ليالي الفاطمية الثانية 1443 هـ قصيدة: وين الدار وأهل الدار أداء: الحاج باسم الكربلائي كلمات: حمزة السماوي المكان: واسط - العزيزية هيئة جواد الأئمة (ع)
وين الدار واهل الدار
لو مفكود لو فاكد
ما تعرف منو المدفون
واحد ينحب لواحد
📌📌📌📌📌
ليلة دفنة الزهراء
زينب بقت تتحسر
اظلم صار وجه البيت
لا اخوه ولا حيدر
تدور بقت بالقران
ماكو سورة الكوثر
الدنيه اعليها متغيره
وصارت بالحزن تقره
(واويلي على الزهره )
ضني تموت راح اتموت
كلشي باليتم وارد
📌📌📌📌📌
تسترجع بقت ايام
من الباب للتابوت
ليش وما طلعت وياج
امنيتي سويه انموت
يكسرنه سوه البسمار
نفس الالم نفس الصوت
ما طاب العمر بعدج
يالما طاب ابد خدج
الليله بالكبر وحدج
وانه هم اضل بالبيت
وحدي وربج ايساعد
📌📌📌📌📌
ابويه من طلع مجتوف
طلعتي وردت هم اطلع
اجاج العبد شايل سوط
وكلتيله فلا ارجع
تشبه طلعتي لحسين
انه اتعلم واسمع
انتي عن علي تسال
وآنه اسال اعله التل
دنيه وصرنه ما نندل
الصار اليوم باجر راح
يتكرر بعد زايد
📌📌📌📌📌
اشوفج عله افراش الموت
واكعد واهمل الدمعه
طفله بعمر خمس سنين
ما شايف قبل تنعه
اليحچي بگلبه يبقه يموت
لان ما يلكه اليسمعه
كومي وجهّزي دارج
اجو ايتام خطارج
يالما تنطفي نارج
لو طوفان نوح اهنا
گلبي ما يرد بارد
📌📌📌📌📌
خذتني اسماء للجيران
بساعة موتتج يمه
خفتي عيوني خاف اتشوف
ذيج اللحظه والصدمه
الله يعين ابو الحسنين
لمن شافني يمه
يغمض عيني لو عينج
وني يشبه اونينج
اسنيني جانت اسنينج
بعدج ما اشوف الناس
محتاره وفكر شارد
📌📌📌📌📌
طلعتي اجنازه من البيت
وزينب روحها طلعت
كطعة ماي عن حسين
سبحة فاطمه انكطعت
السمه من البواجي عليج
على راسي احس وكعت
ما عاد الصبر ينفع
گلبي امن البچي اتكطع
واعرف امي ما ترجع
احس هالو عليهه اتراب
دمعي الما وكف شاهد
📌📌📌📌📌
من يرجع علي للدار
عند الباب يلكاني
صعبه شلون راح انعيش
واحد يسال الثاني
من الخمسه للخمسين
من محسن لخواني
راح احسب اضل ايام
يجيني الموت برض الشام
شملنه بالكبر يلتام
نتلاكه سبي واضلاع
لذيج ايامنه انعاود
📌📌📌📌📌
ما ضاكت حلاة الوكت .. بس مر
بذكرها ينولك الغفران .. بس مار
سوط ونار باب واثر .. بسمار
يشهدن عالمصيبة الفاطمية
📌📌📌📌📌
يقاتل فاطمة الزهراء .. خليت
من غيرة بني الانسان ..خليت
شنو كلي الجنيته بيوم .. خليت
يتامه من الزغر ولد الزجية
📌📌📌📌📌
سناين ضد علي الثاني .. سناها
وحقده سلب من فاطم .. سناها
الحد سابع سمه واصل .. سناها
نار الباب تطلب ثار هيه
📌📌📌📌📌
https://telegram.me/m7bebasim
تعليقات
إرسال تعليق