كربلائي ولائي | مشايه | محمد الجنامي كلمات مكتوبة

 

القصيدة: كَربَلائي ولائي

الرادود: مُحَمَّد الجنَّامِيْ

الشاعر: حسين الساعي

~~

لآخر انفاس یهالناس اظلن فاطمي

كَربَلائي ولائي و للحسين انتمي

~~

جسمي روحي والگلب مجروحه وادموعي تصب

امن المهد رافگني حب للیوم بيه گلبي ابتله

هـالأرض کـلـهـا فـخـر و اترابها کحل النظر 

احسیـن بیهــا و الگمر عبّاس راعي المرجله

جرحـي هــيّـه و الدوه واللـیـل هـیّـه و الضوه 

هیّه النفس و اهیه الهوه کل رحمة الله ابهالفله

ابعبرتي و ابحسرتي و ابدمعتي و ابجمرتي 

مجنون و اصرخ صرختي يا ناس عاشـگ کربله

للمنیّه هــویّــه ابشرایـیـني و دَمي

كَربَلائي ولائي و للحسين انتمي

~~

بیهـا مزروع العشگ بیهه العدل بیهه الصدگ 

مثل شمعه تحترگ و اتضوّي کون ابأكمله

رحمة الله الـواسـعــه بيبانها مـتـشـرّعـه

نور الله هيـّه و ساطعه و اختارها رب العله

اَمشي إلهـا كل سنه و الروح بيها امأمّنه

عمري لو إلهـا انفنه المهم حبي اوصله

لمّن امشي الهالأرض كل خطوه محسوبه فرض

بـيّــه كلشي ما يمض  كل الـم اتـحـمّـلـه

ازحف ازحوف للطفوف و اهيم ابعالمي

كَربَلائي ولائي و للحسين انتمي

~~

تبقـه ثـوره صامـده ضدّ الظلم متواجده

جنّة الله الخالـده الدنيه بيها امكمّله

بيها غيـره و عاطفه و ابكل شبر تلگه وفه 

شکو وگفه امشرّفه ابگاع الطفوف امسجله

بيها تلّ الزينبي خـلّـد رسـالات النبي 

ضد الظلم ضد السبي بیها ابتدت ام العله

الدین منها وگفته بالسمه کتبوا لافته 

الراد یـبـدي ثـورته كربله باء البسمله

ابساعة الموت اگلهه يروحي اتقدّمي

كَربَلائي ولائي و للحسين انتمي

~~

كربله يا امّ الفـخـر اصبح رمـز دمّ النـحر 

و الدّم  عله السيف انتصر  و بيرغ لبواليّمه اعتله 

بیها عابس بیها جون بیها جعفر بیها عون 

المحب یعقل بالجنون النوب دینه ایکمّله

بیها عبّاس الشهم کفویـن منّه و النعم

لاویهن اچفوف الزلم خلّه الزلم تتوسّله

صال صولة حيدره عبّاس سبع الگنطره 

و الثریه اعله الثره گالبها ابن عقد الوله

عایش ابنوح و الجـروح محـرّم موسمي

كَربَلائي ولائي و للحسين انتمي

~~

نار گلبـي اموجّره بیها زينب حایره 

بعد سبع الگنطره و حسین شیخ القافلة

اچفوف بیهه امگطعه و اموزعه اعله المشرعه 

اکبر مصیبه و فاجعه ذابح طفلهم حرمله

کل خمیس من السمه تنزل الـهـا فاطمه

و اعیونهـا تهمـل دِمَه لمصاب ابنها و‌ مقتله

هـاي صرخه و تعتلي افدي مالي و كل هَلي

بس کون یرضه ابوعلي و یکتبني بس خادم اله

دمعی سچّاب عله مصاب ذبیح الهاشمي

كَربَلائي ولائي و للحسين انتمي

~

قصيدة ▪︎[ كربلائي ولائي ] ▪︎اداء | محمد الجنامي ▪︎كلمات | حسين الساعي ▪︎المكان | العراق - الديوانية - الحمزة الشرقي ▪︎ عزاء هيئة الصديقة الطاهرة عليها السلام ▪︎ عزاء ليالي شهر محرم الحرام 1444