وصلنا الشام | مسلم الوائلي | مضيف سلطان بني هاشم | 1444هـ
📜 القصيدة: وصلنه الشام
🎤 أداء: مسلم الوائلي
🖋 كلمات: قاسم رضا
~~~
حسين يا خويه .. حسين يا خويه
~~~~
يا رايحين الروح مهدوده
شيعود خدري الراح شيعوده
يا تجوتي بلا حيل عفتوني
ويا وگفت الخوان مريوده
دهري ما عافاني
من مشوا خواني
كسروا الزينب گلب
والله ونخيت الناگه
رايحه بلا رايه
والشماته هوايه
گصري يا ناگه الدرب
عن زينب المشتاگه
وصلنه الشام آه يالشام
ما ينحمل طاريها
يريت موسده بگبري
ولا طبيت واديها
يخويه يگصر لساني
عله اهوال الشفت بيها
~~~~
يا رايحين الروح ملجومه
رديت بس رديت مهضومه
طول الدرب ما فكر بروحي
ظل بالي يم حسين وهدومه
انه اخت حيرانه
مدوهنه وتعبانه
ركضت وشبعت ركض
بس الركض ما جابه
الماي اذا مر بالها
يحني طول اخيالها
تذكر الطاح وكسر
ظهر الحسين غيابه
خويه والخرابه شلون
اوصفلك مصايبها
مهدومه وبلايه فراش
نتوسد ترايبها
وماتت فاطمه بيها
ومحد من گرايبها
~~~~
المثلي بعراضه يصير ملگاها
ومن تمشي تمشي اخوانها وياها
بس اختك بلياك مشوها
ماخوذه گوه وطال ممشاها
من التعب كبرانه
شبعوها متانه
دورت عن الگمر
مارد گمرها العالي
الوادم محيريها
ردت الواليها
الله لا ينطي السبي
الخلاهن بلا والي
طاحت من عله الناگه
وتبعتها خوات حسين
تتعثر وهي تنادي
يخويه حسين گبرگ وين
جيتك باليتامه اگعد
تلگانه ينور العين
~~~~
رديت يم گبور خواني
محد گعدلي وگام لاگاني
هواي اربعين وگلبي لاجمني
هم يله تگعدون هاي اني
انه اختكم حايره
عالطوايف دايره
جيت اريد اشكي الحزن
وارتاح يمكم ساعه
ساعه بس گومولي
عالدلال احجولي
لا تذكروني بمصاب
العاشر وبوداعه
يبو السجاد ما تنهض
هالعيله وصلت بيها
محفوظه كرامتها
دوم محافظه عليها
درب وعره تره وغربه
خويه من يقاسيها
°°°°°°°°°°°°°°°°°°°°°°°°°°°°°°°°°°°°
قصيدة : وصلنا الشام • أداء : #مسلم_الوائلي • كلمات : قــاسم رضــا • مضيف سلطان بني هاشم | 1444هـ • المكان | العراق - ذي قار - البطحاء
تعليقات
إرسال تعليق