جينه مشايه | محمد الجنامي كلمات مكتوبة

 

القصيدة: جِيْنَه مَشّايَه

الرادود: مُحَمَّد الجنَّامِيْ

الشاعر: حسين الساعي 

~~~~~~~~~~~~~~~~~~~~~~~

يَا بُو فَاضْل يَا بُو فَاضْل جِيْنَه مَشّايَه

~~~~~~~~~~~~~~~~~~~~~~~

اتوكلنه بالله و نستعين .. جِيْنَه مَشّايَه

بالفاتحة لأُم البنين .. جِيْنَه مَشّايَه

مشّايه يوم الأربعين .. جِيْنَه مَشّايَه

عبّاس يتاني بالطفوف .. جِيْنَه مَشّايَه

واگف امعزّب للضيوف .. جِيْنَه مَشّايَه

يروينه بس ابلا چفوف .. جِيْنَه مَشّايَه

عله طول الغاضريه اترفرف الرايه

~~~~~~~~~~~~~~~~~~~~~~~

عبّاس راعي المرجله .. جِيْنَه مَشّايَه

بآخر عمود ابكربله .. جِيْنَه مَشّايَه

و يصيح للزاير هله .. جِيْنَه مَشّايَه

حي الله بالجانه و گصد .. جِيْنَه مَشّايَه

بمضيفنه حط و گعد .. جِيْنَه مَشّايَه

گُمگْم الغِيره ما برد .. جِيْنَه مَشّايَه

و المُضايف بإسم هاشم تِرست الثَايه

~~~~~~~~~~~~~~~~~~~~~~~

نعبر بحر لجل النحر .. جِيْنَه مَشّايَه

اجبال و ادروب الخطر .. جِيْنَه مَشّايَه

نعبرهن ابزود الگمر .. جِيْنَه مَشّايَه

لو نار تمطر بالدرب .. جِيْنَه مَشّايَه

لو ننذبح لو ننصلب .. جِيْنَه مَشّايَه

المهم نمشي للگلب .. جِيْنَه مَشّايَه

ابعين كل شامت وعاذل صرنه سِلاّيه

~~~~~~~~~~~~~~~~~~~~~~~

بالونّه نمشي و العزاء .. جِيْنَه مَشّايَه

ويانه تِمشي الانبياء .. جِيْنَه مَشّايَه

كلها تريد الكربلاء .. جِيْنَه مَشّايَه

تزور ابواليمّه الغريب .. جِيْنَه مَشّايَه

هذا عزيز الله الحبيب .. جِيْنَه مَشّايَه

بآهات و ادموع و نحيب .. جِيْنَه مَشّايَه

انواكب الحره الحزينه الإجت شچّايه

~~~~~~~~~~~~~~~~~~~~~~~

يا عاذلي يا عاذلي .. جِيْنَه مَشّايَه

بالك إذا تگرب إلي .. جِيْنَه مَشّايَه

مجنون آنه بحب عليّ .. جِيْنَه مَشّايَه

تعبك فلا ناتج اله .. جِيْنَه مَشّايَه

گبلك سعوا لا اوصله .. جِيْنَه مَشّايَه

بحيل الله نوصل كربله .. جِيْنَه مَشّايَه

من وفه العبّاس اخذنه و صرنه وفايه

~~~~~~~~~~~~~~~~~~~~~~~

لا ما تمض بينه الفتن .. جِيْنَه مَشّايَه

واحد شملنه ابكل زمن .. جِيْنَه مَشّايَه

يالأجنبي تفرح لمّن .. جِيْنَه مَشّايَه

احسين يجمع شيعته .. جِيْنَه مَشّايَه

كل احنه جوّه خيمته .. جِيْنَه مَشّايَه

شيعة وعقيدة ثابته .. جِيْنَه مَشّايَه

حسين ايوحّدنه ابمصابه و خدمته الغايه

~~~~~~~~~~~~~~~~~~~~~~~

والّي برد گلبه امس .. جِيْنَه مَشّايَه

الان بالچويه يحس .. جِيْنَه مَشّايَه

من شافنه ابعزه نفس .. جِيْنَه مَشّايَه

حسّب شملنه ايطشّره .. جِيْنَه مَشّايَه

لا وحگ سبع الگنطره .. جِيْنَه مَشّايَه

هاي احنه شيعة حيدره .. جِيْنَه مَشّايَه

خيمة حسين التلمنه و عشنه بفيايه

~~~~~~~~~~~~~~~~~~~~~~~

✍🏻قصائد الملا محمد الجنامي مكتوبة

~~~~~~~~~~~~~~~~~~~~~~~

حمد_الجناميmohammad_aljannami ▫️قصيدة ▪︎[ جينه مشايه ] ▪︎اداء | محمد الجنامي ▪︎كلمات | حسين الساعي ▪︎المكان | العراق - النجف الاشرف ▪︎ عزاء هيئة الزهراء للعزاء المركزي ▪︎ عزاء ليلة 6 / صفر المظفر