ليالي الجروح | الملا محمد باقر الخاقاني - كلمات مكتوبة _هيئة الحسن المجتبى -العراق- الديوانية - محرم ١٤٤٤ هـ
ليالي الجروح | الملا محمد باقر الخاقاني - هيئة الحسن المجتبى -العراق- الديوانية - محرم ١٤٤٤ هـ
محمد باقر الخاقاني / Mohamad Baqer Alkhaqani
ليالي الجرح رزقي بالدمع ما ينكطع نحيبي
وسحابة هظم تمرني
فطرتي. البجت. والكلب يون ناعي الحزن حبيبي
وغربته وجع كسرني
ياليالي الجروح هلي. واريد بمصاب خلي
اضج بالنحيب
اعيش انعى لخيام ڰلبه.. وعلى اسمه اليفوح غربه
واموتن غريب
امير الخدم اميري..وكعبة الشيم حسين
ونعم الامير
يعتني الالم واسمعه.. بعتبة الخيم ينادي
الا من مجير
ليالي الجروح..مشت بيه وين
اضجن وانوح حبيبي حسين
**********************
الا ياجرح عاشر الظما.. يافاطمه ارد انادي
وابتدي باسمها نوحي
علي تلتفت وانا باللطم.. جمرة هظم بديها
تحطها بوسط جروحي
وانا منطي مولاي كلمه.. ماعيشن بغير خدمه
وادور رضاه
بخدمته ادعي يزيد حضي.. ابواجي يدوم نبضي
واعيش بهواه
طويل الدرب.. يريد الگلبه يدي حب
مروؤه وعلى الطف غيور
حبيب الگلب سمحلي.. بهالعزاء اطب مواسي
ورغم كل قصور
للانطاني روح.. والانطاني عين
اضجن وانوح.. حبيبي حسين
حبيبي حسين....حبيبي حسين
****************
ليالي الجرح منبع الشيم.. عند الخدم عقيده
الدمع لليحب طهاره
محزمه لعزاء صاحب الفضل.. الماكو مثل حنانه
أله بكل گلب شراره
بلا حبه الحياه صحره.. اليحبه گصير عمره
صفنته تطول
وبغرامه الجروح ولهى.. وفدائه العيون كلها
حبيب البتول
تحير الجمل بجماله.. وناظري انشغل بعيونه
عليها السلام
طويل الامل برحمته.. وادري بيه قبل خدمتي
ودموع الغرام
اجيله واروح وامدله الايدين
اضجن وانوح حبيبي حسين
حبيبي حسين حبيبي حسين
*********************
ليالي الجرح مهبط النعي.. وي مدمعي اشوفه
بغربته وصحت ياظامي
لخدمته انتمي وللبجي استعد.. ماابتعد واعوفه
غريب الوطن امامي
ياليالي الجروح زيدي.. على المايعوف ايدي
يحقلي العويل
ارد اذوب بهواه واتعب.. عليه ابجي دوم وانحب
واصيحن دخيل
اسير العده يصير..وجرحه ضاهده ياويلي
شعظم هالمصاب
بعيد الصده ونينه..بهيمه وحده وجروحه
لجمها التراب
وقميصه يلوح بسما الخافقين
واضجن وانوح حبيبي حسين
حبيبي حسين.. حبيبي حسين
الشاعر احمد الهلباوي
أسألكم الفاتحة والدعاء لروح المرحوم والدي
ليالي الجروح أداء: الملا #محمد_باقر_الخاقاني كلمات: الشاعر #أحمد_الهلباوي الذاكر: السيد مهدي البكاء مجالس ليالي شهر محرم الحرام لسنة 1444 هـ - 2022 م مجالس ليالي العشرة الأولى من شهر المحرم عزاء هيئة الحسن المجتبى عليه السلام - العراق - الديوانية مونتاج: سجاد محسن إخراج: علي رائد مكساج: أحمد البرمكي توزيع: أحمد حليبد مخطوطة: عباس رمضان غلاف: ميرزا محمد جواد تنفيذ: الطفوف ميديا للانتاج الحسيني النشر الشبكي: علاء بركات العاملي اللَّهُمَّ عَجِّلْ لِوَلِيِّكَ الفَرَج جميع الحقوق محفوظة للقناة الرسمية للرادود الحسيني الملا محمد باقر الخاقاني على اليوتيوب
تعليقات
إرسال تعليق