▪️نشر جديد
للإمام المجتبى (ع)
على لسان الحوراء زينب (ع) :
أوَّاهُ ا مَنْ أبكي بليلِ الخِرْبَةِ
حَسَناً ، حُسَيناً ، أمْ مصابَ الطِّفْلَةِ ؟
قدْ صارَ للآلامِ قلبي كَعْبَةً
فرأتْ بهِ الآلامُ أصْبَرَ كعْبَةِ
لَمْ تُنْسِني الأرزاءُ رُزْءَ المُجْتَبَى
كلَّا ولَمْ تَرْقَأْ عليهِ دمعَتي
سبطُ النبيِّ، شبيهُهُ ، ووريثُهُ
بشمائلٍ ، ومحاسنٍ ، وبهَيْبةِ
وهْوَ السُّوَيْدا مِنْ فُؤادِ المُرتضى
وهْوَ الشِّغافُ لِقلبِ أمِّي البضعةِ
لَمْ يكفِ ما قاساهُ منْ شتْمٍ ومنْ
طعْنٍ فغودِرَ في مكيدةِ جُعْدَةِ
دسَّتْ إليهِ سُمَّها فتفَطَّرتْ
كبدُ السَّماءِ بلوعةٍ وبِعَوْلَةِ
في الطشتِ أمسى قاذفاً أحشاءهُ
متورِّماً ، مُتقلِّباً في محنةِ
فإذا قضى ، مَنَعَتْهُ ربَّةُ بغلِها
أنْ يدفنوا جُثْمانَهُ في الحُجْرةِ
ولنَعْشِهِ سبعينَ سهماً سدَّدتْ
فبكتْ عليهِ دماً عيونُ السَّبْعةِ
عنِّي مضى لكنْ بقيتُ كَدُرَّةٍ
بينَ الحُسينِ وبينَ باقي إخْوَتي
يا ضَيْعَتي فاليومَ عنِّي كُلُّهُمْ
رَحَلوا وصرتُ وحيدةً في غُرْبَتي
بعْدَ الخبا صُفِّدتُ في قيدِ السِّبا
ووقفتُ أنظرُ للمصابِ بدهشةِ
رأسُ الحُسينِ ، يزيدُ هشَّمَ ثغْرَهُ
بالخيزرانَةِ وهْوَ دامي الجبهَةِ
ماتتْ عليهِ رُقيَّةٌ في حُزْنِها
وأنا بقيتُ لكيْ أموتَ بحسرتي..
تمت بعناية الحجة عجل الله تعالى فرجه
https://t.me/AliOsailyAmily
استشهاد الامام الحسن المجتبى عليه السلام
يافكد الاخو مايرحم الحال
هذا اصعب سهم بالدنيه جتال
اخذ مني الحسن طبع الزمن ياخذ الغالي
..................
يهدل متن يكسر ضهر يعمي عيون
فكد الاخو ايغير الملامح واللون
ايشيب الراس وشيبه يوصل لجفون
لمن تشوف بكبره كام ايحفرون
نص عمري انتهه من رحت دفان
قليله شما اوصف بيه الاحزان
وعيوني البجن طبع الزمن ياخذ الغالي
..................
عشرت عمر كضيتهه واحله ايام
منالزغر وآنه لشوفت اعيونه احتام
بفراش واحد جنه خوان انام
راح واخذ من روحي كل الاحلام
ابنادم حته لو بالصبر يمتاز
يتضعضع كيانه بدفن العزاز
اخ امن الجفن طبع الزمن ياخذ الغالي
...................
اذكر جنت اكعد بصفه ومرتاح
كلمت الخويه المنه عطر وفواح
انه الحسين اعله الحسن بيه جراح
هذا ابو محمد نبض كلبي وهل راح
تبقه لكل بشر كلمة التنكال
وهوه كل كلامه تارس البال
وكلبي هل حزن طبع الزمن ياخذ الغالي
...................
ضلمت دنياي وطفه بعيني النور
وصورة اخوي الحسن بعيوني اتدور
اليوم المحنه نامت بحضن اكبور
اتمنيته هذا اليوم يصبح عاشور
وفوكانه سوه ايهيلون التراب
المافاكد محب ليلوم الاحباب
مامرني الوسن طبع الزمن ياخذ الغالي
..................
هذا الحسن ياناس جبده المسموم
المعزب الخطاره مابيه ايكوم
ذاك الشجاع البلحرايب معلوم
بغيابه الله ايعيني بهذا اليوم
شلون اصبر ونشف دمعة العين
راح الحسن يبقه بنوحه الحسين
شتحمل محن طبع الزمن ياخذ الغالي
.................
متئذيه روحي بأيدي دافنلي احساس
ماكو اليشبهه ولابشر بي يبقاس
بغيابه صدري كوه جر الانفاس
شلون ابقه وحدي وباجر بخيل انداس
نعشه وماخلص ومترس اسهام
شلون انه الحوافر تسحن اعضام
لوصدري انسحن طبع الزمن ياخذ الغالي
محمد هادي العقابي
*************************
احتضر وحسين اشوفه ... حاير ايضل بالغرب
مني احفظ هل وصيه...يابو فاضل بالگلب
حسين يوم اطفوفه
وحده لتعوفه
....................
انه الحسن يابو الفضل اسمع كلامي بنوحك
فكد الاخوه ماينحمل بگلبك يخلي جروحك
بغيابي الك اول سهم من الزمان ايلوحك
نعشي يخويه لو طلع تتمنه تطلع روحك
شايل بروحي اذيه.. وراح اروحن للأبد
تسري نيران بدليلي.. وجبدي ياخويه انمرد
شوفني آخر شوفه
وحده لتعوفه
..................
سامع انه من والدي ومن جدي هذا مصابي
خويه وكرب مني الأجل والموت هل دك بابي
انته وحسين بدفنتي تمشون يغله احباني
وتوسدوني بحفرتي وينهال فوكي ترابي
كلبي يم حسين يبقه... ومنضره اتخيله
جاي اشوف ايده اعله ضهره.. يضل غريب بكربله
بقصته المعروفه
وحده لتعوفه
...................
عباس خويه الكربله من تمشي ويه اضعونك
مهيوبه كل القافله والرايه فوك امتونك
زينب امانه بركبتك اختك تحير بدونك
لاتنسه هاي ام الخدر خليهه بين عيونك
مدلله زينب اميره.. لايمر بيهه الألم
يابو فاضل اني أريدك.. انته حارس عالخيم
خدر زينب طوفه
وحده لتعوفه
..................
شهر المحرم من يهل بالعاشر امن ايامه
يكسر حسين امن الهضم وعينه تضل لخيامه
وينضر أولاده ووخوته امذبحه كدامه
براس الحسين امن الضرب لاماتضل اعمامه
كلها تفتر اعله نحره.. الجدي باسه بدمعته
والشماته هواي خويه... ويفرحون بذبحته
بروحك الملهوفه
وحده لتعوفه
......................
ايطيح الحسين اعله الارض وتخيل انته النمظر
وثنعش طبره ينطبر ويسيل دم المنحر
ضنوة الزهره بلا رحم بسيوفهم يتوذر
بحر الشمس جسمه يضل فوك الرمال معفر
عله صدره الخيل تلعب... عشره خياله الترض
وجسمه من كد الحوافر... ينفرش فوك الارض
ودمه يصبح حوفه
وحده لتعوفه
...................
حبكم يضل وسط الگلب ياخويه ما انساكم
آخر لقاء بدنيتي هل يوم إليه وياكم
وبروحي مو هين ابد مثل الجمر فركاكم
وصيت جاسم بالشدد تلكونه عد عيناكم
واصل السم الجبدتي... وبالطشت الفظ دمه
راح اروح بهذا حالي... واشكي لمي فاطمه
بدمعتي المذروفه
وحده لتعوفه
محمد هادي العقابي
**********************
أنه الزهره... وبلوعت مصابي
فكد ابني... زيدلي عذابي
.............
شجاها الناس خلتني أهل دمعه وانه البضعه
عله خدي بعد آثار للصفعه
يطيب شلون ضلعلي وانه بس انعه صعب وضعه
لجموا گلبي ياهو الي يجي ايفجعه
اضل انعى... بدمعات انتحابي
فكد ابني... زيدلي عذابي
.................
الحسن هل يوم طاح وكثرن الأمي بجفن دامي
اصدله وهوه فتشت عيني وايامي
اشوفه ايلوج واني انهدمت احلامي الولد ضامي
السم حار ودليله ايذوب كدامي
عليي ردو... هم اندفع بابي
فكد ابني... زيدلي عذابي
...................
حضرت اهناك من حطو طشت يمه وخذت شمه
وتكطع كلبي من حزنه وكثر همه
الولد صعبه لون طاح وتشوفه امه النضر يعمه
إذا كدامها وتعاين الدمه
الحسن شفته... وبدموعي جوابي
فكد ابني... زيدلي عذابي
..................
طبك عينا ابين احبابه وإخوانه وشفت انه
زينب فوكه تنحب اخته لهفانه
يخويه تصيح اكعد احجي ويانه الحزن جانه
يبو ملگه الحلو من اتلگانه
اجيت الهم... من فركت غيابي
فكد ابني... زيدلي عذابي
...................
طلع نعشه ورموا بسهام اشوفنهم ولاجنهم
ميت بالنعش بس ماخلص منهم
وره التابوت اخوته وينسمع ونهم مشه عنهم
موت ابني الحسن ياناس كاسرهم
بهضم روحي... وايام اغترابي
فكد ابني... زيدلي عذابي
.................
تحوم الروح يمه وهالوا اترابه وعله غيابه
الهواشم كلهه حزنانه عله صوابه
بدمع العين رشوا كبره احبابه ولهابه
نار اكلوبهن للحسن ومصابه
انه بهمي... وللمحشر خطابي
فكد ابني... زيدلي عذابي
محمد هادي العقابي
********************
المصابك يالحسن مانشفت عيوني
عليك أمن الدمع يمه نخطف لوني
..................
نخطف لوني يلون امك يفرحتهه
تعال وشوف روحي شكبر حسرتهه
يومك زيد بروحي مصيبتهه
مثل اليوم ذاكه البيه عصروني
عليك أمن الدمع يمه نخطف لوني
................
مكسورة ضلع ماينجبر ضلعي
يوميه عله واحد يهل دمعي
يبني مايطمنك لو شفت وضعي
فوك الهظم كل ساعه يجرحوني
عليك أمن الدمع يمه نخطف لوني
.....................
الك يمه سوالف ضلت ابالي
يافتشة عيون امك يدلالي
بيك الناس يبني شيبت حالي
سهام النعش من صابوك صابوني
عليك أمن الدمع يمه نخطف لوني
.................
بمصابك اني اجيت ويعتلي وني
وطشتك من نضرته حيره حيرني
شفت جبدك بنصه وصحت آ يبني
تره الاذوك كبلك اني اذوني
عليك أمن الدمع يمه نخطف لوني
................
ياجرح الاعوفه وياجرح ابدي
وليليه الدمع نايم عله خدي
بمصابك يالحسن والله انمرد جبدي
ردو يمه إليه اردود كسروني
عليك أمن الدمع يمه نخطف لوني
...................
طلع نعشك ييمه وزادت احزاني
عليك الدهر انعى بحركه خلاني
مضلومه وزماني هواي بجاني
إليه بكل وكت ناس اليعادوني
عليك أمن الدمع يمه نخطف لوني
..................
گلب امك الزهره ماكو احن منه
كل مجلس عليك بدمعي اتعنه
ايدي اعله الضلع ومعاشره الونه
لجموني بمصابك مايداووني
عليك أمن الدمع يمه نخطف لوني
محمد هادي العقابي
**********************
الاخو حزام الضهر
مشه وضهري انكسر
من عينه يحرمني الدهر
امن اديه.. راح امن اديه
...................
ونفتح باب الحزن.. ودمعه ضلت بالجفن
للاخو گلبي يحن.. كون اشوفه
بروحي شيعت الحسن.. ودفنت بيدي وطن
الهيبه ياناس اندفن.. شلون اعوفه
گلبي يوجعني بغيابه امن الألم ذاب الگلب
وصار دربي للمكابر راد رايح بالدرب
الفاتحه اقراهه يمه ودمعة عيوني تصب
العشت ويا سوه
انحرم شم الهوه
الجان بحياتي أجمل ضوه
امن اديه.. راح امن اديه
......................
امن الوكت دمعي يصب.. ماخذ عزاز الگلب فراك التحبه صعب.. من تودعه
الدنيه ماترحم احد .. لااخو ايضل لاولد
ايروح منك للأبد.. بلايه رجعه
مصابنه يختلف والله احنه ضنوة فاطمه
نعش اخوي اكبال عيني شفته بسهام انرمه
الوادم اعلينه شجاهه والذبحنه محزمه
وبعد هذا الجرح
يجي طف الذبح
والحسن يمي مايصح
امن اديه.. راح امن اديه
......................
محني ضهري امن الألم.. زلمه اخوي وماسلم
حسين انه وگلبي انلجم.. شلون زينب
تشوفني من انذبح.. وراسي ينشال برمح
وجرح نايم علجرح.. والله تتعب
كربله تخليني دامي بلا غسل وبلا جفن
ومايضل ضعن الهواشم ينسبي كل الضعن
وعله مصابي اني ادري بگبره وينوح الحسن
انه بولية غرب
اطيح امن الضرب
وشم الهوه يصبح صعب
امن اديه.. راح امن اديه
......................
من بعد ما انولي.. وعيني لخيامي وهلي
وني صوته يعتلي.. وتثكل ايدي
اه من ذاك الضهر.. ايخلي بيه شجم كسر
والشمر اه الشمر.. ايحز وريدي
الساني يابس من ضماي وگلبي ميجيسه البرد
والحوافر فوك صدري تلعب تروح وترد
جروحي الف وتسع ميه اليا جرح زينب تصد
يضربوني بحجر
ويخلي بوجهي اثر
وزينب تصيح امن القهر
امن اديه.. راح امن اديه
........................
الدمع من زينب يهل.. اه ياثكل الحمل
كبالهه ايطش الشمل.. بالصحاري
هاشميه مدلله.. حايره تضل بلفله
بين غربه بكربله.. وبين ناري
نار فركاي وحشتي ونار تلهب بالخيم
وحافيه تلم باليتامه والجمر جوه الجدم
والألم مو من سبيهه من يشتموهه الألم
المصايب تستمر
وبدايتهه اليسر
آ ياضعن ام الخدر
امن اديه.. راح امن اديه
محمد هادي العقابي
***********************
كعدة الحسن ع ١٤٤٤هجرية
لو تاه الحق بالأيام انته التهديها
لو زلّت عن الأحكام انته التهديها
دور العدل دورك للوادم بنورك
انته التهديها
-----------------
إلك يبن النبي دور ومهم بس انته تفهمه
للبشر درب السلامه بواقع الدنية ترسمه
الناس تتخبّط تعيش والجهل دنياه ظلمه
وانته تعيش ويه البشر دورك تصد عنها الخطر
تنقذها من وادي الضرر تحقق الإنسان حلمه
بأحكام الحق والايمان علمك يبنيها
بالأخلاق وبالقرآن علمك يبنيها
ومن ترفض لعدلك ما تلگه أبد مثلك
إنته التهديها
١-----------------
شلون تتعرف الوادم دورك وتعرف مقامه
الهادي كاللها بلسانه وسمعت الوادم كلامه
الدين يحتاج اليقوده وهذا مفهوم الامامه
اللي عرف فاز وربح والرفض عن دورك شطح
واللي نسه وعقله سرح سلك بدروب الندامه
لليمته يعيش الإنسان غفله يضل بيها
بيت بقلبه للشيطان غفله يضل بيها
وتكلّم الهادي وبصوته ينادي
انته التهديها
٢--------------
فرق بين إنسان يدرس حتى يتميّز بعلمه
وبين روح القدس نازل من سماه حتى يخدمه
وين من ينصف العترة وينظر الواحد بحجمه
الوادم تشوفك يالحسن إنسان وانته اكبر وطن
عالناس نعتب عالزمن الما نصف وياك حكمه
النجمه ويه الذرة شلون من نساويها
يتغير قانون الكون من نساويها
لو تاهت عالوادم لسور الوطن الدائم
انته التهديها
٣---------------
خصصت علمك لخدمة بني الأمه يبن حيدر
تنام ومأمنه بجالك وانته عالمجتمع تسهر
تحاول تفهّم الوادم بالصدق الإنسان يكبر
لا بالنسب لا باللقب لا بالاموال وبالذهب
أخلاقك تكون السبب الكل يزول وهيه تعمر
هيه بميزان الاعمال من تخليها
ترجح الاخلاق على المال من تخليها
للأخلاق العذبه والأفعال الطيبه
انته التهديها
٤----------------
البعض ما يؤمن بدينك عليه لو أنزلت آيه
طبعاً يشك بطريقك الما شرب ماي الهداية
اختلفت بعهدك الناس وكلمن يسير على رايه
هذا يميني منفصل ذاكه يساري منعزل
وظلت الوادم هالشكل وين ما تدري النهاية
من تخبط بس العدوان تشرب صافيها
تربح هند بظل سفيان تشرب صافيها
اللي ما يفهم يخسر من حيث على المعبر
انته التهديها
٥--------------
اللي يحب الظلم طبعا ما يريد تكون حاكم
اليشبه الحق ينجذبله الشر يحب أهل الجرائم
الطيب يكسبه الثواب الأعوج تكسبه الدراهم
كلمن بلهجه تكلمه العاقل أفكاره تعلمه
الجاهل ظنونه توهمه يعيش طول العمر واهم
اللي تتكلم بالدين الحق ما يرضيها
انفسها تحمل وجهين الحق ما يرضيها
تخالف ما تتعلم يبن الهادي وتعلم
انته التهديها
٦-----------------
تندمت يمته الوادم من غفت بالقبر عينك
من ولاها إبن أمية وانتهت شمعت سنينك
هناك حسّت بالندامه وكامت تناديك وينك
انته ربحت هيه انتهت
خسرت دربها وتيهت
بالفتن والهم التهت
ما روت من ماي نهرك وشكثر صافي معينه
٧-----------------
منقذ ابو شبع
تمت
***************
كعدة الحسن ع ١٤٤٤هجرية
بيت الله دار الامامه
عزّه وجاه دار الامامه
لحيدر علي والزهره دار النبي والعتره
دار الإمامه
--------------------
الحسن من بيت الرسالة وطاعته عالامة واجب
ما نهض إلاّ لخدمة هالبشر رغم المصاعب
ما أجه لجل الخلافه ولا أجه للحكم غاصب
الحسن من بيت انعرف دار الوحي دار الشرف
لكن الوادم للأسف هواي ضد الحق تشاغب
هذا النور نور الهداية
ضد الجور نور الهداية
مصدر ضيائه وفجره دار النبي والعتره
دار الامامه
١--------------
الهادي بلسانه وخطابه گال من بعدي الامامه
وعن اسمهم عن عددهم عرّف الناس بكلامه
همه أصحاب الولاء الطاهر ليوم القيامه
حيدر وبعده عترته التحمل صفاته وحكمته
للخير ترفع رايته للأمم تنشر نظامه
بالاعمال همه القيادة
للأجيال همه القيادة
بيها البشر منتصره دار النبي والعتره
دار الامامه
٢-----------------
الناس ما فهمت الكلمه تساهلت بالأهمية
والذي ساوى بنظرته بينها وبين آل أميه
وبدأت النكبات تمطر عالبشر شر وأذيه
ولن البشر متعثره بنار الفتن متأثره
عافت العترة الطاهرة وأصبحت هيه الضحية
والإيمان عدها دعاية
بس لسان عدها دعاية
حق الصريح تنكره دار النبي والعتره
دار الامامه
٣-----------------
الناس سكتت على الباطل لمّن استفحل عليها
من الحسن رادت يحلها وللمشاكل يصفيها
مثل فرعون ويه موسى قصته تدرون بيها
رادت حلول من الحسن جارت من أصحاب الفتن
وبيّن على الأمه الوهن وچان حلها بين إديها
كل إنسان يشبه نظيره
بالوجدان يشبه نظيره
الواهم يعلّق شره دار النبي والعتره
دار الامامه
٤---------------------
شگد مهم دور القيادة للبشر الله جعلها
حيث ما تنظر الوادم أعلى من نظرت عقلها
هيه ماتدري النتائج عليها تصبح مدري إلها
دور القيادة للعلم چالراس وضعه من الجسم
بالأزمه هيه وبالسلم عين تترصّد مثلها
للأوطان إلها الزعامه
عالإنسان إلها الزعامه
أطهر بذرة وشجرة دار النبي والعتره
دار الامامه
٥--------------
الأمه وگعت بالخطبئه يوم ما طاعت القائد
گلها نقضي على الفتنه تخالفت واحد وواحد
الفتن كل يوم تكبر وواجب الوادم تجاهد
ما فاد كل هذا النصح ما نفع برهان وشرح
ظلت تساهر الصبح عاللذائذ والموائد
خانت بيه أهل الجريمه
باعت ليه أهل الجريمه
غدرت الأمه بغدره دار النبي والعتره
دار الامامه
٦-------------
البشر تصبح دون قائد مثل الأعمى بلا هداية
كلمن يسير على جانب تفرقة وفتنه وغواية
وأمة الإسلام ظلت تبتلي بصوت الدعاية
واحد يسير بهالشكل
واحد لسان بلا فعل
واحد بداره يعتزل
وآل أميه البيها ربحت زادت لنار التخاصم
٧---------------
منقذ ابو شبع
تمت
*****************
خل يكتب الزمن ظُلامة الحَسَن
قَلْ ناصر القيام واتشيّعه السهام
***
بعد الجمل والنهروان وصفين واعلام امية المسموم
ضاعت الرؤية الثاقبة بعين الناس وظالم انشاف المظلوم
وولد اللي حرگو بيت فاطم بالنار ضهروا الحقد المضموم
ابناء السقيفة للفتن شبوا نار والقوم ابناء القوم
الما بايعت علي صرختهه تعتلي
لا بيعه للإمام واتشيّعه السهام
***
بالخوف عالامة بده يتظاهر جندي الطمع والآثام
وابتده هنا ينباع حتى الموقف وانشره بدينار الشام
لحد ما صفه بيع الضماير طعنه وخنجر بفخذ الايمام
بهالحاله ما ظل للعَجَب اي معنى يوم انترس نعشه اسهام
والشيّعه السهم نستذكره بألم
مستشهد السلام واتشيّعه السهام
***
عن ابن ابو سفيان گال التاريخ هالشرع لا يسلم ريت
ما حاربت عن الصلاه او عن صوم بهاي الحرب احكم جيت
والحسن حربه حرب حق ضد الجور وبروحي گلهم ضحيت
وحرب اسرتين الناس عن حربه اتگول وما ناصروا اهل البيت
وبهايه يتضح كل سبب للصلح
شيگعّد النيام واتشيّعه السهام
***
هذا الحسن عِدِل الذكر، والايمان واسمه كهف كل محروم
لامة حرب وكت الصلاه يلبس چان يدري الغدر طبع الگوم
بكملة مُذل المؤمنين ايوصفوه وهوّه الإمام المعصوم
تگعد العِزّه ابگعدته ابن الزهراء ولو گام وياه اتگوم
كل خصله طيّبه بكلمة المجتبه
الحارب الظلام اتشيّعه السهام
***
من بعد كل هاي المحن والآلام چبد الامام ايسموه
ابن النبي ويم النبي دفنه يريد واهل الحقد ما خلّوه
ما لفظوا التكبير وكت التشييع لا بالسهام ايشيعوه
وبغضاً بابوه و امه كل هذا الصار وكل اليصير يسووه
يتجدد الحقد من منحر لچبد
ميوصّفه الكلام واتشيّعه السهام
***
سعد هادي الشمري
*****************
انه حسين اليوم بالهم عل المسموم
انحـــب يامظلوم الله يالــــــــــمظلوم
$$$$$$$$$$$$$$
ويـن الزهــره امي الحره تشوف الجمره وهاي العبـره وتشوف الصــاير
الحسـن الليله بايد حــيله ودمعــــه يهيله وجيت اشكيله بـــــدلالي الحاير
وگلبي عليه يحوم ينحب دمع وهموم
الله يالمظلوم
$$$$$$$$$$$$$$
شلون اتصبر گلبــــي اتحير ياهو اليحضر چبـده اتفطر واگع جدامــه
ناديـــت امي الچبده المرمي تحـــضر يمي تشاهد همي وتشيل الامـه
ولن الزهـــره تحوم تبچي عليه دموم
الله يالمظلوم
$$$$$$$$$$$$$$
بدمــــــع الخوه وياهه اتلوه شوفي اشسوه الظـالم وهوه يعلـــم باجدادي
اسهامه انصبت بيه اشعملت لمــــــــن نزلت بالـــهم خلت يالزهره الهادي
أسهام أبنعشه اليوم موبس سم مسموم
الله يالمظلوم
$$$$$$$$$$$$$$
بنــــــــوح ونه اتگابلنه احنه وجمرة همـنه بهاي المـحنه تســـري بدلالچ
ولهل المصرع گلبي اتصـدع وشلون اهجع اهــــات اسمع تـــالمني اهاتچ
حزنـــــچ راح يدوم بعينچ ضـل مرسوم
الله يالمظلوم
چـــــــان وياي بلب حشــــاي بيـــــده الراي وهــــوه دواي وسـلوة دنياتي
شـــلون اظلمه هــــــاي الامه رخــصوا دمه وانــــــه بهمه ســالت دمعاتي
ردت نفــــس الگوم اشـــــــــهد يالقــيوم
الله يالمظلوم
$$$$$$$$$$$$$
شــــــفت الاكثر جدي وحـــيدر راح اتصـــــبر يوم المـــحشر اصرخ ظلمونه
يــــون ابحسرة الخان الـزهره الباري بامـــره ومنـهو يعذره يوم يســـالونه
وكلمن بـــــينه ايلوم خــــــــــل ينطر هاليوم
الله يالمظلوم
$$$$$$$$$$$$$
ونسالكم
الدعاء
للخادم ابو محمد الموالي
********************
الامام الحسن المجتبى عليه السلام
خويه ياروح الزجيه
مو سهل فگدك عليه
عذّبك سم المنيه
يا حبيبي. يا حبيبي
.......
آنه اخوك حسين ياهيبة ابونه
وتعطف علينه مثل امنه الحنونه
يالحسن بصواب چبدك عذبونه
ما ابالغ لو گلتلك يتّمونه
بالطشت چبدك نظرته
وظهري بمصابك كسرته
يعينك الله عله الأذيه
يا حبيبي. يا حبيبي
.......
الله يلعن (جَعدَه) بالذل والمهانه
سمّتك ياخويه بچفوف الخيانه
صايم وچبدك تگطّع من مكانه
بالطشت طاح وتوذّر يا رجانه
آنه ودموع اليتامه
نندعيلك بالسلامه
يا شبل حامي الحميه
يا حبيبي. يا حبيبي
.......
خويه دير الألم لية واخذ راحه
كافي تتعذّب يوجه الله وصباحه
ما تفيد دموع عيني والمناحه
وگلبي من جرحك يألمني بجراحه
يالحسن حالك هضمني
والجرح چبدك لچمني
الله يلعن آل اميه
يا حبيبي. يا حبيبي
.......
خويه يحسين آني حالي اهون هواي
لا ذبح لا طعنه بية وانت وياي
باجر يذبحوك ضامي بجانب الماي
بكربله وزينب تشوفك فكّر بهاي
يومك اعظم من مصابي
قطره من بحرك عذابي
تنذبح بالغاضريه
يا حبيبي. يا حبيبي
.......
ارد اودعك ياحُسين واجري دمعي
ريت مثل ظلوعك يدوسون ضلعي
وانتي يازينب اسولفلج اسمعي
من يذبحه الشمر لخيامج ارجعي
للحرگ لمن يجوكم
فرّوا بالبر من عدوكم
اختك واختي سبيه
يا حبيبي. يا حبيبي
سيد زيد الفحام
_______________________________
#للحسن_ص
اول آيات الكرار
بفضل احسانه كل الصار
اكرم واحد
واشجع زاهد
بعض الشواهد مؤلمه وو طبع الحقائق تنمل
عدنا الحسن بس بالكرم ونحجيها لا ما نخجل
الكرم شي عادي ترا وعن العرب ماينحل
اخذ الحسن منطي ضعن وهالشي لازم يعقل
بفضل فكره شكو دمعه انبچت لحسين اخيه
اذا مو هَوَ ما نلطم ولا ننصب عزيه
السهام النامت ابنعشه ترا من الغاضريه
فشله انذكره بس بالزاد
وهو مقَدِم اخوه اولاد
شيخ وقائد
واشجع زاهد
.
.
.
.
حكام عصره من طغو جان الحسن ناصحهم
هُدنه ِعقد لا مو صلح المثله ميصالحهم
ناس استباحو دم علي وغامض صفه واضحهم
اعله حسين اخوه جفه لطم هل يعقل ايصافحهم؟
سياسي اول على العالم اطاح بحكم اميه
اذا شال الثرى بيده يصير من الثريه
اخذ هجي شخص عارف يقدم الغاضريه
لسه افكاره مدوخه الناس
وعالسيف امعلم عباس
نفس الوالد
واشجع زاهد
.
.
.
.
هذا ابن قتال العرب فذ بالشجاعه امعتبر
الما تنگدر الها بزمن عليها ابو محمد يگدر
ما ضارب بسيفه ابد الا كِبار العسكر
تلميذه عباس الشهم الطَلََع كلب للاشتر
علي الاكبر اخذ منه الشجاعه الهاشميه
واجه القاسم تعلمها وكسر ضهر الوطيه
زلم حتى الوگف ضدهم
تعليقات
إرسال تعليق