📜 قصيدة : ياهاشمي وبدوي
🎤 الرادود : مجتبى الكعبي
🖋 الشاعر : سيد حيدر الصافي
~
ياابا الفضل ياسيدي
~~
ياول زلمه مكطوعه جفوفه ومايرد جف
اليريد يكتبك يخلص كبل قلمه الفكر
سلف صالح والك رايه هسه بكل سلف
يمن حته بمناراتك اشاره للنصر
منادم .. المثلك من اسولفله .. منادم
منادم .. يلمخلي الارض حمره .. منادم
منادم .. بس عباس سوه الله .. من ادم
واحد ونولد للغاضريه
دخيله ودخيل امه .. اية الله العضمى
العاشك كمر هاشم .. يعبر شكو ضلمه
~~~
قلع خيبر ابوك وانته قالعهه الزلم
تصعدله زلم والله ينزلك مطر
ابو فاضل يمن فضلك توزعه عالنجم
يالمنكع بالحسين شيهمك يانهر
بالشاط .. لأن كضه عمر بالضلم .. بالشاط
بالشاط ..الخصم تيه طريقه منين .. بالشاط
بالشاط .. العنده حسين مايقتنع .. بالشاط
وابو فاضل منكع بالخويه
ياهاشمي وبدوي .. ناس وارض تطوي
مثل الشمس عباس .. وجه وضهر يطوي
~~~
يزارع بيهم الخشيه بمن لايختشي
ايا اول كمر ماينتهي بطلعة فجر
الخلك شبعت ركض منك يسابكهم مشي
العذب من يومك لهسه يبيعونه بسعر
ضهره .. ربك بيك راد الحيل .. ضهره
ضهره .. يالمراوي العدو نجمات .. ضهره
ضهره .. مو بس وجه للعباس .. ضهره
يكتل غير ابن حامي الحميه
يامعجب الاعجب .. حيل الله ماتتعب
ماعايز الترتيب .. من ربك مرتب
°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق