📜القصيدة: كواجن الله
🎤اداء: مرتضى الغزي
~
كواجن الله وياهلة بهل جية
متانيجن تردن يزينب لية
بس المشن من كربلة حاسبهن
بالردة ماردن لبوهن كلهن
ضعنج يزينب بعد عوزة بنية
~~
يمكن رقية وية الضعن ما ردت
بالشام خافن ماتت وما رجعت
من رحتو من يم جسمي كاتله الشوك
لو جاية وياكم كبلكم وصلت
يم عون شنهي شصار ببنيتي احجي
حاجيت راسي ودنك و ضل يبجي
زينب كلب يحمل تعب مابية
ضعنج يزينب بعد عوزة بنية
~~~
من گبل ما ترحون اجت مشتاكة
تتهطر اوي خيلهم تتلاگة
وكعدت بحضني وردت اكله اللة وياج
ومن حضني جراه الشمر للناكة
من كثر ما مشتاكة لية وحنت
مرتين يمكن صعدوها و نزلت
كعدت حذاية و تعصر برجلية
ضعنج يزينب بعد عوزة بنية
~~~
و بليلة العاشر جسمي هدت حيلة
كالتلي بوية الجيش حضر خيلة
و رفت عباتي و كمت اشوفك مذبوح
يحسين خل نرجع لهلنة الليلة
وكضت تراجيهة و بجت و تبديت
كتلة باجر مامش الترجية
ضعنج يزينب بعد عوزة بنية
~~~
الجلمة البكلبج يخيتي احجية
كليلي يازينب بنيتي شبيهة
يم عون بس لا ماتت بكاع الشام
متعيني لو وي فاطمة مخليهة
لو ضالة وما ماشية من مشينة
جا هسة عدلة و كاعدة اتانينة
وما تدري بية الخيل داست بيه
ضعنج يزينب بعد عوزة بنية
~~~
ماتت بنيتك بس كلت ماكلة
ضلت بكلبي و كاضتني الفشلة
زحمة الزغيرة عليك يحسين تموت
وانه الجبيرة و رادتلك عدلة
سامحني يا ما شال جسمك تابوت
عل تل متت يحسين لو بيدي الموت
جا هسة يمك ما رحت مسبية
ضعنج يزينب بعد عوزة بنية
°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق