بينك وبيني | محمد الخياط - سلمان الخياط | محرم ١٤٤٤ هـ
بينك وبيني
••••••
(١) الأب:
يوليدي من عندي اِستمع هاي الوصيّه
خادم واِبن خادم تِظَل لاِبن الزّچيّه
هالخدمه غايه اُو للأبد تبگى الهويّه
خل يبگى هالمأتم وطن حتّى المنيّه .
واِتكمّل المسيره
لو تحيي كل شعيره
واِتنادي يا حُسين .
من بعدي هاللّواء
خل يعتلي السّماء
يتنصّب العزاء
واِتنادي يا حُسين
•••
(٢) الابن:
يا والدي هذا العهد بينك اُ بيني
أوفيلك اِبطول العمُر يا بويه ديني
هالمأتم اِبعيني وطن واِتحرسه عيني
والغايه أبگى للأبد .. خادم حُسيني .
من زغري بالمآتم
شفتك يبويه خادم
واِتنادي يا حُسين .
مثلك رِدِت أكون
ما همّك المنون
تحيي العزا اِبجنون
واِتنادي يا حُسين
•••
(٣) الأب:
يوليدي هالخدمه ذخر عند القيامه
ما تنفعك باچر سوى هاي الخدامه
كلمن يوجِّه لك عتب إترك ملامه
واِبخدمةِ اِحسين اِكتسب عزّ اُو كرامه .
لا لا يهمّك اَحّد
خل صوتك اِيتردّد
واِتنادي يا حُسين .
يوليدي بالحنين
تتعنّه للحُسين
تحضر بالاَربعين
واِتنادي يا حُسين
•••
(٤) الابن:
يا والدي اليوم اِطمئن واِخذ البِشاره
عنّك إنابه اُو إنته حي .. أحيي الزّيّاره
آنه اِبوسط گلبي اِرسمِت گُبّه اُو مناره
واِبگلبي ما تبرد على اِحسين الحراره .
دمعي جِرى اِويه دمعك
يا ما توِن أسمعك
واِتنادي يا حُسين .
صار الجزع شعار
واِبكل مسا ونهار
شفتك بِلا قرار
واِتنادي يا حُسين
•••
(٥) الأب:
يوليدي كلّ اِحنه فدا لـ اِحسين اُو آله
متفضّل اِعلينه الولي اِبزوده اُو نواله
(الابن):
يا والدي إبنك ورث منّك خصاله
واِشلون اَعيش اِبلا أهل بيت الرّساله .
الأب:
يوليدي دوم اَريدك
ترخص دِمَه وريدك
واِتنادي يا حُسين .
(الابن):
يا بويه بالفداء
كل گطره بالدّماء
تنضح وفا اُو ولاء
واِتنادي يا حُسين
بينك وبيني محمد الخياط سلمان الخياط الشاعر د.عبدالله السقاي ألحان محسن مندني محمد الخياط
تعليقات
إرسال تعليق