جلمة وتعيش ابالي
برمشة وحلم اه يالكبر تركض تدور الغالي
ردنة سوية نندفن وخابت جميع امالي
صعبة اتحمل هجر ليش يتراب الكبر
عافني الغالي ورحل
من والدي ذكرة بقت شبكة ومدامع هجرة
راح اغفة بس اعلة الجرح واصحة بونين وحسرة
شنسة يكبرة تحيرت وجانت طويلة العشرة
عشرتنة حلوة وللأسف فركتنة جانت مرة
يسعر بكلبي الجمر ليش يتراب الكبر
عافني الغالي ورحل
قصة ابو وبنتة عشت وهجرة فلا بحسابي
اذكر يجي لبيتي ويضل واكف يدك ابابي
بعدة احس يبدي الالم ويبدي عذاب مصابي
تلجمي سالوفة ضلع ويجلمني ليل عتابي
جروح الفراك اشكثر ليش يتراب الكبر
عافني الغالي ورحل
بيت الحزن من ينبني تبدي المدامع تكثر
عن فاطمة وين الابو بليل اليتم مايحضر
كلبي انكسر مدري الضلع بيش الكلب يتصبر
حتة علي ابخفية يون ياذي الهجر وتحير
كلبي مايقبل عذر ليش يتراب الكبر
عافني الغالي ورحل
ارجعلي ليلة ومن ترد انسة الحزن وعيونك
احضني خل اشتم دفو وخل اغفة فوك متونك
انسة الحجي وابدي اسألك يابوية كلي شلونك
عمري فلا اسمة عمر يالمصطفى من دونك
صعبة واعرف ماتمر ليش يتراب الكبر
عافني الغالي ورحل
__
سيد معتز الحسيني
https://telegram.me/aabas78
قصائد لكل ايام محرم اشترك بالقناة
بالسمه صار النحيب
يارسول الله الحبيب
......استأذن الموت اعتناك
هذا وعد الله قريب
*******************
انت ايه من الجليل يا رسول الامين
الله راحمنه برسول وجهه قران المبين
اية القربى تنوح عليك ملهوفه السنين
الموت بعتابك اجاك استأذن عليك بأنين
ضجه صارت بالسماء
تنتظر اجمل القاء
.........مرحبه تنادي الرسول
يصعب علينه المغيب
********************
البيت يم بابك ينوح زمزم عليك وحراء
ذوله جوك المشركين الغار ينسجلك رداء
خاف ينصاب الرسول شكد تحمل من جفاء
العنكبوت انسج يحوم لنبي يبدي الوفاء
اذو اهوايه الرسول
يحترك بيت البتول
........بعد ابوها المصطفى
ياجرح تحمل عجيب
*******************
للرسول ابدي الكلام لساني يتوضه
ويكول
انحني لسمه احترام لوردت اقره الرسول
شفته جبريل اعتناك يخدم الزهره
البتول
دنك ... وسلم عليك اخر وداع النزول
انت للامه سلام
ليله يم بابك ينام
....هاي نسمات الرسول
انت للعله طبيب
********************
هبط جبريل الامين يارسول الله
الوداع
امتك بعدك تضيع بين افات الضياع
تيهت وين
تعليقات
إرسال تعليق