اداء والحان الرادود حيدر البياتي النجفي
كلمات الشاعر مصطفى العيساوي
الى الله سفره الى الله
حسيناه بدمنه حسيناه
مشيناه دربك مشيناه
الى الله الى الله
القارات السبعه ضجت
والكربلاء حسين حجت
الى الله الى الله
شراع السفينه.. يمشي بينه.. الكربله راح
اعله باب المدينه.. سر لگينه.. ملتقى ارواح
سألنه الكره الارضيه.. منو اهل العزوبيه
الزياره الاربعينيه.. تگول الشاهد
عراق حسين مد سفره.. من الموصل الى البصره
لحد ماتوصل الحضره.. عراقك واحد
الحسين جننه الحسين.. عناوين حبنه عناوين
مجانين اعقل مجانين.. بالحسين
نار الكرم للضيف وجّت.. والكربلاء حسين حجّت
الى الله.. الى الله
****************
علمنه بدينه.. ومن بدينه.. نعرف منين
يموسم عشگنه.. بيه حصدنه.. خير الحسين
زرعنه بكل شبر رايه.. حصدنه اجيال مشايه
قليله كلمة هوايه.. قليله هوايه
الحسبنه تتعب عيونه.. مطر مو بشر شافونه
عجيبه شلون حسبونه.. مطر مشايه
شيحسبون خلهم يحسبون ..يزيدون ربعك يزيدون
يتعبون والله يتعبون..شيحسبون
ريح العشگ بالكون عجّت.. والكربلاء حسين حجت
الى الله.. الى الله
*****************
تشوف المواكب.. عدها واجب.. تخدم الجاي
ويگلوله فدوه.. اهديلنه خطوه.. وانته مشاي
ابو الموكب دعه هوايه ..يرب ارزقني مشايه
يكض بالشايل الرايه.. ويبوسه بجدمه
العجائب سبعه ندريها.. خدمتك زادت اعليها
السبعه اتعجبت بيها.. عجيبه الخدمه
اليخدمون كشخه اليخدمون.. ينادون حيهم ينادون
يسهرون لاجلك يسهرون.. اليخدمون
هاي الخدم جم عين بجّت.. والكربلاء حسين حجت
الى الله.. الى الله
*************
اجت كل هويه صابئيه والمسيحين
تشوف الطوائف بالمواقف تعشگ حسين
تره الازديه والسنه..مشي لحسين تتعنه
تشوف بكربله الجنه
يسيد الجنه
يمجنن بني آدم.. حسين موحد العالم جف للذله ما سالم
الك نتعنه
ديانات تزورك ديانات.. كرامات شافت كرامات
رسالات بدمك رسالات..ديانات
جم طائفه بحبك احتجت.. والكربلاء حسين حجت
الى الله.. الى الله
***************
وبيوم اربعينك.. جف يمينك ينطي للناس
البيرغ يعگده.. العنده شده عنده عباس
المريض ابابه يتعافه.. والاعمى يشوف اذا شافه
گمر حيرنه بأوصافه.. دخيل ابو فاضل
اليحلفه بعمة الساده.. مباشر ياخذ مراده
تره بروحه الكرم عاده.. نعم يالكافل
اجيناك نبجي اجيناك.. نخيناك نخدم نخيناك
عرفناك خيمه عرفناك.. واجيناك
السابع سمه صيحتنه رجّت..والكربلاء حسين حجت
الى الله.. الى الله
كلمات الشاعر
مصطفى العيساوي
أسألكم الفاتحة والدعاء لروح المرحوم والدي
بالبيت مال
ردحذفتره الازديه والسنه عدكم نقص الي هوه (مشي لحسين تتعنه)
شكرا لكم على التنبيه تم اضافة النقص
حذفأزال المؤلف هذا التعليق.
ردحذف