📜قصيدة : عاجل من العباس
🎤الرادود : مسلم الوائلي
🖋الشاعر : محمد رسول الحميري
~
عاجل من هسه العباس متاني المشايه
رجعتله جفوفه ومتحضر جيبوله الرايه
يالغياره جيبو .. ثاره
صرخة توصل .. للمناره
جيبوله الرايه . . . جيبوله الرايه
~~
زحف والخطوه بألف من الزهراء
ركض من كل الارض فزعه احنه ويا
كالو موت وكلنه نعيش بلياكم حاشه
واحدنه يموت عالترابك موش عالفراشه
كبل ماعنده ناصر
زلم توكفله باجر
لحد كطع المناحر
عاشك عاشك نتعنالك يبن العلويه
ربك ياخذ منك زاير يخلقلك ميه
يا اميري وياجبيري
بيدك مسلم مصيري
جيبوله الرايه . . جيبوله الرايه
~~~
خدم كالولك نعم للموت وياك
تعب واحدهم وهب اي ذوله رباك
ربك المن سوه الوادم غير عالحسابك
مايدخل من باب الجنه الما يدخل من بابك
الك ناذر ولائي
وارخصلك دمائي
حسيني كربلائي
انته الريه البيهه اتنفس واعشك واتعافه
انته اليسجد ماي الكوكب كدام شفافه
يالمحنه وطيب اهلنه
الله رادك بيرغ النه
جيبوله الرايه . . جيبوله الرايه
~~~
نمر وندوس الجمر نجويهه النار
هلا صاحت كربله عفيه الزوار
متحزم من جابتني امي لحد هاي الساعه
انته عليك تأشر بيدك وعلينه الطاعه
وحك شوك العليله
وحك صبر العقيله
غيرك مانجيله
منك صيتي وراسي العالي واسمي وتقديري
منك يبن الزهره اتعذر ساعة تقصيري
هذا ابونه شلون اخونه
وامه الحبيبه الحنونه
جيبوله الرايه . . جيبوله الرايه
~~~
قسم برماد الخيم شيعة بيمنا
نهد والخندق ترد ونموت وياه
مابينه اليوكف متكتر وي يعز بروحه
واحد واحد نركض بلسم كدام جروحه
مجانين بعزائك
حلمهم كربلائك
يفرحون بولائك
الله يكدرنه ونتمسك بالياخذ ثارك
وامشي عليك بنياتك تحفض زوارك
بالقيامه يالنشاما
تحفض الشيعي ومقامه
جيبوله الرايه . . جيبوله الرايه
~~~
عزم من كوت الزلم همه وبغداد
اجت ذي قار البخت من صار اعناد
ابن الحله اليوم تحزم ويه ابن ديالى
وسباع النجف تعنوله يحرسون عياله
شكر من الزجيه
لميسان الابيه
السماوه اهل القضيه
طبو ولد الديوانيه وخل نتلكاهم
ابن الموصل والغربيه مفزعينه وياهم
فزعه بينه وبمشينه
نتجه لليشترينه
جيبوله الرايه . . جيبوله الرايه
°°°°°°°°°°°°°°°°°°°°°°°°°°°°°°°°°°°°°°°°°
• قصيدة : العاجل من العباس • أداء : #مسلم_الوائلي • كلمات : محمد رسول الحميري • هيئة احباب الحسن (عليه السلام ) | 1444هـ • المكان | العراق - النجف الاشرف
تعليقات
إرسال تعليق