الخدمه حياة المجروحين|مسلم الوائلي|هيئة احباب الحسن ع |النجف الاشرف| الكوفه
📜 القصيدة: الخدمه حياة المجروحين
🎤 أداء: مسلم الوائلي
🖋 كلمات: أنور الموسوي
~~
حسين آه .. حسين آه
~~~~
الخدمه حياة المجروحين
واحنه بدون الخدمه أموات
بيها اگضي شعندي سنين
وتبقه خسارة عمري الفات
شيعوض ايامي الفاتن من زمان
وقضيهن للضامي دمعات وحنان
عاد الظل من عمري ما اريدن يضيع
وطلب من الضامن لجروحي ضمان
مو عمري المو إله مو عمري
وانه ادري الحب اماني وذخري
ما اريدن عالبواجي اجري
دمعي الما هل ما إله عذر
حزن اعياله وضيم اليسر
بهتت كل ايامي وبقيت
عايش بس للخدمه العمر
~~~~
ما اريده جرحي ويه الأيام
يبرد وعيشن ما مجروح
تطفه دمعتي الجمر الشام
شعدها اتظل بجسمي الروح
لا يا گلبي مروتك لا تبرد حرام
جمره اتظل ما دامك مربوط بخيام
نود بصدري مثل الهزله من تنود
وتجتف لو جابوا يمك طاري شام
يا گلبي الي تحب عيونه
اخذوهن شو سبايه ضعونه
وشموس العاشر اخذت لونه
ما دام اتحب اهل الخيام
گلبي اقره اعله الراحه السلام
جذاب الگال اعشگ غريب
ما يبجي كل ليله وينام
~~~
يا گلبي هاي ايام حسين
بالك تقصر وي مولاك
وشلها عينك وطلب عين
وابجي اعله سعدان الأشواك
هم روحك والحگ ضعن الهم والحبال
وعطش حد ما تذبل عطشان الدلال
لو تيهت اتبع تندل بالقبور
شگد دفنوا اطفال بهل المسره العيال
بالغربه ماتوا وخلوهم
ما حملوا الدرب كله اذوهم
دفنوهم بالحبل دفنوهم
غير الماتوا اهله يون
غير ايداري بروحه الحزن
ما خلوهن يبجن عليش
يمته اليبجي يطلب إذن
~~~~
والله حرام انشم انفاس
ومسبيه زينب هيج ايام
المفروض اعيشن بهل احساس
مجتوف اسير بنص الشام
لو اباوع عالرايات الفوگ السطوح
اتخيلهن ناس اتباوعلي وانوح
اتخيل ضحكات الشامت والطبول
حد ما اطيحن ونزف من هاي الجروح
شيحملها الشماته اتموت
واليطلب ثار المن يسكت
كل لحظه اتمر دلاله اتفت
يا مشي المجبوره شعذاب
شلون المسبي وصاحب مصاب
واليهن من فوگ الرماح
بكل مصباح يشوفن خضاب
°°°°°°°°°°°°°°°°°°°°°°°°°°°°°°°°°°
الخدمه حياة المجروحين
الملا مسلم الوائلي
الشاعر السيد انور الموسوي
الذاكر منتظر الخادم
مجلس هيئة احباب الحسن الكوفه العلويه المقدسه محرم ١٤٤٤
تعليقات
إرسال تعليق